Bakalavr yoki qoʻshma bakalavr va magistratura bosqichini Slovakiyada oʻqishni istagan iqtidorli talabalar uchun maxsus grant dasturi. Stipendiya miqdori — €12,000!
-
15/05/2024 Qabul boshlanishi
-
Grant Moliyalash turi
-
Slovakiya Davlat
-
01/07/2024 03:59 Oxirgi muddat
Umumiy maʻlumotlar
Slovakiya Respublikasi Taʼlim, tadqiqot, rivojlanish va yoshlar vazirligi tomonidan Slovakiyada bakalavr bosqichini oʻqishni istagan iqtidorli xalqaro talabalar uchun maxsus grant dasturini taqdim etadi. Jami 100 nafar nomzodga grant dasturi taqdim etilishi rejalashtirilgan.
Dastur doirasidagi 12,000 yevro miqdoridagi stipendiyani bakalavriatning kunduzgi taʼlim yoʻnalishi yoki kunduzgi qoʻshma bakalavriat va magistratura taʼlim dasturi uchun olish mumkin.
Har bir nomzodni tekshirish jarayoni Slovakiya Respublikasi Taʼlim, tadqiqot, rivojlanish va yoshlar vazirligi (Ministry of Education, Research, Development and Youth of the Slovak Republic) yoki talabgor hujjat topshirgan va oʻqishga kirgan oliy taʼlim muassasasi tomonidan amalga oshiriladi.
Grant sohibi boʻlish uchun ishtirokchi 2024-yilning kuzida boshlanadigan oʻquv dasturining birinchi yilida rasman roʻyxatdan oʻtgan boʻlishi kerak.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturda Slovakiyadan boshqa barcha davlat fuqarolar qatnashishi mumkin (Oʻzbekiston roʻyxatda bor);
- SAT testidan kamida 1050 ball olish talab qilinadi;
- 2019-yil 1-yanvardan boshlab ariza topshirilgunga qadar nomzod Slovakiyada doimiy yoki vaqtinchalik yashamagan boʻlishi lozim (slovak tilida oʻqish yoki oʻqishga tayyorgarlik kursi uchun, Erasmus+ va European Solidarity Corps dasturlari doirasidagi faoliyatda qatnashish uchun vaqtinchalik Slovakiya hududida yashash bundan mustasno);
- Ingliz tilini dasturda qatnashish darajasida bilish lozim (sertifikat soʻralmaydi);
- Ishtirokchi ilgari birorta Slovakiyada joylashgan oʻrta maktab yoki oliy oʻquv yurtida tahsil olmagan boʻlishi kerak (akademik almashinuvlardan tashqari);
- Umumiy oʻrta taʼlimni 2023-2024 oʻquv yilida tugatadiganlar ham ariza topshirishi mumkin;
- Nomzod 2024-yil kuzidan boshlab Slovakiyada joylashgan universitetning bakalavriat yoʻnalishining birinchi kursiga yoki bakalavriat va magistraturaning qoʻshma oʻquv dasturiga oʻqishga kirishi talab qilinadi (magistratura bosqichi bundan mustasno);
- 18 yoshgacha boʻlgan ishtirokchilar qonuniy vasiysi tomonidan imzolangan roziligini olgan holda dasturda qatnashishi mumkin.
Muhim: Oʻquv dasturi uchun maxsus til talablari yoʻq. Biroq ingliz tilini yetarli darajada bilish nomzodga ustunlik beradi. Yuqoridagilar nomzodlarga qoʻyilgan umumiy talablardir. Shuning uchun nomzod tanlagan taʼlim muassasasining ichki talablari bilan ham tanishib chiqishi kerak.
Slovakiyada taklif etiladigan ingliz tilidagi oʻquv dasturlari roʻyxati bilan ushbu havola orqali tanishib chiqish mumkin.
Foydali tomonlari
- Dasturga qabul qilingan nomzodlar oʻqish toʻlovlaridan ozod etiladi;
- Davlat tomonidan tibbiy sugʻurta qilinadi;
- Oyiga 400 yevro stipendiya beriladi (jami 12,000 yevro).
Maʼlumot uchun: Slovakiyada oʻquv yili 1-sentyabrda boshlanadi va keyingi yilning 31-avgustida tugaydi. Grantlar har yili oʻn oylik muddatga, sentyabrdan iyungacha beriladi.
Sugʻurta haqida batafsil ushbu havola orqali maʼlumot olish mumkin.
Qoʻshimcha maʻlumotlar
- Dasturga hujjat topshirish uchun oxirgi muddat: 1-iyul, 2024-yil (03:59);
- Email: scholarships@portalvs.sk (texnik muammolar uchun), scholarships.talents@minedu.sk (boshqa barcha holatlar uchun).
Migratsiya masalalari yuzasidan Xalqaro Migratsiya Tashkilotiga murojaat qilish mumkin:
- Email: mic@iom.int;
- Tel: 0850 211 478 (Slovakiyadan), +421 2 5263 0023 (chet eldan).