Bakalavriat va magistratura talabalari uchun Oʻzbekistondagi ITM Biotexnologiya yozgi maktabi

Biotexnologiya boʻyicha intensiv yozgi maktab — Ilg'or Texnologiyalar Markazi tomonidan 3 haftalik tadqiqotga asoslangan va amaliy faoliyat dasturi boʻlib, oqsillarni ekstraksiya qilish, tozalash, DNK va/yoki RNKni ajratish va PCR va RT-PCR, IFA va boshqa usullar va metodikalarni oʻz ichiga oladi. Qabul qilingan nomzodlar mikrobiologiya, molekulyar genetika, molekulyar biologiya, gen muhandisligi, rekombinant DNK texnologiyalari  sohalarida qo’llaniladigan metodikalarni o’zlashtirishadi. Eng qiziqarlisi, kichik guruhlarda o’z loyihalarini shakllantirishadi. 

Loyihaning asosiy maqsadi: Biologiya va unga aloqador yoʻnalishida tahsil olayotgan bakalavriat va magistratura talabalariga, ayniqsa, hududlarda tahsil olayotgan talabalarga klinik va ilmiy laboratoriyalarda qoʻllaniladigan metodikalar yuzasidan chuqur bilim va amaliy koʻnikmalar berish. 

Ushbu dasturda Biologiya, Biotexnologiya, Farmatsevtika va unga aloqador yoʻnalishlarda tahsil olayotgan bakalavriat va magistratura talabalari qatnashishlari mumkin. 

Yozgi maktab Toshkent shahridagi Ilmiy Texnologiyalar Markazida boʻlib oʻtadi. Dastur bоshlanishi 2025-yil 21-iyul oyiga moʻljallangan boʻlib, asosan oʻzbek tilida olib boriladi. Ingliz va Rus tilidagi maʼlumotlardan ham keng foydalaniladi.

Dasturga ariza topshirishning oxirgi muddati: Toshkent vaqti bilan 2025-yil 4-iyul kech soat 18:00 ga qadar.

Yozgi maktab haqida batafsil maʼlumotni ushbu havola orqali olish mumkin.

• Dasturda biologiya, biotexnologiya, farmatsevtika va shunga aloqador sohada oʻqiyotgan bakalavriat va magistratura talabalari qatnashishi mumkin;
• Bakalavr bosqichini kamida 1-yilini tugatgan bo'lishi SHART;
• 2025-yilda bakalavriat yoki magistraturani bitirgan talabalar ham qatnashishi mumkin.

• Dasturga qabul qilingan ishtirokchilar yozgi maktabda bepul ishtirok etadi;
• Seminar va amaliyot darslari gibrid tarzda boʻlib, ishtirokchilar kichik guruhda mustaqil ishlash imkoniyatiga ega boʻlishadi;
• Biotexnologiya sferasida professional aloqa(networking)ni rivojlantirish imkoniyati;
• Har bir ishtirokchi dastur oxirida sertifikat bilan taqdirlanadi.
• Yozgi maktabni o’tkazishga aloqador xarajatlar (reagent, material, reaktiv, to’plamlar) ITM tomonidan qoplanadi. 

Eslatma: ishtirokchilar o’z xarajatlarini (transport, turarjoy va oziq-ovqat) to’liq o’zlari qoplashlari lozim. Xayriya yoki homilylik mablag’lari hisobidan ishtirokchilar xarajati qisman qoplanishi mumkin.

• Dasturda qatnashish uchun ushbu havola orqali ariza shaklini toʻldirish kerak; Ariza shaklini 3 tildan (oʻzbek, ingliz va rus) birida toʻldirish mumkin;
• Ariza shaklida “Nima uchun ushbu yozgi maktabda qatnashmoqchisiz?” degan savolga maksimum 400 soʻzdan iborat insho yozish kerak;
• Inshosi muvaffaqiyatli deb topilgan ishtirokchilar suhbat bosqichiga taklif qilinadi;
• Suhbatdan oʻtganlar yozgi maktabda bepul ishtirok etadi.

Dasturga ariza topshirish haqida batafsil ushbu havola orqali bilib olish mumkin.

• Mazkur dasturda O’zbekistonda SARS-CoV-2 virusini aniqlash uchun PZR test sistema ishlab chiqilishida ishtirok etgan olim va yosh tadqiqotchilar mentorlik qiladilar.
• Yozgi maktabning avvali yil ishtirokchilari haqida ushbu havola orqali bilib olish mumkin. 
• Ilg'or texnologiyalar haqida qo'shimcha ma'lumotni ushbu havola orqali olish mumkin.
• Dastur haqidagi 2018-yilgi flashmobni ushbu havola orqali ko'rish mumkin.
• Yozgi maktab haqida qo'shimcha ushbu havola orqali bilish mumkin.