Italiyaning Piza universitetidan bakalavr va magistratura bo'yicha UNIPI scholarship granti

Italiyaning Piza universiteti (UNIPI) har yili oʻqitish tili ingliz tili boʻlgan magistratura kurslari va Management for Business and Economics bakalavr bosqichiga qabul qilingan xalqaro talabalar uchun 24 ta grant taqdim etadi. Grantning asosiy maqsadi ushbu yoʻnalishlarga chet ellik talabalarni koʻproq targʻib qilish va yoshlarning oʻz sohalarida muvaffaqiyatga erishishiga yordam berishdir.

Grant amal qiladigan magistratura kurslari:

• Muhandislik va texnologiya sohalari:
  • Master in Aerospace Engineering; 
  • Master in Bionics Engineering;
  • Master in Materials and Nanotechnology;
  • Master in Nuclear Engineering;
  • Master in Technology and production of paper and cardboard;
• Kompyuter fanlari va IT sohasi:
  • Master in Artificial Intelligence and Data Engineering;
  • Master in Computer Engineering;
  • Master in Computer Science;
  • Master in Computer Science and Networking;
  • Master in Cybersecurity;
  • Master in Data Science and Business Informatics;
• Tibbiyotga oid sohalar:
  • Master in Biotechnologies and Applied Artificial Intelligence for Health;
  • Master in Neuroscience;
• Tabiiy fanlar:
  • Master in Exploration and Applied Geophysics;
• Ijtimoiy-iqtisodiy sohalar:
  • Master in Economics;
  • Master in Ancient Egypt and Western Asia.

Grant amal qiladigan bakalavr kursi:

• Management for Business and Economics.

Maʼlumot uchun: Piza universiteti qishloq xoʻjaligi, astrofizika, informatika, muhandislik, tibbiyot va veterinariya sohalari hamda yuqori darajadagi tadqiqot markazlariga ega davlat muassasasidir. Bundan tashqari, universitet milliy va xalqaro ahamiyatga ega boʻlgan koʻplab madaniy muassasalar bilan yaqin aloqalari orqali mavjud sohalarni yanada rivojlantirib kelmoqda.

Grant dasturi haqida batafsil maʼlumot bilan rasmiy sayt orqali tanishib chiqish mumkin.

• Nomzod universitetning oʻqitish tili ingliz tili boʻlgan magistratura yoki Management for Business and Economics bakalavr yoʻnalishlaridan biriga qabul qilingan xalqaro talaba boʻlishi lozim; 
• Ingliz tilini yetarli darajada bilish talab qilinadi (aynan qaysi darajada bilish kerakligi tanlagan yo'nalishiga qarab farq qiladi);
• Nomzod oʻqimoqchi boʻlgan yoʻnalish talablariga mos boʻlishi kerak.

• Kursning birinchi yili uchun: 6,500 yevro va universitet toʻlovlaridan ozod qilish (mintaqaviy soliqlar uchun 140,00 yevro va davlat boji uchun 16,00 yevrodan tashqari);
• Magistraturaning ikkinchi yili uchun: 8,000 yevro va universitet toʻlovlarining 50 foizga kamayishi (agar talaba eng kamida 36 CFU kreditini yigʻa olsa);
• Bakalavr kursining ikkinchi va uchinchi yili uchun: 8,000 yevro va universitet toʻlovlarining 50 foizga kamayishi (agar talaba eng kamida 36 CFU krediti (birinchi yil) va 96 CFU kreditini (ikkinchi yil) yigʻa olsa).

Muhim: Gʻoliblar Piza shahriga kelib, yashash uchun ruxsatnoma olishga ariza topshiradilar va Piza universitetiga oʻqishga kirgandan soʻnggina stipendiyani qoʻlga kiritadilar. Stipendiyalar har yili 5 oylik interval bilan ikkiga boʻlib toʻlanadi. Ikkinchi va uchinchi yil uchun grant ajratish talablari keyingi oʻquv yilining boshida (sentyabr-oktyabr oxiri) belgilanadi.

Eslatma: Gʻoliblar DSU grantlaridan faqat birinchi oʻquv yilida foydalanishi mumkin, ammo ular Italiya hukumati (MAECI) taqdim qiladigan stipendiyalarni ololmaydilar.

• Nomzodlar ushbu grant uchun alohida ariza topshirishlari shart emas. Grant taqdim qilinadigan yoʻnalishlarga qabul qilingan barcha talabalar oʻz-oʻzidan grant nomzodligiga koʻrib chiqiladi; 
• Nomzodlar maxsus kengash tomonidan quyidagi omillar asosida baholanadi:
  • CV;
  • Suhbat natijasi;
  • GPA (Oʻrtacha baholar koʻrsatkichi);
  • Ariza beruvchining kelib chiqish davlati (bunda iqtisodiy jihatdan rivojlanishi past mamlakat fuqarolariga ustunlik beriladi).
• Nomzodlar hujjat topshirishdan oldin ushbu havola orqali roʻyxatdan oʻtishlari lozim;
• Magistraturaga kirish imtihonlarisiz qabul qiladigan dasturlarga hujjat topshirish shartlari bilan ushbu havola orqali, shuningdek, kirish imtihoni asosida qabul qiladigan dasturlarga hujjat topshirish shartlari bilan ushbu havola orqali maʼlumot olish mumkin;
• Magistratura uchun roʻyxatdan oʻtish bosqichlari haqida batafsil bu yerda; 
• Bakalavr bosqichiga hujjat topshirish shartlari bilan tanishib chiqib, ushbu havola orqali ariza topshirish mumkin.

Eslatma: Berilgan dasturlarga hujjat topshirish muddati turlicha. Shuning uchun tanlagan kurs boʻyicha maʼlumotlar bilan diqqat bilan tanishib chiqish lozim.

• Bakalavr bosqichi uchun ariza topshirish muddatlari:
  • 2023-yil 10-apreldan 30-iyun 15:00 gacha (ikkinchi sessiya uchun);
  • 2023-yil 24-iyuldan 31-avgust 15:00 gacha (uchinchi sessiya uchun).
• Email: wis@unipi.it;
• Tel: +39 050 221 2111;
• Faks: +39 050 40834.