Turli soha vakillari uchun Latviyada 1000 yevro grant ajratilgan 7 dan ortiq yozgi kurslar

Latviya hukumati yozgi maktab dasturlarida qatnashish uchun Latvian State Scholarship (Latviya davlat stipendiyalari) dasturini eʼlon qiladi. Dastur doirasida Latviyaning turli hududlarida bir nechta yozgi maktablar eʼlon qilingan. 

Ishtirokchilar oʻzlari xohlagan maktabni tanlab unga ariza topshirish va grant orqali yoki oʻz hisoblaridan qatnashish imkoniga ega boʻladilar. Yozgi maktablar turli yoʻnalish, fan va mavzuga moʻljallangan boʻlib, turli soha vakillari qatnashish imkoniga ega boʻlishadi. Bu yilgi ajratilgan jami 6 yozgi maktabning ayrimlari universitet talabalari, ayrimlari esa oliy taʼlim muassasasi xodimlari uchun moʻljallangan. Dastur ingliz tilida oʻtkaziladi, shuning uchun ishtirokchilardan ingliz tilini bilish talab qilinadi.

Dastur ishtirokchilarning har biriga 1,000 yevrodan ajratiladi va ushbu mablagʻ yozgi maktabdan qatnashish xarajatlari uchun ishlatiladi. 

Arizalarni qabul qilish jarayoni 2026-yil 1-aprelgacha davom etadi.

Dasturda ishtirok etish uchun quyidagi talablar mavjud:

• Ishtirokchilar belgilangan davlatlar, (jumladan Oʻzbekiston) fuqarosi boʻlishlari zarur;
• Dasturda oliy taʼlim sohasida tahsil olayotgan (bakalavr, magistratura yoki doktorantura bosqichi talabalari) yoki oliy taʼlim muassasasi xodimlari (tadqiqotchi yoki oʻqituvchilar) ishtirok etishlari mumkin;
• Dastur ingliz tilida boʻlib oʻtadi. Shuning uchun ham qatnashchilardan ingliz tilini bilish talab qilinadi.

Eslatma! Dasturning umumiy talablaridan tashqari har bir yozgi maktabning oʻz talablari ham mavjud. Ushbu havola orqali yozgi maktablar haqida batafsil maʼlumot olish va ularning roʻyxatini koʻrish mumkin.

Dastur talablari haqida ushbu havola orqali batafsil toʻliq bilib olish mumkin.

Dasturning quyidagi foydali jihatlari mavjud:

• Yozgi maktab davomida har bir ishtirokchi uchun 1,000 yevrodan ajratilgan boʻlib, gʻoliblarga naqd pul berilmaydi. Ushbu mablagʻlar grant tashkilotchilariga dastur xarajatlari uchun beriladi. Aniqrog'i undan ishtirok, turarjoy, oziq-ovqat, darslar, seminarlar, madaniy tadbirlar, sayohat kabi xarajatlar uchun foydalaniladi;
• Dastur yakunida ishtirokchilarga sertifikatlar taqdim etiladi;
• Yozgi maktab ishtirokchilari turli mamlakatlardan kelgan vakillar bilan uchrashish, ular bilan bilimlari va fikrlarini almashish imkoniga ega boʻlishadi.

Eslatma! Qatnashchilarining yozgi maktabgacha kelish, viza va shu kabi yoʻl xarajatlari oʻzlari tomonidan qoplanishi kerak. Nomzodlar oʻz hisoblaridan ham qatnashish imkoniga ega.

Dasturning foydali tomonlari haqida ushbu havola orqali maʼlumot olish mumkin.

Dasturda qatnashish jarayoni quyidagicha:

• Grant sahifasida bir nechta yozgi maktablar roʻyxati berilgan. Ishtirokchi avvalambor ulardan birini tanlab olishi va talablar, qanday hujjat topshirish haqida uning sahifasidan koʻrishi lozim. Maxsus sahifa orqali ariza topshirish uchun kerak boʻladigan quyidagi hujjatlar roʻyxatini koʻrish mumkin:

1. Yozgi maktabning ariza shakli;
2. CV (rezyume);
3. Motivatsiya xati.

• Dastur uchun kerakli hujjatlar toʻgʻridan toʻgʻri har bir yozgi maktabning o’z sahifasidagi ko’rsatmalarga asosan topshiriladi. Grant natijalari tashkilotchilar tomonidan eʼlon qilinadi.

Dastur doirasidagi yozgi maktablar roʻyxatini ushbu havola orqali koʻrish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

- Facebook;

-Youtube;

-Draugiem;

-Twitter;

-Flickr;

-Forsquare.

Maʼlumot uchun:

Tel: +371 67814322;

E-mail: info@viaa.gov.lv;

Manzil: Valnu street 1 (3rd-6th floor), Riga, LV-1050;

Elektron manzilni ushbu havola orqali topish mumkin.

Dastur boʻyicha mutaxassis Indira Balcere bilan quyidagi telefon raqami yoki e-mail orqali bogʻlanish mumkin:

Tel: +371 67814341;

E-mail: indira.balcere@viaa.gov.lv