Indoneziyada magistratura bosqichini to‘liq moliyalashtirilgan holda o‘qish imkonini beruvchi UI GREAT Scholarship 2025 granti

19/03/2025 Qabul boshlanishi
Toʻliq Moliyalash turi
Indoneziya Davlat
27/03/2025 21:59 Oxirgi muddat

Muhim tafsilotlar

Kimlar uchun

Oliy ma'lumotli (bakalavr)
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Indoneziya universiteti (Universitas Indonesia) magistratura bosqichini to'liq moliyalashtirilgan holda o'qish imkonini beruvchi UI GREAT Scholarship 2025 dasturini e'lon qiladi.

Grant dasturi butun dunyodan kelgan barcha xalqaro talabalar uchun ochiq. Dastur davomiyligi 2 yil (maksimal 4 semestr)ni tashkil qiladi.

Grant quyidagi yo'nalishlardan uchun taqdim etiladi:

Faculty of Medicine;
Faculty of Dentistry;
Faculty of Mathematics and Natural Science;
Faculty of Law;
Faculty of Economics and Business;
Faculty of Social and Political Sciences;
Faculty of Public Health;
Faculty of Computer Sciences;
Faculty of Pharmacy;
Faculty of Administrative Sciences;
Faculty of Engineering;
Faculty of Humanities;
Faculty of Nursing;
Faculty of Psychology;
School of Environmental Sciences;
School of Strategic and Global Studies.

Ma'lumot uchun: Universitas Indonesia taniqli davlat universiteti bo'lib Indoneziyadagi eng yaxshi universitetlardan biri hisoblanadi. U doimiy ravishda mamlakatdagi eng yuqori darajadagi universitet sifatida o'z mavqeini saqlab kelmoqda. Universitet kuchli tadqiqot an'anasi bilan ajralib turuvchi innovatsiyalar va asosiy manfaatdor tomonlar bilan hamkorlikdagi sa'y-harakatlari bilan ajralib turadi, shu bilan birga mamlakat uchun sifatli va qulay ta'lim beradi.

Dastur haqida batafsil ushbu havola orqali ma'lumot olish mumkin.

Maqbullik shartlari

Dasturda millatidan qat’iy nazar barcha qatnashishi mumkin (Indoneziya fuqarolari bundan mustasno);
Nomzod bakalavr darajasiga ega bo‘lishi kerak;
Yo‘nalishi bo‘yicha kirish talablariga mos bo‘lishi lozim;
Indoneziya universitetida o‘qish davomida talabaning GPA darajasi 3.0 dan past bo‘lmasligi kerak;
Yo‘nalishiga qarab ingliz va bahasa tilini yaxshi bilish so‘raladi. Agar nomzod bahasa tilini bilmasa, barcha xarajatlari grant tomonidan qoplanadigan bir yillik til o‘rganish kursiga qatnashishi shart. Bir yillik kursdan keyin ham BIPA bo‘yicha minimal 2-darajani qo‘lga kiritolmagan ishtirokchi olgan barcha grantini to‘laligicha qaytaradi. BIPA dan 2-darajani olganlar esa yo‘nalishi bo‘yicha o‘qishni davom ettirishadi;
Ishtirokchi Indoneziyadagi boshqa oliygohlarda talaba sifatida ro‘yxatdan o‘tmagan bo‘lishi talab qilinadi;
Grant g‘oliblari dasturni yakunlamasdan oldin Indoneziyadagi boshqa universitetlarda ro‘yxatdan o‘tmasligi lozim.

Eslatma: Magistr darajasiga ega ishtirokchilar dasturda qatnashishi mumkin emas.

Foydali tomonlari

O'qish to'lovidan ozod etiladi (maksimal 4 semestr uchun);
Bir martalik viza, VITAS va yashash uchun ruxsat olish xarajatlari qoplanadi;
Bir martalik qaytish chiptasi bilan ta'minlanadi (taxminan 636 AQSh dollargacha qiymatdagi ekonom klassda);
Yashash xarajatlari uchun bir martalik 1,500,000 IDR (~$90) miqdorida pul beriladi;
Oylik tibbiy sug'urta bilan ta'minlanadi (taxminan 24 AQSh dollargacha);
Turar joy uchun 3,500,000 IDR (~$212) miqdorida oylik nafaqa beriladi (faqat turar joyni o'z ichiga oladi).

Muhim: Dastur uchun beriladigan stipendiyalar soliqlarni o'z ichiga oladi va faqatgina nomzod Indoneziyada yetib borgandan keyingina beriladi.

Hujjat topshirish

Dasturda qatnashishni istaganlar ushbu havola orqali ro'yxatdan o'tib ariza topshirishlari mumkin.

Ariza topshirishda quyidagilar so'raladi:

Shaxsiy ma'lumotlar;
Nomzodning yaqindan tushgan fotosurati;
Pasport nusxasi;
To'lov kvitansiyasi;
Bakalavr darajasini ko'rsatuvchi hujjat va akademik transkriptlar (ingliz yoki indonez tilida);
Til bilish sertifikati (ingliz yoki indonez tili);
NEW UI GREAT letter of statement (shaxsiy bayonot) va Indoneziya elchixonasidan tavsiyanoma (ixtiyoriy formatda). Ushbu ikkala hujjat hajmi 3 MB dan oshmagan bitta PDF hujjat ko'rinishida topshiriladi.

Eslatma: Ariza topshirish uchun 100 AQSh dollar miqdoridagi badal to'lovi mavjud. To'lov kvitansiyasi ro'yxatdan o'tish davomida yuklanadi. Yo'nalishga qarab qo'shimcha hujjatlar topshirilishi so'ralishi mumkin.

Rasmiy havola Hujjat topshirish