Bakalavriat talabalari uchun Germaniyada 8 haftalik yozgi dastur — International Summer Student Programme 2025
-
15/11/2024 Qabul boshlanishi
-
Grant Moliyalash turi
-
Germaniya Davlat
-
31/12/2024 04:00 Oxirgi muddat
Umumiy maʻlumotlar
Germaniyaning Berlin shahrida joylashgan HZB (Helmholtz-Zentrum Berlin) tadqiqot markazi tomonidan bakalavriat talabalari uchun 8 haftalik yozgi talabalar dasturi — International Summer Student Programme 2025 (ISSP) taqdim etiladi. Jami 20 nafar ishtirokchiga grant taqdim etilishi rejalashtirilgan.
Dastur 2025-yil 7-iyuldan 29-avgustgacha davom etadi va talabalarga tadqiqot guruhlarining kundalik ishlarida, masalan, Berlin-Vansi yoki Berlin-Adlershofdagi HZB kampuslarida joylashgan laboratoriyalarida yoki eksperimental maydonlarida qatnashish imkoniyati taqdim etiladi. Tadqiqot markazi ishtirokchilar oʻz loyihasi ustida ishlashi uchun 8 haftalik amaliyot shartnomasini tuzadi.
Dastur davomida quyidagi sohalar boʻyicha tadqiqot ishlari olib boriladi:
- Photon Science;
- Photovoltaics;
- Solar Cells/Catalysis;
- Electrochemical Energy Storage;
- Quantum and Functional Materials;
- Accelerator research.
Maʼlumot uchun: HZB (Helmholtz-Zentrum Berlin) tadqiqot markazi ilm-fan va innovatsiyalar orqali jamiyatda barqaror iqlimni yaratishga harakat qiladi. Shuning uchun yangi barqaror texnologiyalarni yaratadi va tadqiqot hamjamiyatiga ushbu maqsadni amalga oshirish uchun imkoniyatlar beradi.
Tadqiqot markazining olimlari quyosh batareyalari, batareyalar va katalizatorlar uchun samarali va tejamkor materiallarni ishlab chiqadi va optimallashtiradi. Markaz hozirda 1200 dan ortiq xodimga ega boʻlgan xalqaro tadqiqot muassasasi hisoblanadi.
Dastur haqida batafsil ushbu havola orqali maʼlumot olish mumkin.
Maqbullik shartlari
- Fizika, kimyo, materialshunoslik, strukturaviy biologiya, matematika, muhandislik, hayot yoki atrof-muhit fanlari va ushbu sohalarga tegishli yoʻnalish boʻyicha oʻqiyotgan bakalavriat talabalari qatnashishi mumkin (PhD nomzodi boʻlmasligi shart);
- Yoʻnalishi boʻyicha kamida ikki yillik kunduzgi taʼlimni tugatgan boʻlishi kerak;
- Dastur davomida universitet talabasi boʻlishi lozim (2025-yil 7-iyuldan 29-avgustgacha);
- Ingliz tilini yaxshi bilish kerak. Nemis tilini bilganlarga ustunlik beriladi;
- Dasturda toʻliq ishtirok etish majburiy (haftasiga 40 soat).
Foydali tomonlari
- Dasturda bepul qatnashish mumkin;
- Yashash uchun 1,900 yevro ajratiladi (Berlin va Potsdamdagi universitet talabalari uchun 1,000 yevro);
- Sayohat xarajatlari uchun 800 yevro miqdorida subsidiya beriladi (Yevropa Ittifoqiga aʼzo davlat fuqarolari uchun 200 yevro);
- Markazning 2 ta tadqiqot obyektiga tashrif buyurish;
- Yetakchi olimlar bilan tadqiqot loyihalari ustida ishlash imkoniyati;
- Berlin va uning atrofidagi tadqiqot muassasalarida ekskursiya, seminar va tadbirlar oʻtkaziladi.