Yaponiya yozgi madaniyat oromgohi — 6 kunlik madaniy sayohat

Yaponiya yozgi madaniyati oromgohi AYFN akademiyasi tomonidan asos solingan dastur boʻlib, dunyo boʻylab 17-40 yoshdagilar uchun yapon madaniyati bilan yaqindan tanishish hamda xalqaro doʻstlar orttirish imkoniyatini beradi. Ushbu dastur 2015-yildan beri oʻtkaziladi.

Dastur davomida ishtirokchilar 6 kun davomida Yaponiyaning Osaka shahrida istiqomat qilish imkoniyatiga ega boʻlishadi.

Oromgoh Yaponiyaning madaniyati boʻyicha mashhur shaharlaridan boʻlgan Osaka, Kioto va Nara shaharlarida oʻtkaziladi.

Dastur davomida qatnashchilar Osaka shahridagi 3 yulduzli mehmonxonalarda istiqomat qilib, 6 kun davomida yuqoridagi shaharlar boʻylab sayohat qilishadi. Nomzodlar sushi, ramen, udon kabi mashhur Yaponiya taomlari bilan mehmon qilinadi.

Dastur 2026-yil yozida boʻlib oʻtadi.

Dastur haqida batafsil ushbu havola orqali tanishish mumkin.

AYFN akademiyasi orqali dasturda toʻliq grant bilan qatnashish istagida boʻlgan nomzodlardan quyidagilar talab etiladi:

• Ishtirokchilar 17-40 yosh oraligʻida boʻlishi kerak;
• Barcha millat vakillari qatnashishi mumkin;
• Yetakchilik qobiliyati hamda jismoniy hamda ruhan sogʻlomlik talab etiladi.
• Sayohat qilishga qiziqish lozim.

Dasturda oʻz mablagʻi hisobidan ishtirok etmoqchi boʻlgan nomzodlardan quyidagilar talab etiladi:

• 17-40 yoshdagi barcha millat vakillari ishtirok etishi mumkin;
• Yangi muhitga oson moslasha olish hamda ruhan va jismonan sogʻlomlik talab etiladi;
• Qatnashchi dastur xarajatlarini oʻzi qoplay olishi lozim.

Dastur maqbullik shartlari haqida batafsil ushbu havola orqali tanishish mumkin.

• Osaka shahrida 6 kun yashash imkoniyati beriladi;
• Yapon madaniyatini toʻgʻridan toʻgʻri oʻrganish uchun muhit;
• Kioto boʻylab piyoda sayohat qilish imkoniyati;
• Mahalliy anʼanalarni oʻrganish orqali mahalliy aholi hayotini his qilish;
• Dasturda qatnashganlik uchun sertifikat beriladi.

Ushbu dasturda qatnashish uchun 2 xil shakldan birini tanlab ariza topshirish mumkin:

• Gold — Yaponiyaga safar xarajatlari ($750 gacha), turarjoy, ovqatlanish, ichki transport, madaniy va maʼmuriy xarajatlar qорlanadi;
• Silver — Yaponiyaga safar xarajatlari ($250 gacha), turarjoy, ovqatlanish, ichki transport, madaniy va maʼmuriy xarajatlar qорlanadi;

Dastur manfaatli jihatlari haqida batafsil ushbu havola orqali tanishish mumkin.

Dasturga ushbu havola orqali ariza topshirish mumkin.

Kerakli hujjatlar:

• CV (Yevropa namunasidagi);
• “Bu grant menga nega kerak” mavzusida 250 soʻzli motivatsion xat;
• “Nima uchun men ushbu grantga munosibman” mavzusida 250 soʻzli motivatsion xat;
• Kitob sotib olinganligi haqidagi kvitansiya.

Barcha hujjatlar ingliz tilida boʻlishi kerak!

Ariza beruvchilar ariza toʻlovini toʻlashlari shart emas. Biroq AYFN mahsulotlaridan biri, ya'ni sayohat xotiralari bayon etilgan elektron kitobni sotib olishlari kerak.

Xarajatlari toʻliq qoplanadigan grant turiga ariza tоpshirishda 2 kategoriyadan birini tanlab tорshirish mumkin:

• Gold — dastur badali va $750 gacha boʻlgan xalqaro safar xarajatlari qoplanadi;
• Silver — dastur badali va $250 gacha boʻlgan xalqaro safar xarajatlari qoplanadi.

Eslatma: dastur badali quyidagilarni oʻz ichiga oladi: turar joy (ikki kishilik umumiy), ovqatlanish (4 nonushta va 4 tushlik), jadval boʻyicha koʻrsatilgan barcha tadbirlar va turlar, mahalliy transportlar (poyezd va avtobus), ishtirok etganlik toʻgʻrisidagi elektron sertifikat, dastur nazorati, mamlakat ichidagi maʼmuriyat xarajatlar va suvenir.

Ishtirokchilar dasturni har kuni ertalab 7.30 da boshlashadi va 17:00 gacha davom ettirishadi. Kechki paytda nomzodlar xarid qilish va shahar aylanish imkoniyatiga ega boʻladi.

Dastur 2 bosqichda boʻladi:

• 1-bosqich: Hujjatlar topshiriladi;
• 2-bosqich: Intervyu olinadi.

 Tanlangan nomzodlar 2026-yil 15-mayda eʼlon qilinadi.

Qoʻshimcha savol va murojaatlar uchun: 

• contact@ayfnhq.org yoki tel: +62 812 2888 3949