Rossiya universitetlarida xarajatlari qoplanadigan yozgi intensiv dastur — Summer University 2026
-
10/04/2026 Qabul boshlanishi
-
Toʻliq Moliyalash turi
-
Rossiya Davlat
-
20/05/2026 02:00 Oxirgi muddat
Umumiy maʻlumotlar
Talabalar uchun Rossiya universitetlarida xarajatlari qoplanadigan 2 haftalik intensiv dastur — Summer University 2026 taqdim etiladi.
Ushbu dastur turli mamlakatlardan kelgan yosh muhandislar oʻrtasidagi aloqalarni mustahkamlash va ularning kasbiy kompetensiyalarini rivojlantirishga qaratilgan. Dastur davomida kelajak uchun yechimlar yaratish, yetakchilik koʻnikmalarini rivojlantirish va global oʻzgarishlar uchun hamkorlar topish imkoniyati beriladi.
Dastur doirasida quyidagi taʼlim dasturlar taqdim etiladi:
Dastur 2026-yil 6-19-iyul kunlari Rossiyada joylashgan universitetlarda oʻtkazilishi rejalashtirilgan.
Dastur haqida batafsil ushbu havola orqali maʼlumot olish mumkin.
Maqbullik shartlari
- Rossiya muhandislik taʼlimi bilan tanishishni, mamlakatning anʼanalari va madaniyatini his qilishni, yangi doʻstlar orttirishni hamda kelajakda Rossiyaning yetakchi universitetlaridan birida talaba boʻlishni istagan barcha qatnashishi mumkin;
- Nomzod bakalavriat bosqichining 3-4-kurslarida yoki mutaxassislik dasturining 4-5-kurslarida oʻqiyotgan boʻlishi kerak. Ishtirokchilardan Rossiya davlatidan tashqaridagi xorijiy universitetlarda tahsil olayotgan boʻlish qatʼiy talab qilinadi;
- Dasturda oflayn tarzda toʻliq ishtirok etish shart.
Eslatma: Talabgorlar bu sayohat yoki turistik safar emasligini inobatga olishlari hamda intensiv akademik dasturga tayyor boʻlishlari kerak.
Yuqoridagilar nomzodlarga qoʻyilgan asosiy talablar hisoblanadi. Ishtirokchilar talab qilinganda taʼlim dasturlarining ichki talablariga ham javob berishlari kerak.
Foydali tomonlari
- Borib-kelish yoʻl xarajatlari qoplanadi;
- Turar joy va ovqatlanish bilan taʼminlanadi;
- Dasturi doirasida ekskursiyalar olib boriladi;
- Ekspertlar tomonidan intensiv seminarlar oʻtkaziladi;
- Hamfikr tengdoshlar va mentorlar bilan aloqa oʻrnatish imkoniyati.
Qoʻshimcha maʻlumotlar
- Dasturga hujjat topshirish uchun oxirgi muddat: 20-may 2026-yil;
- Saralash jarayoni 2026-yil 29-mayga qadar yakunlanadi. Tanlov natijalariga koʻra barcha arizachilarga qabul qilingani yoki rad etilgani haqida xabar beriladi;
- Email: projects@sociocenter.info;
- Tel: +7 (499) 271-55-72.