Ayol va qizlar uchun Polshada bo‘lib o‘tadigan Perspektywy Women in Tech 2022 Sammitida qatnashish uchun grant
  • 01/04/2022 Qabul boshlanishi
  • Grant Moliyalash turi
  • Polsha Davlat
  • 15.04.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Texnologiya va IT sohasidagi qizlar/ayollar uchun 2022-yil 7-8 iyun kunlari Polshaning Varshava shahrida boʻlib oʻtadigan The Perspektywy Women in Tech sammitida grant asosida qatnashish imkoniyati.

Ushbu sammit oʻtgan yili 130 dan ortiq davlatdan kelgan 8 300 dan ortiq texnologiya sohasidagi ayol/qizlarni bir joyga jamlagan. Sammit davomida ishtirokchilar dunyoning eng nufuzli IT kompaniyalarida faoliyat olib borayotgan muvaffaqiyatli ayol-qizlar bilan jonli muloqot qilish imkoniyatini qoʻlga kiritishadi, shuningdek, Expo & Career markazlarda turli davlatdan tashrif buyurgan qizlar bilan fikr almashish va yaqindan tanishishlari mumkin. Sammitning 2 kuni oflayn va qolgan qismi onlayn bo‘lib o‘tadi.

Sammit quyidagi sohalar doirasida boʻlib oʻtadi:

  • Metaverse, web 3.0, NFT
  • Human-Machine Interaction
  • 5G
  • Space Technologies 4.0
  • Sustainable Leadership
  • Cybersecurity
  • Tech&Arts
  • Deep Tech
  • Digital Ecology, Tech4Climate
  • Cloud
  • Artificial Intelligence 3.0
  • Fintech

Dastur grant asosida qatnashishni istaganlar ushbu havola orqali kirib Perspektywy Women in Tech sammitida nega qatnashmoqchi ekanliklari va nega aynan ular tanlab olinishi kerakligini isbotlovchi motivatsion xat yozishlari soʻraladi. 

Eslatma: Grantlar soni cheklanganligi bois tezroq ariza topshirishlari tavsiya etiladi.

Maqbullik shartlari

  • Sammitda, asosan, axborot texnologiyalari sohasida tahsil olayotgan talaba qizlar/ayollar va shu soha mutaxassislar ishtirok etishlari mumkin;
  • Shuningdek, yosh mutaxassislar, olimlar, professional shaxslar, startaplar sohasida faoliyat yuritayotganlar, faollar, liderlar va texnologiya sohasidagi ayollarni qoʻllab-quvvatlovchi erkaklar ishtirok etishlari mumkin;
  • Dasturlash/texnologiya sohasida tajribaga ega nomzodlarga ustunlik beriladi;
  • Sammit toʻliq ingliz tilida olib borilishi sababli ingliz tilini yuqori darajada bilishlari shart.

Foydali tomonlari

Grant quyidagilarni oʻz ichiga oladi:

  • Toshkentdan Varshavagacha borish-kelish aviachiptasi va turar-joy bilan ta'minlanadi;
  • panel muhokamalarida qatnashish;
  • asosiy spikerlarning nutqlarini bevosita tinglash;
  • mavzuga doir netvorkinglarda qatnashish;
  • texnologiyaga oid 30 ta maʼruzalarni tinglash;
  • Expo & Career markazlarida mutaxassislar bilan uchrashib fikr almashish;
  • Tajribali mutaxassislar uchun ishga joylashish imkoniyati ham beriladi.

Eslatma: Grant maxsus seminarlarda (workshoplarda) bepul qatnashishni oʻz ichiga olmaydi.

Hujjat topshirish

Grantga ariza yuborish uchun ushbu havola orqali kirib quyidagi maʼlumotlarni toʻldirish soʻraladi:

  • Ism-familiya;
  • Email;
  • Telefon raqam;
  • Davlat va shahar;
  • Universitet va mutaxassisligi;
  • Sammit haqida qayerdan maʼlumot olganligi;
  •  Shuningdek, nomzodlar nega sammitda ishtirok etishni xohlashlari va nega aynan shu nomzod grant uchun tanlab olinishga munosibligi haqida motivatsion xat yozishlari soʻraladi;
  • Dasturlash va texnologiya sohasida tajribaga ega nomzodlarga ustunlik beriladi;
  • Barcha maʼlumotlar toʻldirilganidan soʻng, APPLY tugmasi bosiladi;
  • Sammit hakamlar hayʼati grant uchun yuborilgan arizalarni koʻrib chiqib munosib nomzodlar bilan aloqaga chiqishadi.

Qoʻshimcha maʻlumotlar

Qo'shimcha ma'lumotlar uchun:

Email: contact@womeninteachsummit.pl

Savollar uchun: +48 22 629 53 26

Polsha
Ayol va qizlar uchun Polshada bo‘lib o‘tadigan Perspektywy Women in Tech 2022 Sammitida qatnashish uchun grant

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar