Barcha havaskor va professional fotograflar uchun xalqaro fototanlov. G'oliblar pul va Fransiyaga sayohat bilan taqdirlanadi!
-
02/09/2024 Qabul boshlanishi
-
Mukofot Moliyalash turi
-
Fransiya Davlat
-
02.12.2024 Oxirgi muddat
Umumiy maʻlumotlar
Fransiyaning Somme ko'rfazida har yili Bird and Nature Festivali o'tkaziladi. Festival doirasida International Wildbird Photo Competition - Xalqaro Yovvoyi Qushlar Fototanlovi tashkil etiladi. Tanlovning asosiy maqsadi fotografiyadan o'quv va ijodiy vosita sifatida foydalangan holda qushlar haqidagi bilimlarni targ'ib qilish va odamlarni qushlarni himoya qilishga chaqirishdir.
Tanlovda millatidan qati'y nazar barcha fotografiyaga qiziquvchilar, havaskor, professional fotograflar o'zlarining yovvoyi qushlarni aks ettiruvchi fotosuratlari bilan qatnashishi mumkin.
Tanlovda jami 6 ta yo'nalish mavjud:
- Bird Portrait
- Birds in its environment
- Birds behaviour
- Birds in Flight
- Artistic Vision of Bird
- Other flying species
Maqbullik shartlari
- Fototanlov onlayn tarzda bo'lib o'tadi va 18 yoshdan yuqori barcha havaskor yoki professional fotograflar uchun ochiq.
Foydali tomonlari
Tanlov g'oliblari quyidagi miqdordagi pul mukofotlari bilan taqdirlanadi:
- Bosh sovrin (Grand Prix) - €1500;
- Har bir yo'nalishdagi 1-o'rin g'oliblari - €800;
- “Public Prize” ya'ni ko'rgazma mehmonlari tomonidan tanlangan g'olib - €500.
Shuningdek, har bir g'olib ishtirokchi 2025-yil bahorda Fransiyada bo'lib o'tadigan ko'rgazmaga taklif qilinadi. Ichki sayohat, turar-joy va oziq-ovqat xarajatlari tashkilotchilar tomonidan qoplanadi (g'olib bilan kelgan hamroh uchun ham).
Tanlov haqida batafsil ma'lumot bilan tanishib chiqish tavsiya etiladi.
Qoʻshimcha maʻlumotlar
Manzil:
20 rue du Chevalier de la Barre
80142 ABBEVILLE CEDEX
tel: 03.22.24.02.02 – Fax : 03.22.25.47.97
vebsayt: www.festival-oiseau-nature.com
email: contact@festival-oiseau-nature.com