Amerika elchixonasi tomonidan Urganch shahrida 13 yoshdan katta ayol-qizlar uchun o’z-o’zini himoya qilishga qaratilgan bepul oflayn mashg’ulotlar
-
01/04/2024 Qabul boshlanishi
-
Mukofot Moliyalash turi
-
Oʻzbekiston Davlat
-
Iloji boricha tez Oxirgi muddat
Umumiy maʻlumotlar
AQShning Oʻzbekistondagi elchixonasi Sambo boʻyicha Oʻzbekiston ayollar terma jamoasi bosh murabbiyi, jiu-jitsu va dzyudo boʻyicha professional instruktorlar, Amerika psixologlar assotsiatsiyasi aʼzosi boʻlgan professional psixolog — AQSh xalqaro almashinuvi dasturlarining bitiruvchilari — bilan hamkorlikda qizlar va ayollar oʻzlarini himoya qilishlari uchun zarur boʻlgan koʻnikmalar va oʻz-oʻziga boʻlgan ishonchni rivojlantirishga qaratilgan oʻz-oʻzini himoya qilish boʻyicha oʻquv dasturining 2024-yildagi ikkinchi raundini Urganch shahrida boshlamoqda.
Mashgʻulotlar 2024-yil aprel oyidan boshlab Urganch shahri Sambo zamonaviy sport zalida uch oy davomida oʻtkaziladi. Mashgʻulotlarning aniq boshlanish sanasi boʻyicha maʼlumot tanlab olingan barcha ishtirokchilarga qoʻshimcha ravishda yetkaziladi. Ikkita yosh boʻyicha tuzilgan guruh tayinlanadi, har bir guruh ishtirokchilari soni 30 kishidan oshmaydi.
- A guruhi: 13 yoshdan 17 yoshgacha boʻlgan qizlar — seshanba, payshanba va shanba soat 15:00 dan 16:00 gacha;
- B guruhi: 18 yoshdan oshgan ayollar — seshanba, payshanba va shanba soat 16:30 dan 17:30 gacha.
Qabul joylar toʻlguncha davom etadi, tezroq hujjat topshirib oʻz joyingizni band qilish tavsiya qilinadi.
Maqbullik shartlari
Mashgʻulotda qatnashish uchun ishtirokchilar quyidagi talablarga javob berishi lozim:
- Jismoniy tayyorgarlik holatidan qatʼi nazar, 13 yoshdan katta barcha ayol-qizlar qatnashishi mumkin;
- Sport mashgʻuloti Urganchda, oflayn formatda oʻtkazilgani sabab shu vaqt oraligʻida Urganchda yashay olishi kerak.
Foydali tomonlari
Mashgʻulotga qabul qilingan ayol-qizlar quyidagi imtiyozlarga boʻladi:
- Mashgʻulotda bepul ishtirok etadilar;
- Oʻzlarini jismoniy zoʻravonlikdan himoya qilish, yaxshi jismoniy holat va osoyishtalikni saqlash uchun bir qator texnika va mashqlarni oʻrganadilar;
- Nizolarni hal qilish, ochiq muloqot va stressni boshqarish usullari haqida maʼlumotga ega boʻladilar;
- Jismoniy tayyorgarlik dasturi professional psixolog, shuningdek, AQShning xalqaro almashinuv dasturining bitiruvchisi boshchiligidagi ruhiy salomatlik boʻyicha treninglarida ishtirok etadilar.
Qoʻshimcha maʻlumotlar
Muhim eslatmalar:
- Ushbu loyiha faqat qizlar va ayollar uchun moʻljallangan;
- Mashgʻulotlar bepul;
- Ishtirokchilar qatnashish uchun taqdim etilgan arizalar asosida tanlanadi;
- Darslar Urganchdagi Sambo markazida oʻtkaziladi.