Singapur davlatida doktorantura (PhD) bosqichida o’qish uchun to’liq moliyalashtiriluvchi SINGA grant dasturi

01/08/2024 Qabul boshlanishi
Toʻliq Moliyalash turi
Singapur Davlat
01.12.2024 Oxirgi muddat

Muhim tafsilotlar

Kimlar uchun

Oliy ma'lumotli (magistr)
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Singapur Xalqaro bitiruvchilar mukofoti (SINGA) Nanyang Texnologiya Universiteti (NTU), Singapur Milliy Universiteti (NUS), Singapur Texnologiya va Dizayn Universiteti (SUTD), Singapur Menejment Universiteti (SMU) va A*STAR fan va texnologiya agentligi hamkorligida tashkil etilgan.

Yuqoridagi universitetlardan biriga yoki A*STAR tadqiqot agentligiga qabul qilinsangiz, yuqori malakali va tajribali professorlar bilan doktorlik dissertatsiyasini yoqlash imkoniyatiga ega boʻlasiz. Mukofot oʻqish toʻlovlarini, turarjoy xarajatlarini oʻz ichiga oladi.

Dasturga har yili 2 marta qabul ochiladi. Ayni paytdagi qabul 2024-yil 1-dekabrga qadar davom etadi.

Maqbullik shartlari

Tadqiqot qilishga qiziquvchi va yuqori akademik salohiyatga ega barcha xalqaro talabalar ariza topshirishlari mumkin;
Ingliz tilida yozma va og’zaki ko’nikmalari yaxshi bo’lishi;
Akademik darajaga ega insonlardan tavsiyonamalarga ega bo'lish.

Eslatma: Yuqoridagi talablar topshirayotgan yo’nalishingizga qarab o’zgarishi mumkin.

Foydali tomonlari

Grant PhD (Doktorantura) bosqichi uchun 4 yil mobaynida quyidagilarni qoplaydi:

Kontrakt;
Oylik 2700 Singapur dollari miqdorida stipendiya, malaka imtihoni topshirgandan keyin 3200 dollarga oshiriladi;
1500 Singapur dollari miqdoridagi aviachiptalar uchun bir martalik grant;
1000 Singapur dollari miqdoridagi turarjoy uchun bir martalik moliyaviy yordam.

Eslatma: Talabalar yotoqxonasida turish imkoniyati asosan birinchi kurs talabalariga beriladi.

Dasturning foydali jihatlari haqida batafsil maʼlumotni ushbu havola orqali olish mumkin

Hujjat topshirish

Ushbu grant dasturiga hujjat topshirish uchun Research Areas boʻlimidan PhD (Doktorantura) ilmiy tadqiqot loyihalarini va talaba oʻzi uchun qiziq yoʻnalishlarni koʻrib chiqishi kerak;
Pasport;
Pasport oʻlchamidagi fotosurat (.jpeg yoki .png formatda);
Bakalavr va/yoki magistratura diplomi nusxalari;
Bakalavr bosqichidagi diplomlar/sertifikatlar;
Hakamlar tomonidan 2 ta tavsiyanoma;
GRE / IELTS / TOEFL / SAT I & II / GATE natijalari boʻlishi ixtiyoriy. Qabul qilinganingizdan soʻng universitet tomonidan qayta test olinishi ham mumkin;
Barcha hujjatlar ingliz tilida onlayn joʻnatilishi kerak;
Ariza topshirish jarayonida maʼlumotlar aniq va toʻliqligiga alohida eʼtibor berish lozim;
Hujjatlarni ertaroq yuborishga harakat qilinishi kerak. Hakamlar tomonidan 2 ta tavsiyanoma berilishi sababli barcha nomzodlarga tavsiyanoma yuborishga yetarli vaqt boʻlmasligi mumkin. Tavsiyanomga ega boʻlmagan hujjatlar esa tekshirilmaydi.

Eslatma: Yuqorida talab etilgan hujjatlarning barchasi yaroqli boʻlishi va onlayn joʻnatilishi shart. Qogʻoz shaklida yuborilgan hujjatlar qabul qilinmaydi.

Rasmiy havola Hujjat topshirish