IT sohasiga qiziquvchi ayol-qizlar uchun "Raqamli Avlod Qizlari -2024" loyihasi
-
19/03/2024 Qabul boshlanishi
-
Bepul Moliyalash turi
-
Oʻzbekiston Davlat
-
Iloji boricha tez Oxirgi muddat
Umumiy maʻlumotlar
Qizlarning axborot-texnologiyalari sohasiga qiziqishini oshirish hamda ishtirokini ragʻbatlantirishga, taʼlimni targʻib qilishga va yetakchilik qobiliyatini rivojlantirishga qaratilgan “Digital Generation Uzbekistan” NNT tomonidannavbatdagi “Raqamli Avlod Qizlari -2024” loyihasiga start berilmoqda.
25-29-mart kunlari “Raqamli avlod qizlari-2024” Respublika tanlovi boʻlib oʻtadi.
Ushbu tadbir anʼanaviy tarzda oflayn va onlayn shaklda oʻtkaziladi:
Oflayn yoʻnalishlar:
-3D dizayn;
-Raqamli dizayn;
-Startup loyihalar;
-Grafik dizayn.
Onlayn yoʻnalishlar:
-Python;
-Sunʼiy intellekt (AI);
-Frontend (React.js);
-Web dizayn;
-Back-end (.Net);
-Back-end (Go);
-Mobile flutter.
Tajribali mentorlar tomonidan professional darslar va xalqaro kompaniyalar ekspertlarining mahorat darslari tadbir ishtirokchilarini kutmoqda!
Maqbullik shartlari
- Dasturda axborot-texnologiyalari(IT)sohasiga qiziquvchi barcha ayol-qizlar qatnashishi mumkin.
Foydali tomonlari
- Eng faol ishtirokchilar chet elga ta’lim sayohatini qo’lga kiritadilar;
- Shuningdek, qatnashchilar tajribali mentorlar tomonidan professional darslar va xalqaro kompaniyalar ekspertlarining mahorat darslarida bepul ishtirok etish imkoniyatiga ega boʻladilar.
Qoʻshimcha maʻlumotlar
“Raqamli avlod qizlari” loyihasida darslar anʼanaviy tarzda onlayn va oflayn tashkil etiladi. 5 kun davomida ishtirokchilar oʻzlari tanlagan yoʻnalishlari boʻyicha malakali mentorlardan darslar oladilar. Shu bilan birga, mashgʻulotlar davomida oʻzlari mustaqil tarzda, oʻrganganlari asosida loyihalar ishlab chiqadilar.
Ushbu loyiha darslardan tashkil etgan oddiy tadbir emas, balki qizlarning axborot-texnologiyalari sohasidagi bilim va koʻnikmalari, yetakchilik qobiliyatlari, jamoa bilan ishlash malakalarini oshiradigan drayver.