BMT “Oziq-ovqat va qishloq xoʻjaligi tashkiloti” tomonidan turli soha vakillari uchun 3 oydan 11 oygacha amaliyot

01/11/2023 Qabul boshlanishi
Qisman Moliyalash turi
AQSh Davlat
Doimiy Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

21 yoshdan 30 yoshgacha

Doʻstlar bilan ulashing

Umumiy maʻlumotlar

Birlashgan Millatlar Tashkiloti (BMT)ga tegishli FAO (Birlashgan Millatlar Tashkiloti Oziq-ovqat va qishloq xoʻjaligi tashkiloti) ushbu tashkilot aʼzosi hisoblangan davlat fuqarolari uchun 3 oydan 11 oygacha davom etadigan amaliyot dasturini eʼlon qiladi. Dasturda 21-30 yosh oraligʻida boʻlgan, FAO rasmiy tillaridan kamida bittasida erkin suhbatlasha oladigan, bakalavr yoki magistr talabalari qatnashishlari mumkin.

Ishtirokchilar 100dan ortiq davlatdan kelgan turli millat va soha vakillari bilan birga ishlash, oʻz sohalarida tajriba va koʻnikmalarni qoʻlga kiritish, tengdoshlari bilan fikr almashish imkoniga, shuningdek, ular har oy 700 dollar miqdorda stipendiya olish imkoniga ega boʻlishadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda qatnashish uchun quyidagi talablar mavjud:

Ishtirokchilar FAO (Birlashgan Millatlar Tashkiloti Oziq-ovqat va qishloq xoʻjaligi tashkiloti) aʼzosi boʻlgan davlat fuqarosi boʻlishlari lozim. Oʻzbekiston ham ushbu tashkilot aʼzosi hisoblanadi;
Ariza topshirayotgan paytda nomzodlar bakalavr yoki magistr bosqichida tahsil olayotgan boʻlishlari lozim;
Dasturda qatnashish uchun nomzodlar FAO rasmiy tillari, yaʼni ingliz, fransuz, ispan, arab, xitoy yoki rus tillaridan kamida birida erkin suhbatlasha olishlari zarur. Sanab oʻtilgan tillarning birdan ortigʻini bilish saralash jarayonida ustunlikka erishishga yordam beradi;
Ishtirokchilar 21-30 yosh oraligʻida va dastur boshlanguniga qadar 31 yoshga kirmagan boʻlishlari kerak;
Dastur qatnashchilari turli millatlar bilan muloqot qila olish, shuningdek, kompyuter dasturlarida ishlash boʻyicha boshlangʻich bilimlarga ega boʻlishlari zarur;
Nomzodlar dastur boshlanganida chet elga chiqish imkoniga ega boʻlishlari lozim;
FAO (Birlashgan Millatlar Tashkiloti Oziq-ovqat va qishloq xoʻjaligi tashkiloti)da oila aʼzosi (aka-uka, opa-singil, ota, ona) faoliyat yuritadigan nomzodlar dasturda qatnasha olmaydilar.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

Saralab olingan dastur qatnashchilari har oy 700 dollar miqdorda stipendiya olish imkoniga ega boʻlishadi;
Ishtirokchilar 100dan ortiq davlatdan kelgan turli millat va soha vakillari bilan birga ishlash imkoniga ega boʻlishadi;
Dasturda qatnashayotgan yosh va qobiliyatli ishtirokchilar oʻz sohasida tajriba va koʻnikmalarni qoʻlga kiritish, tengdoshlari bilan fikr almashish imkoniga ega boʻladilar;
Dastur jarayonida ishtirokchilar FAO (Birlashgan Millatlar Tashkiloti Oziq-ovqat va qishloq xoʻjaligi tashkiloti) qonunlari va dasturi bilan yaqindan tanishish imkonini qoʻlga kiritishadi.

Dastur foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturga roʻyxatdan oʻtish jarayoni quyidagicha:

Roʻyxatdan oʻtish va ariza topshirish jarayoni onlayn amalga oshiriladi. Buning uchun nomzodlar dastur rasmiy saytining “Careel portal” boʻlimi, “Call for Expression of Interest” qismiga tashrif buyurishlari lozim;
Dastur saytidan birinchi marta foydalanayotganlar oʻz profillarini yaratishlari lozim. Profili mavjud boʻlganlar esa “Access vacancies” qismiga tashrif buyurib, tegishli maʼlumotlari yozib profillariga kirishlari kerak;
Profilga kirilgandan soʻng, maʼlumotlarni kiritish, shuningdek, motivatsion xat, akademik maʼlumotlar va boshqa soʻralgan hujjatlarni ilova qilish kerak boʻladi;
Ishtirokchilar arizani faqatgina "FAO career portal" orqali joʻnatishlari lozim. Boshqa profil orqali kiritilgan yoki tugallanmagan arizalar qabul qilinmaydi;
Arizani dastur uchun eʼlon berilgan tilda toʻldirish soʻraladi.

Eslatma! Roʻyxatdan oʻtish jarayonida muammolar yuzaga kelgan taqdirda ushbu havola orqali murojaat qilish soʻraladi. Lekin bu manzil orqali arizalar qabul qilinmaydi. Faqatgina saralab olingan nomzodlar bilangina dastur maʼmuriyati tomonidan bogʻlaniladi.

Dasturda qatnashish uchun ushbu havola orqali roʻyxatdan oʻtish mumkin.

Rasmiy havola Hujjat topshirish