Koreyada bakalavr bosqichini toʻliq moliyalashtirilgan holda oʻqish imkoniyati beruvchi Global Korea Scholarship dasturi
-
15/09/2024 Qabul boshlanishi
-
Toʻliq Moliyalash turi
-
Koreya Davlat
-
25.10.2024 Oxirgi muddat
Umumiy maʻlumotlar
Janubiy Koreya hukumati tomonidan xalqaro talabalar uchun deyarli barcha sohalar boʻyicha bakalavr bosqichini toʻliq moliyalashtirilgan holda oʻqish imkoniyatini beruvchi Global Korea Scholarship dasturining qabuli boshlandi.
GKS dasturiga 2 xil yoʻl bilan ariza topshirish mumkin:
- Embassy Track;
- University Track.
Embassy Track orqali hujjat topshirgan nomzodlar 3 ta universitet tanlash imkoniyatiga ega boʻlishadi. Buning uchun nomzodlar Koreyaning Oʻzbekistondagi elchixonasiga murojaat qilishi soʻraladi.
University Track orqali hujjat topshirgan nomzodlar 1 ta universitet tanlash imkoniyatiga ega boʻlishadi.
Dasturga qabul qilingan talabalar Koreyadagi eng nufuzli oliygohlarda hech qanday toʻlovlarsiz eng soʻnggi taʼlim berish usullari orqali oʻqish imkoniyatiga ega boʻlishadi.
Dasturga topshirayotganlar koreys tilini bilishmasa, 1 yillik til kursida oʻqib TOPIC 5 olishlari soʻraladi. Til kursi toʻlovlari ham GKS tomonidan toʻliq moliyalashtiriladi.
Qabul kvotalari:
- Bakalavriat uchun — 280 ta.
Ariza topshirish uchun minimum talablar:
- Akademik koʻrsatkichi 80% dan yuqori,
- Shu yil oxirigacha oʻqishini tamomlashi soʻraladi.
Dastur va uning toʻliq imkoniyatlari haqida bu yerda batafsil bilib olish mumkin.
Maqbullik shartlari
- Nomzodlar va ularning ota-onasi Koreya fuqarosi boʻlmasligi kerak;
- Bakalavr bosqichi uchun 25 yoshdan kichik (2000-yil 1-martdan keyin tugʻilganlar) boʻlish soʻraladi;
- Nomzodlarning oxirgi oʻqigan taʼlim muassasasida olgan baholar koʻrsatkichi 80% dan yuqori boʻlishi;
- Nomzodlar chet elda uzoq vaqt yashash uchun ruhan va jismonan sogʻlom boʻlishi kerak;
- Ilgari bakalavr bosqichini oʻqigan talabalar ariza topshira olmaydilar;
Quyidagilar dasturga ariza topshira olmaydilar:
- Koreya oʻrta maktabini (shu jumladan xalqaro maktablarni) tugatgan (yoki bitirishi kutilayotgan) yoki Koreya assotsiatsiya dasturini tugatgan (yoki bitirishi kutilayotgan) shaxs ariza topshirishi mumkin emas;
- Ilgari Koreya hukumati tomonidan diplom dasturi uchun stipendiya olgan shaxs ariza topshirish huquqiga ega emas;
- Soʻnggi uch yil ichida GKS gʻolibi sifatida tanlab olingandan soʻng dasturdan chetlatilgan yoki stipendiyadan mahrum boʻlgan sobiq GKS gʻoliblari ariza bera olmaydilar;
Dastur talablari haqida bu yerda batafsil tanishib chiqish mumkin.
Foydali tomonlari
- Dastur har bir semestrda kontrakt uchun 5 million KRW ($3,781) miqdorida toʻliq toʻlab beradi;
- Shuningdek, yashash, tibbiy sugʻurta, til kurslari uchun yiliga 13,600,000 KRW gacha ($10,280) miqdorda mablagʻ ajratiladi;
- Aviachipta xarajatlari qoplanadi.
Qoʻshimcha maʻlumotlar
Dasturga ariza topshirishning oxirgi muddati:
- Embassy track: har bir elchixona tomonidan belgilanadi;
- University track: oxirgi muddat 25-oktyabr, 2024-yil.
Embassy Track bo'yicha qo'shimcha ma'lumotlarni Koreyaning O'zbekistondagi elchixonasining quyidagi aloqa manzillaridan batafsil bilib olish mumkin:
- Telefon: +998-71-252-3151~3;
- Fax: 998-71-140-0248
- Elektron manzil: uzkoremb@mofa.go.kr