0
Bakalavriat va magistratura talabalariga nemis tilini Germaniyada toʻliq moliyalashtirilgan holda oʻrganish uchun yozgi kurs — DAAD University Summer Courses

Bakalavriat va magistratura talabalariga nemis tilini Germaniyada toʻliq moliyalashtirilgan holda oʻrganish uchun yozgi kurs — DAAD University Summer Courses

  • 15/09/2024 Qabul boshlanishi
  • Toʻliq Moliyalash turi
  • Germaniya Davlat
  • 02/12/2024 03:59 Oxirgi muddat

Mundarija

GrantGO

Muhim tafsilotlar

  • Kimlar uchun
    Bakalavr talabasi , Magistr talabasi
  • Dastur tili
    Nemis tili
  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

DAAD (Deutscher Akademischer Austauschdienst) bakalavriat va magistratura talabalariga nemis tilini Germaniyada toʻliq moliyalashtirilgan holda oʻrganish uchun maxsus kurs — University Summer Courses taqdim etadi.

Ushbu dastur nemis tili va mintaqaviy fanlar boʻyicha bilimlarni chuqurlashtirishga qaratilgan. Kurslar faqat nemis tilida olib boriladi va kamida 18 ta oʻquv kunini (maksimal haftasiga 5 kun, kelish va ketish kunlaridan tashqari), haftasiga kamida 25 ta oʻquv soatini tashkil etadi.

Dastur 2025-yilning iyun va sentyabr oylarida oʻtkazilishi rejalashtirilgan.

Dastur haqida batafsil ushbu havola orqali maʼlumot olish mumkin.

Maqbullik shartlari

  • Dasturda istalgan yoʻnalish boʻyicha bakalavriat va magistratura talabalari qatnashishi mumkin (bakalavriat talabalari dastur boshlanishiga qadar kamida ikki oʻquv yilini tamomlagan boʻlishi kerak);
  • Nomzod 18 yoshga toʻlgan boʻlishi shart;
  • Nemis tilini maʼruzalarda qatnashish va jamoaviy vazifalarni bajarish darajasida bilish lozim (kamida B1 darajada). Ariza topshirish vaqtida muddati 1 yildan oshmagan quyidagi til bilish sertifikatlari qabul qilinadi:
    • onSET-Deutsch;
    • TestDaF;
    • Goethe Institut Zertifikat;
    • DSD;
    • DSH;
    • telc Deutsch;
    • ÖSD-Zertifikat;
    • baccalaureate (faqat ixtisoslashtirilgan til kurslari uchun).
  • Saralashda nomzodning ilgari erishgan ilmiy yutuqlari, oʻquv dasturi va kelajakdagi oʻquv loyihasini tanlash boʻyicha maqsadlari inobatga olinadi.

Foydali tomonlari

  • Dasturda bepul qatnashish mumkin;
  • Germaniyada davlat tomonidan tan olingan universitet va maktablar tomonidan taklif etiladigan til, mintaqaviy tadqiqotlar va texnik til kurslariga qatnashish toʻliq moliyalashtiriladi;
  • 1,192 yevro miqdoridagi bir martalik stipendiya beriladi (Eng kam rivojlangan mamlakat fuqarolari 1,367 yevro miqdorida stipendiya oladi);
  • Sayohat xarajatlari uchun 1,275 yevro ajratiladi (Oʻzbekiston fuqarolari uchun);
  • Sogʻliqni saqlash, baxtsiz hodisalar va shaxsiy javobgarlikni sugʻurtalash boʻyicha toʻlovlar qoplanadi.

Eslatma: Grant muddati uzaytirilmaydi. Kurs toʻlovlari va turar joy xarajatlari odatda til kurslarini taqdim etuvchi tashkilot tomonidan toʻgʻridan-toʻgʻri stipendiya imtiyozlaridan chegirib tashlanadi. Shuning uchun stipendiyaning toʻliq miqdori haqida maʼlumotni oʻsha tashkilot orqali bilish mumkin.

Hujjat topshirish

1. Ushbu havola orqali DAAD portalidan roʻyxatdan oʻtish.

2. Til kurslarini taqdim etuvchi tashkilot va kurslarni aniqlab olish (ushbu havola orqali topish mumkin).

3. DAAD portalida onlayn hujjat topshirish.

Talab qilinadigan hujjatlar:

  • Onlayn ariza shakli;
  • Jadval shaklida tayyorlangan CV (nemis tilida);
  • Motivatsion xat (nemis tilida);
  • Oxirgi ikki yil ichidagi barcha akademik transkript va individual baholari (nemis yoki ingliz tiliga tarjimasi bilan);
  • Bakalavriat talabalari uchun: umumiy oʻrta taʼlimni bitirganlik toʻgʻrisidagi guvohnoma olgan baholari koʻrsatilgan holda (nemis yoki ingliz tiliga tarjimasi bilan);
  • Magistratura talabalari uchun: bakalavr diplomi akademik transkriptlari koʻrsatilgan holda (nemis yoki ingliz tiliga tarjimasi bilan);
  • Til bilish sertifikatlari (agar mavjud boʻlsa, nemis yoki ingliz tarjimasi bilan);
  • Ariza uchun muhim deb hisoblagan boshqa hujjatlar (masalan, amaliyotni tasdiqlovchi hujjat, ish joyidan sertifikatlar va hokazo).

Eslatma: Barcha hujjatlar PDF formatida saqlanishi kerak! Faqat PDF fayllarni portalga yuklash mumkin.

DAAD portalidan roʻyxatdan oʻtish haqida ushbu havola orqali, hujjat topshirish boʻyicha ushbu havola orqali batafsil maʼlumot olish mumkin.

Rasmiy havola Hujjat topshirish

Qoʻshimcha maʻlumotlar

Quyidagi ijtimoiy tarmoqlar orqali qoʻshimcha maʼlumot olish mumkin:

Oʻxshash dasturlar

Diplomsiz dastur
Yoshlar ishlari agentligi tomonidan tashkil etilgan “Qizlar ovozi” klubida ishtirok etish imkoniyati
Diplomsiz dastur
IT sohasiga qiziquvchi ayol-qizlar uchun "Raqamli Avlod Qizlari -2024" loyihasi
Diplomsiz dastur
Markaziy Osiyo davlatlari uchun Google Clouddan bepul taʼlim
Diplomsiz dastur
AQSh elchixonasi tomonidan 13 yoshdan katta ayol-qizlar uchun Toshkent shahrida oʻz-oʻzini himoya qilishga qaratilgan navbatdagi bepul oflayn mashgʻulotlar
Diplomsiz dastur
Amerika elchixonasidan Qarshi shahrida xotin-qizlar uchun oʻz-oʻzini himoya qilish bo'yicha "self-defence" mashg'ulotlari
Germaniya
Bakalavriat va magistratura talabalariga nemis tilini Germaniyada toʻliq moliyalashtirilgan holda oʻrganish uchun yozgi kurs — DAAD University Summer Courses
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar