Madaniy diplomatiya boʻyicha Qatarda oʻtkaziladigan 3 kunlik forum — Young Cultural Diplomacy Forum
-
15/09/2024 Qabul boshlanishi
-
Qisman Moliyalash turi
-
Qatar Davlat
-
27/09/2024 02:00 Oxirgi muddat
Umumiy maʻlumotlar
Strategiya va Madaniy Diplomatiya Markazi (CSCD) tomonidan madaniy diplomatiya sohasini oʻrganishga bagʻishlangan Young Cultural Diplomacy Forum — 2024 taqdim etiladi.
Dastur quyidagi modullardan tashkil topgan:
- Middle Eastern Renaissance;
- Shakespeareʼs Performance Diplomacy;
- The Aesthetic Turn in International Policy Making;
- The Role of Sports in Public Diplomacy;
- Literature, Poetry, and Storytelling in Cultural Diplomacy;
- The Dual Role of Escapism and Tourism.
Dastur davomida globallashuv va texnologiya tobora kuchayib borayotgan dunyoda sunʼiy intellektning madaniy diplomatiyaga taʼsiri, Shekspir yaratgan asarlarning diplomatik salohiyati, madaniy almashinuvdagi turizmning roli chuqur oʻrganiladi. Shuningdek, Yaqin Sharqda Uygʻonish davrining global diplomatiyaga taʼsiri, xalqaro siyosatni shakllantiruvchi estetik elementlar va ommaviy diplomatiyada sportning kuchi tahlil qilinadi.
Forum 2024-yil 7-noyabrdan 9-noyabrga qadar Qatarning Doha shahrida oʻtkaziladi.
Dastur haqida batafsil ushbu havola orqali maʼlumot olish mumkin.
Maqbullik shartlari
Xarajatlari qoplanadigan grant dasturi uchun ishtirokchilarga qoʻyilgan talablar:
- Madaniy diplomatiya boʻyicha bilim, tajriba va malakaga ega barcha qatnashishi mumkin;
- Ingliz tilini dasturda qatnashish darajasida bilish lozim;
- Yetakchilik salohiyati, madaniy diplomatiya va davlat xizmati boʻyicha faoliyat olib borishga tayyorligi inobatga olinadi;
- Talabgor ijodiy loyihalar yarata olishi va atrofdagilar bilan kuchli muloqot qobiliyatini namoyon qilishi soʻraladi;
- Taqdim etilgan ariza aniq, izchil va umumiy taqdimoti yaxshi boʻlishi kerak;
- Yoshlarga qaratilgan tashabbuslarda faol ishtirok etgan va yutuqlarga erishgan boʻlishi lozim;
- Taklif qilingan ijtimoiy harakatlar rejasini amalga oshirishga taʼsir koʻrsata olishi kerak.
Foydali tomonlari
Xarajatlari qoplanadigan dastur quyidagilarni oʻz ichiga oladi ($18 evaziga):
- Forum uchun taklifnoma va dastur yakunida sertifikat beriladi;
- “Eng yaxshi jamoat diplomati” deb topilgan ishtirokchining qaytish uchun aviachipta xarajatlari qoplanadi;
- 3 kecha bepul turar joy va forum tovarlari bilan taʼminlanadi;
- Soha boʻyicha amaliyot oʻtish imkoniyati;
- 10 haftalik virtual kurs taqdim etiladi;
- Madaniy diplomatiya boʻyicha hamfikr, ekspert hamda amaliyotchilar bilan tanishish va hamkorlikni yoʻlga qoʻyish imkoniyati;
- Madaniy diplomatiya boʻyicha chuqur bilim beriladi.
Muhim: Xarajatlari qoplanadigan dasturda ovqatlanish xarajatlari ham qoplanishi mumkin.
Oʻz-oʻzini moliyalashtirish quyidagilarni oʻz ichiga oladi ($650 evaziga):
- Forum uchun taklifnoma va dastur yakunida sertifikat beriladi;
- Ovqatlanish xarajatlari qoplanadi;
- 3 kecha bepul turar joy va forum tovarlari bilan taʼminlanadi;
- Soha boʻyicha amaliyot oʻtish imkoniyati;
- 10 haftalik virtual kurs taqdim etiladi;
- Madaniy diplomatiya boʻyicha hamfikr, ekspert hamda amaliyotchilar bilan tanishish va hamkorlikni yoʻlga qoʻyish imkoniyati;
- Madaniy diplomatiya boʻyicha chuqur bilim beriladi.
Eslatma: Bundan tashqari sammit toʻlovining 50 foizini qoplaydigan qisman moliyalashtiriladigan 15 ta oʻrin mavjud.
Qoʻshimcha maʻlumotlar
- Dasturga hujjat topshirish uchun oxirgi muddat: 27-sentyabr, 2024-yil;
- Natijalar eʼlon qilinadi: 4-oktyabr, 2024-yil;
- Email: contact@thecscd.org.
Quyidagi ijtimoiy tarmoqlar orqali qoʻshimcha maʼlumot olish mumkin: