Barcha 17-40 yosh oraligʻidagilar uchun Koreyada xarajatlari toʻliq qoplanadigan qishki madaniyat oromgohi — Winter Korean Culture Camp
-
16/09/2024 Qabul boshlanishi
-
Toʻliq Moliyalash turi
-
Koreya Davlat
-
31.10.2024 Oxirgi muddat
Umumiy maʻlumotlar
Winter Korean Culture Camp dasturi qishda Koreya madaniyati bilan yaqindan tanishish imkonini beradi. Ushbu dastur talabalar/yoshlar va koreys tili, koreys madaniyati boʻyicha qisqa muddatli (immersion) dasturni xohlaydigan talabalar uchun moʻljallangan.
Dasturning maqsadi — xorijiy tashrif buyuruvchilarning Janubiy Koreya Respublikasi haqidagi tushunchalarini oshirish va koreys madaniyatini dunyoga tanitishdir.
Dasturning asosiy tili ingliz tili hisoblanadi. Qishki oromgoh 2025-yil 19-24-yanvar kunlari Koreyaning Seul shahrida oʻtkaziladi.
Dastur koreys tilini oʻqitishni kundalik mashgʻulotlar va madaniy ekskursiyalar bilan birlashtiradi. Ushbu qishki oromgoh barcha xalqaro talabalar/yoshlar uchun ochiq.
Oromgoh Seulning mashhur diqqatga sazovor joylariga tashrif buyurish va koreys anʼanalarini boshdan kechirish, mahalliy taomlarni tatib koʻrish (Kimchi, Kimbab, Ramyun va boshqalar), anʼanaviy koreys sanʼatini oʻrganish kabi odatiy madaniy tadbirlarda qatnashishni oʻz ichiga oladi.
Maqbullik shartlari
- Mazkur dasturda qatnashish uchun 17-40 yosh oraligʻida boʻlish kerak;
- Barcha davlat fuqarolari qatnasha oladi;
- Ingliz tilini yetarlicha bilish kerak. IELTS talab qilinmaydi;
- Aqlan va jismonan sogʻlom boʻlish kerak;
- Dasturda toʻliq ishtirok eta olish lozim;
- Yangi muhitga tez koʻnikuvchan boʻlish kerak.
Muvofiqlik talablari (eligibility requirements) haqida batafsil ushbu havola orqali bilib olish mumkin.
Foydali tomonlari
- Koreyaning Seul shahrida 6 kun yashash imkoniyati beriladi;
- Koreys madaniyatini toʻgʻridan toʻgʻri oʻrganish uchun muhit;
- Seul boʻylab piyoda sayohat qilish imkoniyati;
- Mahalliy anʼanalarni oʻrganish orqali mahalliy aholi hayotini his qilish;
- Dasturda qatnashganlik uchun sertifikat beriladi.
Ushbu dasturda qatnashish uchun 2 xil shakldan birini tanlab ariza topshirish mumkin:
- Xarajatlari toʻliq qoplanadigan (fully funded) — Koreyaga safar xarajatlari, turarjoy, aeroportdan kutib olish bilan bogʻliq xarajatlar, ovqatlanish, ichki transport, maʼmuriy xarajatlar qорlanadi;
- Ishtirokchining oʻz hisobidan qoplanadigan (self funded) — bunda ishtirokchi Koreyaga borish-kelish xarajatlarini, viza, sugʻurta xarajatlarini oʻz hisobidan toʻlaydi. Turarjoy, 2 mahal ovqatlanish, ichki transport xarajatlari tashkilotchilar tomonidan qoplanadi.
Dasturning foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
- Ariza tорshirishning оxirgi muddati: 31-oktyabr, 2024;
- 1-bosqich natijalari 2024-yil 15-noyabrda eʼlon qilinadi;
- Intervyu 2024-yil 20-25 noyabrda oʻtkaziladi;
- Ushbu qishki oromgohda ishtirokchilar 3 yulduzli mehmonxonaga joylashtiriladi. Mehmonxonada yashash sharoiti juda yaxshi va juda toza. Erkaklar va ayollar alohida xonaga joylashtiriladi.
- Koreya oʻzining mazali va foydali taomlari bilan mashhur. Seul boʻylab koʻplab ajoyib restoranlar mavjud, agar ishtirokchilar vaqti-vaqti bilan ovqatlanmoqchi boʻlsa, dastur xodimlari unga bu borada koʻmak beradi.
- Avvalgi mavsum gʻoliblari haqida ushbu havola orqali oʻqish mumkin.
- Tashkilotchilar bilan bogʻlanish uchun: contact@ayfnhq.org