BMT tomonidan innovatsion gʻoyaga ega barcha uchun Italiyada oʻtkaziladigan xalqaro forum — World Food Forum 2024
-
01/08/2024 Qabul boshlanishi
-
Bepul Moliyalash turi
-
Italiya Davlat
-
25.08.2024 Oxirgi muddat
Umumiy maʻlumotlar
Birlashgan Millatlar Tashkilotining Oziq-ovqat va qishloq xoʻjaligi tashkiloti (FAO) tomonidan 36 yoshgacha boʻlgan barcha uchun World Food Forum 2024 (WFF) taqdim etiladi. Forum 2024-yilning 14-18 oktyabr kunlari Italiyaning Rim shahrida boʻlib oʻtadi.
Dastur mavzusi: Good food for all, for today and tomorrow.
Sohada barqarorlikni oshirish, oziq-ovqat xavfsizligini yaxshilash va qishloq xoʻjaligi taraqqiyotini ragʻbatlantirish va uning tizimlarini sezilarli darajada oʻzgartirish dasturning asosiy maqsadlaridan biridir. Bunda asosiy eʼtibor toʻyimli va barqaror oziq-ovqat amaliyotini targʻib qilishga qaratilgan.
Maʼlumot uchun: 2021-yilda FAO qoshidagi mustaqil hamkorlar tarmogʻi sifatida tashkil etilgan WFF Barqaror rivojlanish maqsadlariga erishishni tezlashtiradigan, yaxshi oziq-ovqat kelajagi uchun qishloq xoʻjaligi va oziq-ovqat tizimlarini shakllantirish boʻyicha yetakchi global platforma hisoblanadi.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturga qiziqqan 36 yoshgacha boʻlgan barcha qatnashishi mumkin;
- Nomzodlar oziq-ovqat bilan bogʻliq yoshlar tashkiloti yoki tarmoq aʼzosi (masalan: qishloq xoʻjaligi, rivojlanish, iqlim oʻzgarishi yoki boshqa tegishli soha), yosh fermerlar, baliqchilar, vazirlik, vazirlar mahkamasi yoki boshqa milliy muassasaning yosh aʼzolari, agro-oziq-ovqat tizimlarining turli yoʻnalishlari boʻyicha talabalar hamda Birlashgan Millatlar Tashkiloti va Xalqaro konferensiya delegatlari boʻlishi kerak;
- Ingliz tilini yuqori darajasida bilish lozim. Chunki ishtirokchilardan kuchli taqdimot koʻnikmasiga ega boʻlish va turli soʻzlashuv sessiyalarida Oʻzbekistonni samarali namoyish eta olish soʻraladi;
- Qishloq xoʻjaligi, oziq-ovqat mahsulotlarini ishlab chiqarish, iqlim oʻzgarishi va barqaror rivojlanish sohasida innovatsion gʻoya yoki loyihaga ega boʻlish lozim.
Nomzodlarga qoʻyilgan texnik talablar:
- Oʻz sohasida kamida 3-5 yillik tajribaga ega boʻlish;
- Taklif etilayotgan loyihaning muvaffaqiyat koʻrsatkichlari yaʼni daromadning ortishi, bozorning kengayishi, startap yoki loyiha uchun mukofotlar aniq koʻrsatilishi lozim;
- Innovatsiyalar, agro-oziq-ovqat tizimlari, texnologiya va barqaror rivojlanish kabi sohalarda faol ishtirok etish;
- Hozirda amalga oshirilayotgan startap yoki sezilarli muvaffaqiyatga erishgan loyihaga ega boʻlish;
- Agro-oziq-ovqat tizimlari bilan bogʻliq tadbirlar va tashabbuslarda faol ishtirok etish tajribasiga ega boʻlish;
- Konferensiya va forumlarda qatnashish, Oʻzbekistonda oziq-ovqat va qishloq xoʻjaligiga oid dolzarb masalalar boʻyicha taqdimot qilish koʻnikmasiga ega boʻlish;
- Yaratilgan loyiha jamiyatga taʼsir koʻrsatishga qaratilgan boʻlishi kerak.
Eslatma: Birlashgan Millatlar Tashkilotining boshqa har qanday rasmiy tilini bilish ustunlik beradi (ingliz tili, arab tili, ispan tili, xitoy tili, rus tili, fransuz tili).
Foydali tomonlari
- Dasturda bepul qatnashish mumkin;
- Dunyo boʻylab soha boʻyicha yetakchi mutaxassis va barcha yoshdagi istiqbolli yoshlarni birlashtiradi;
- Forum ham oflayn ham onlayn shaklda oʻtkaziladi.
Qoʻshimcha maʻlumotlar
- Dasturga hujjat topshirish uchun oxirgi muddat: 25-avgust, 2024-yil;
- Tel: (+39) 06 570 53625;
- Email: FAO-Newsroom@fao.org.