The Iris Project: tabiatni asrashga moʻljallangan loyihalar tanlovi. Umumiy mukofot jamgʻarmasi — $30,000

05/03/2025 Qabul boshlanishi
Mukofot Moliyalash turi
AQSh Davlat
15/04/2025 04:59 Oxirgi muddat

Muhim tafsilotlar

Kimlar uchun

Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi
Yosh chegarasi

14 yoshdan 24 yoshgacha

Doʻstlar bilan ulashing

Umumiy maʻlumotlar

The Iris Project yoshlarni tabiatni himoya qilish, uni asrash va rivojlantirishga undash maqsadida tashkil qilingan tanlov hisoblanadi. Dasturda loyiha va tashkilotlarga yetakchilik qilayotgan 14-24 yosh oralig'idagi nomzodlar jamoaviy yoki mustaqil holda qatnashishlari mumkin. Unda qatnashish uchun ariza shaklidagi savollarga javob berish so'raladi. Arizani turli tillarda to'ldirish imkoni mavjud. Loyihalar uch kategoriya bo'yicha qabul qilinadi va uch kategoriya turlicha mukofotlanadi. Tanlov mukofot jamg'armasi jami 30,000 AQSH dollarni tashkil etadi.

Tanlovga qabul jarayoni 2025-yil 5-martda ochiladi va 15-aprelgacha davom etadi.

Dastur haqida ushbu havola orqali batafsil ma'lumot olish mumkin.

Maqbullik shartlari

Dasturda qatnashish uchun quyidagi talablar mavjud:

Dasturda loyiha va tashkilotlarga yetakchilik qilayotgan 14-24 yosh oralig‘idagi nomzodlar jamoaviy yoki mustaqil holda qatnashishlari mumkin;

Ishtirokchilar tabiatni himoya qilish, uni tiklash va bu faoliyatni olib borayotganlarni qo‘llab-quvvatlashni maqsad qilgan bo‘lishlari kerak;

Saralash jarayonida ko‘proq moliyaviy homiyga ega yoki yirik tashkilotlar, xayriya va nodavlat tashkilotlar bilan bog‘langan loyihalar ustunlik qiladi;

Tanlovga, asosan, jamiyatda muhim hisoblangan sohalardagi yoshlarning mahalliy tashabbuslari taqdim etilishi so‘raladi;

Loyihalar asosan, rivojlangan davlatlarda tabiatni asrash mavzusiga qaratilgan bo‘lishi kerak, ammo boshqa samarali loyihalar ham qo‘llab-quvvatlanadi;

Ariza topshirish uchun eligibility quizdan o‘tish kerak bo‘ladi. Quizni ingliz, ispan, fransuz, portugal va arab tillarida topshirish mumkin. Arizani esa istalgan tilda topshirish mumkin.

Dastur talablari haqida ushbu havola orqali ma’lumot olish mumkin.

Foydali tomonlari

Turli rivojlanish bosqichidagi loyihalarda yoshlarning tabiatni himoyalashdagi harakatlarini rivojlantirish, yaratuvchanlik va barqarorlikni taʼminlash maqsadida tanlov uch kategoriyada tashkil qilingan va ularga quyidagicha mukofotlanadi:

The Seed prize uchun $5,000 mukofot puli ajratiladi;
The Stem prize uchun $10,000 mukofot puli ajratiladi;
The Iris prize uchun $15,000 mukofot puli ajratiladi.

Dastur foydali jihatlari haqida ushbu havola orqali maʼlumot olish mumkin.

Hujjat topshirish

Tanlovga qabul jarayoni 2025-yil 5-martda ochiladi va 15-aprelgacha davom etadi.

Tanlovga ariza topshirish jarayoni quyidagicha:

Loyihaga mos keladigan quyidagi uch kategoriyadan birini belgilash:

-The seed prize;

-The stem prize;

-The iris prize;

Ariza shaklini toʻldirish uchun xohlagan tildan birini tanlash;
Tanlovda mustaqil, jamoaviy yoki tashkilot sifatida qatnashishni belgilash;
Loyihani joʻnatish. Uni joʻnatishdan oldin quyidagi talablarga javob berishini tekshirish lozim:

-Loyihada olib chiqilgan muammo tasviri 150 soʻz atrofida boʻlishi;

-Muammo yechimi 200 soʻz atrofida tasvirlab berilishi;

-Loyihada gʻolib boʻlish foydalari 200 soʻz atrofida tasvirlanishi;

-Loyiha xilma-xilligi va tuzilishi taʼrifi 200 soʻz atrofida boʻlishi;

-Muammoga yechim topishda yoshlarning tutgan oʻrni haqida 150 soʻz atrofidagi xulosa yozilishi.

Eslatma! Dasturga istalgan tilda ariza topshirish mumkin.

Muhim sanalar:

2025-yil 5-mart, 13:00- The Iris Prize tanlovi eʼlon qilinadi;
Mart-Aprel oylari- Tanlovga qabul jarayoni davom etadi;
2025-yil 15-aprel, 04:59- Qabul jarayoni yakunlanadi;
2025-yil may oyi- Saralab olingan nomzodlar bilan intervyu oʻtkaziladi;
2025-yil iyun oyi- Gʻoliblar roʻyxati shakllantiriladi;
2025-yil iyul oyi- Loyiha moliyalashtirishga muvofiqligi tekshiriladi;
2025-yil avgust oyi- Gʻoliblar eʼlon qilinadi. Mahalliy kinochilar 3 loyihani tanlab olishadi;
2025-yil oktyabr oyi- Gʻoliblar Awards Ceremonyda taqdirlanadi.

Dasturga ushbu havola orqali roʻyxatdan oʻtish mumkin.

Rasmiy havola Hujjat topshirish