18 yoshdan katta boʻlgan barcha dasturchilar uchun open source development boʻyicha onlayn yozgi dastur — Google Summer of Code
-
18/03/2024 Qabul boshlanishi
-
Toʻliq Moliyalash turi
-
AQSh Davlat
-
02.04.2024 Oxirgi muddat
Umumiy maʻlumotlar
Google Summer of Code(GSoC) — bu xalqaro onlayn yozgi dastur boʻlib, yosh iqtidorli dasturchilarni va tashkilotlarni birlashtirib, jamiyatga manfaatli boʻlgan ochiq kodli dasturiy taʼminotni (open source software development) ishlab chiqish orqali ular uchun amaliy maktab vazifasini bajaradi.
Dastur maqsadlari quyidagilardan iborat:
- Dasturchilarni ochiq manbalarni ishlab chiqishda ishtirok etishga chorlash;
- Ochiq kodli loyihalar uchun yangi dasturchilarni aniqlash va jalb qilishga yordam berish;
- Jamiyat uchun manfaatli boʻlgan ochiq manba kodini yozish va chiqarish;
- Yangi dasturchilarga dasturiy taʼminotni ishlab chiqishga oid bilimlarni amaliy qoʻllash imkoniyatini berish.
GSoC Contributor/Student - bu ochiq manbalarni ishlab chiqishda (open source development) yangi boʻlgan va hamjamiyatda ishlash va u haqida koʻproq oʻrganishga ishtiyoqi baland boʻlgan ishtirokchilardir. GSoC ishtirokchilari kamida 18 yosh boʻlishi kerak va ular:
- Universitet talabasi;
- Universitet bitiruvchisi;
- Kasbini almashtirgan mutaxassislar;
- Professional faoliyatini boshlash arafasida boʻlgan dasturchilar;
- Tanaffusdan soʻng ish faoliyatiga qaytganlar va boshqalar boʻlishi mumkin.
Muhim: ishtirokchilar univeristet talabasi/bitiruvchisi boʻlishi shart emas, mustaqil oʻrganuvchilar ham ishtirok etishi mumkin.
GSoC ishtirokchilari GSoCda ishtirok etuvchi turli tashkilotlarga loyiha takliflarini(project proposal) taqdim etadilar. Tashkilotlar eng yaxshi loyiha taklifini tanlaydi va Google tomonidan moliyalashtirilgandan soʻng, qabul qilingan ishtirokchilar oʻzlariga biriktirilgan mentorlar bilan birgalikda, 12+ hafta davomida oʻz loyihasi ustida ishlaydi.
Dasturning umumiy jarayoni bilan batafsil rasmiy sayt “Timeline” boʻlimida tanishib chiqish mumkin.
Dasturda muvaffaqiyatli ishtirok etish boʻyicha video yoʻriqnoma orqali batafsil maʼlumotga ega boʻlish mumkin.
Barcha ishtirokchilar dastur haqida toʻliq maʼlumot beruvchi yoʻriqnoma bilan tanishib chiqishi lozim — GSoC Student guide.
Maqbullik shartlari
GSoc ishtirokchilariga qoʻyiladigan talablar:
- Barcha 18 yoshdan katta boʻlgan barcha dasturchilar, talabalar ishtirok etishi mumkin;
- Ishtirokchilar open source development haqida oʻrganish va hamjamiyat aʼzosiga aylanish istagida boʻlishi kerak;
- Ishtirokchilar dastur mobaynida toʻliq vaqtda qatnashishi lozim, yaʼni ulardan loyihasiga qarab haftasiga 15-30 soat vaqt sarflay olishi talab etiladi;
- Dastur mobaynida boshqa amaliyot dasturlarida ishtirok etishi, ishlamasligi lozim.
Dastur talablari va shartlari haqida batafsil video yoʻriqnoma hamda yozma yoʻriqnomalar orqali tanishib chiqish mumkin.
Foydali tomonlari
Dastur ishtirokchilarga quyidagi imkoniyatlarni taqdim etadi:
- Tashkilotlar va professional mentorlar bilan birga open source development boʻyicha amaliy loyiha ustida ishlash imkoniyati;
- Ishtirokchilar loyihalarga o'z g'oyalarini taklif etish yoki mavjudlari ustida ishlash bilan birga moddiy mablagʻ ham jamg'arishlari mumkin;
- Ochiq kodli dasturiy taʼminotni ishlab chiqishni (open source software development) oʻrganish imkoniyati;
- Turli mamlakatlardan boʻlgan isteʼdodli dasturchilar bilan birga ishlash va ular bilan professional aloqa oʻrnatish;
- Professional dasturchilarning yordamidan foydalanish;
- Jamiyat uchun manfaatli boʻlgan loyihalar bilan ishlash orqali amaliy tajriba ega boʻlish.
Dastur taqdim etadigan imtiyozlar va imkoniyatlar haqida batafsil ushbu havola orqali maʼlumot olish mumkin.
Qoʻshimcha maʻlumotlar
Tez-tez soʻraladigan savollar boʻlimi — FAQs.
- Ishtirokchilar ariza berish muddati: 2024-yil 18-martdan 2-aprelga qadar davom etadi (2 hafta);
- Tashkilotlar potensial ishtirokchilardan qabul qilingan loyiha takliflarini koʻrib chiqadi. Bu jarayonda, gʻoya va loyihani amalga oshirish va unga oid masalalarni oydinlashtirish uchun tashkilotlar nomzodlar bilan ochiq muloqotda boʻladi. Tashkilotlar, shuningdek, nomzodlar qanchalik hamjamiyat va qilinishi kerak boʻlgan ishlarga mos ekanligini aniqlash uchun intervyu qilishlari ham mumkin;
- Tashkilotlar Google tomonidan nechtagacha loyihalar moliyalashtirilishini aniqlagandan soʻng, eng yaxshi loyihalarni qabul qiladi;
- Qabul qilingan ishtirokchilar 2024-yil 1-maydan boshlab mentorlar bilan tanishish, loyiha ustida ishlashga tayyorgarlikni boshlaydi.
Dasturning umumiy jarayoni bilan batafsil rasmiy sayt “Timeline” boʻlimida tanishib chiqish mumkin.
Dasturda muvaffaqiyatli ishtirok etish boʻyicha video yoʻriqnoma orqali batafsil maʼlumotga ega boʻlish mumkin.
Barcha potensial ishtirokchilar dastur haqida toʻliq maʼlumot beruvchi yoʻriqnoma bilan tanishib chiqishi lozim — GSoC Student guide.