Jurnalistika va media sohasidagi talabalar va bitiruvchilar uchun Britaniya konsulligidan “Future News Worldwide” konferensiyasi
  • 04/05/2021 Qabul boshlanishi
  • Mukofot Moliyalash turi
  • Buyuk Britaniya Davlat
  • 08/06/2021 07:00 Oxirgi muddat
Telegram kanalimizga aʼzo boʻling

Muhim tafsilotlar

  • Dastur tili
    Ingliz tili
  • Yosh chegarasi
    18 yoshdan 25 yoshgacha

Doʻstlar bilan ulashing

Umumiy maʻlumotlar

Future News Worldwide - bu Britaniya Kengashi va dunyoning yetakchi ommaviy axborot tashkilotlari o'rtasidagi hamkorlik dasturi bo'lib, ushbu dastur doirasida har yili 100 nafar talaba dunyoning yetakchi muharrirlari, yozuvchilari hamda muxbirlaridan jurnalistika bo'yicha ta'lim olishadi.

Dastur maqsadi- yoshlarda keng jurnalistika ko'nikmalarini rivojlantirishga ko'maklashish va Buyuk Britaniyani yosh jurnalistlar va ommaviy axborot vositalari xodimlarini tarbiyalashda global yetakchiga aylantirishdir.

2021- yilgi dastur mavzuslari- "Iqlim, COVID- 19 pandemiyasi va 'Qanday qilib jurnalistika inqirozga yuz tutayotgan dunyoga yaxshi xizmat qilishi mumkin' g'oyasini ko'tarishdir.

Maqbullik shartlari

Tanlovda har qanday millat vakillari ishtirok etishlari mumkin bo'lib, ular quyidagi muqobillik shartlariga to’la mos tushishlari talab qilinadi:

  • 18-25 yosh oralig'ida bo'lishi (2021-yilning 1- iyuliga qadar);
  • Istalgan sohada ta'lim oluvchi bakalavriat yoki magistratura bosqichi talabasi yoki 2019-yil 1-iyul sanasidan so'ng o'qishni tamomlagan bitiruvchi bo'lishi,
  • O'z karyerasini jurnaliatikaga bag'ishlagan bo’lishi, jurnalistika sohasiga qiziqishi va soha doirasida ko’nikmalarga ega bo’lishi;
  • Ingliz tilini yaxshi bilishi. Taxminan IELTS 6.5 darajasida;
  • Edinburgda hamda Londonda bo'lib o'tgan Future NEWS yoki Future News Worldwide konferensiyalarida ishtirok etmagan bo'lishi;

Muhim Eslatmalar: 

  • Ishtirokchilar 2021-yil 14 (kunduzi)- yoki 15(ertalab)- iyul kunlaridan biridagi onlayn konferensiyada ishtirok etishlari kerak;
  • Konferensiyada faqat bir marta ishtirok etishga ruhsat etiladi;
  • Konferensiyaga qatnashish bepul bo'lib, internet bilan bog'liq masalalar: harajatlar, muommolarga ishtirokchilarning o'zlari javobgardirlar;
  • 2020- yilgi konferensiyaga ariza berganlar o'tgan yili ariza topshirish uchun ro'yxatdan o'tishda foydalangan elektron pochta manzillariga xabar olishlari kerak.
  • Dasturga British Council xodimlari yoki hamkorlari, ularning yaqin oila a'zolari hamda tanlov bilan aloqador bo'lgan boshqa shaxslar qatnashish huquqiga ega emas;
  • Dastur tashkilotchilari g'olibni sovringa munosib emas deb topgan va bunga yetarli asoslari bo'lgan taqdirda boshqa muqobil nomzod tanlash huquqiga egalar.

Foydali tomonlari

  • Onlayn Future News Worldwide 2021 konferensiyasida ishtirok etish;
  • 400 dan ortiq a'zolari bo'lgan Future News Worldwide bitiruvchilar tarmog'iga qo'shilish.

Hujjat topshirish

Future News Worldwide konferensiyasiga ro’yxatdan o’tish uchun quyidagi bosqichlardan o’tish lozim:

  • https://jobs.guidantglobal.com/british-council-future-news-worldwide havolasiga kirib, sahifaning quyida berilgan savollarga javob berilishi kerak;
  • Ushbu savollarga javob berilganidan so’ng arizaning ikkinchi bosqichiga o’tish uchun ishtirokchilarga maxsus havola beriladi, ushbu bosqichda nomzodlardan berilgan ikkita savolga javob berishlari talab etiladi;
  • Savollarga javoblarni multimediya (rasm, video, podkast) formatida taqdim etishni xohlagan nomzodlar ularni Youtube, Vimeo, Soundcloud tarmoqlariga joylab, maxsus parol o’rnatishlari hamda tarmoq linki va parolni "Q1. Answer" yoki "Q2. Answer" belgisi bilan yuborishlari lozim;
  • Shuningdek, onlayn ish portfeliga havola taqdim etish ham mumkin (ixtiyoriy);

Eslatma:

  • Formatidan qat'iy nazar barcha javoblar teng baholanadi;
  • Barcha javoblar ingliz tilida bo'lishi kerak.
  • Arizaning ikkinchi bosqichida so’raladigan birinchi savolda jurnalistik tajribangiz va nima uchun Future News Worldwide 2021 dasturiga kirmoqchi ekanligingiz haqida shaxsiy bayonot berishingiz so'raladi.
  • Javoblaringizda quyidagilarga to’xtalib o’tishingiz kerak:
    • Siz qiziqqan jurnalistika turi, va nima uchun ushbu turni tanlagansiz;
    • Sizdagi ushbu sohaga oid mavjud bo’lgan tajriba qay darajada (bu universitet kursi doirasida amalga oshirilmagan bo’lishi lozim);
    • Siz hozirda ishlayotgan loyihalar;
    • Sizning jurnalistikangizni takomillashtirish uchun yoki o'rganishingiz uchun nimalar qilishingiz kerakligi haqidagi fikringiz.
    • Eslatma: Javob (video / audio) 300 so'z yoki 2 daqiqadan oshmasligi kerak.
  • Ikkinchi savolda esa sizdan vataningiz yoki yashash mamlakatingiz haqida o'zingiz tanlagan mavzu bo'yicha reportaj taqdim etishingiz so'raladi.
  • Ma’lumot o’rnida: Reportaj - bu haqiqatga asoslangan, jurnalistik maqola bo’lib, siz unda muhokama qilayotgan mavzuning yaxshi o'rganilganligiga, aniq dalillarga asoslanganligiga hamda o'quvchi uchun mavzu haqida hech qanday ma'lumotga ega bo'lmasa ham tushunarli bo'lishiga e’tibor qaratishingiz talab etiladi. U nuqtai nazarni aks ettirishi mumkin, ammo fikr bo'lmasligi kerak.
  • Reportaj mavzulari:
    • Siyosiy
    • Ekologik
    • Texnologik
    • Ijtimoiy

Eslatma:

  • Shaxsiy (ya'ni guruh loyihasi emas) va tanlov shartlariga to’la javob beradigan, ilgari e’lon qilingan reportajingiz bo'lsa, undan foydalanishingizga ruhsat etiladi.
  • Javobingizda ushbu mavzulardan qaysi biriga murojaat qilayotganingizni aniq ko’rsatishingiz talab etiladi!
  • Javob (video / audio) 500 so'z yoki 3 daqiqadan oshmasligi lozim.

Onlayn-konferensiyada qatnashish uchun tanlov ro'yxatiga kiritilgan taqdirda nomzodlardan quyidagi hujjjatlarni taqdim qilish so’raladi:

  • Yoshni tasdiqlash uchun passport yoki haydovchilik guvohnomasi;
  • Nomzodning hozirda talaba ekanligini isbotlovchi hujjat;
  • Agar talabnoma beruvchi bitiruvchi bo'lsa, 2019 yil 1-iyuldan keyin kursni tugatganligini ko'rsatadigan bitiruv guvohnomangizning nusxasi;
  • Ma'lumotnoma: nomzodning jurnalist sifatidagi ko'nikmalari va qobiliyatlarini tasdiqlovchi professional ma'lumotnomani talab qilinadi. Buni talabnoma beruvchini biladigan va ariza beruvchining ishi bilan tanish bo'lgan kishi to'ldirishi kerak. Ular quyidagi shaxslar bo’lishi mumkin:
    • Muharrir yoki yo'nalish menejeri
    • O'qituvchi
    • Ish beruvchi
    • Ma’lumot beruvchi nomzodning do'sti yoki oila a'zosi bo’lishi qat’iyan taqiqlanadi!
  • Malumot xati uzunligiga cheklov yo'q, lekin A4 formatdagi bitta sahifa bo’lishi tavsiya qilinadi;
  • Ma’lumotnoma ingliz tilida bo'lishi kerak.
  • Ingliz tili qobiliyatini tasdiqlovchi 6.5 darjasidagi IELTS sertifikati yoki unga muqobil boshqa til sertifikati
  • ! Agar nomzod til darajasi sertifikatiga ega bo'lmasa, Britaniya Kengashidan biror vakil ingliz tili darajasini baholash uchun unga murojaat qiladi.

Qoʻshimcha maʻlumotlar

Buyuk Britaniya
Jurnalistika va media sohasidagi talabalar va bitiruvchilar uchun Britaniya konsulligidan “Future News Worldwide” konferensiyasi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar