16-40 yosh oraligʻidagilar uchun Kanadada xarajatlari qoplanadigan 4 kunlik forum — Cultural Diplomacy and Technology Forum

Umumiy maʻlumotlar

Madaniy diplomatiya va texnologiya sohasida oʻqiyotgan talaba hamda ishlayotgan mutaxassis va tadqiqotchilar uchun Kanadada xarajatlari qoplanadigan 4 kunlik forum — Cultural Diplomacy and Technology Forum taqdim etiladi.

Forum 2024-yil 20-avgustdan 23-avgustgacha Kanadaning Toronto shahrida oʻtkaziladi hamda unda jami 200 nafar ishtirokchi qatnashishi rejalashtirilgan (100 nafar kanadalik, 100 nafar xorijiy davlat fuqarolari). Ishtirokchilar orasidan 20 nafar saralangan nomzodga grant taqdim etiladi.

Ushbu forum madaniy diplomatiya va texnologiya sohasidagi yosh mutaxassislar, olimlar va amaliyotchilar oʻrtasida fanlararo muloqot va hamkorlikni rivojlantirish uchun asosiy platforma boʻlib xizmat qiladi. Forumning asosiy maqsadi texnologiya va madaniy diplomatiya oʻrtasidagi koʻp qirrali munosabatlarni oʻrganuvchi chuqur munozaralar va hamkorlikni rivojlantirishga yordam berishdir. Dastur doirasidagi maʼruzalar Kanadadagi taniqli universitetlarning professorlari, hukumat vakillari hamda Kanadada faoliyat yurituvchi yetakchi texnologiya brendlarining vakillari tomonidan oʻtiladi.

Dasturda quyidagi mavzularda muhokamalar olib boriladi:

• Cultural Diplomacy and Cybersecurity: Exploring Ethical Challenges Raised by Technology and Solutions (Madaniy diplomatiya va kiberxavfsizlik: texnologiya va yechimlar tomonidan koʻtarilgan axloqiy muammolarni oʻrganish);
• Cultural Exchange in the Digital Age: The role of digital platforms and social media in modern diplomatic efforts (Raqamli asrda madaniy almashinuv: zamonaviy diplomatik harakatlarda raqamli platformalar va ijtimoiy media roli);
• Digital Divide: Addressing Inequities in Access to Technology (Raqamli boʻlinish: texnologiyaga kirishdagi tengsizliklarni bartaraf etish).

Dastur haqida batafsil ushbu havola orqali maʼlumot olish mumkin.