AQSh Xalqaro Taraqqiyot Agentligidan tadbirkorlik va biznes muhitini yaxshilashga qaratilgan loyihalar tanlovi. Grant jamgʻarmasi — $100,000 gacha!

AQSh Xalqaro Taraqqiyot Agentligi (USAID) oʻzining yangi Biznesni qoʻllab-quvvatlash loyihasi orqali AKT, turizm, tekstil hamda yashil iqtisodiyot yoʻnalishlarida tadbirkorlik va biznes muhitini yaxshilashga qaratilgan Loyihalar Tanlovini eʼlon qiladi. Ushbu Moliyalashtirish yillik Dastur bayonoti (APS) barcha manfaatdor va tanlov talablariga javob beradigan tashkilotlar Amerika Qoʻshma Shtatlari Xalqaro Taraqqiyot Agentligi (USAID)ning Biznesni qoʻllab-quvvatlash loyihasi (BSP) doirasida moliyalashtirish uchun ariza berishda teng imkoniyatga ega boʻlishlarini taʼminlash uchun ochiq bayonotnoma sifatida eʼlon qilindi. Moliyalashtirish imkoniyatiga ega boʻlish uchun ariza beruvchilar ushbu Moliyalashtirish yillik Dastur bayonoti (APS)ning barcha talablarga javob berishlari va koʻrsatmalariga amal qilishlari kerak.

USAID oʻzining Ijrochi hamkori “Palladium International” MChJ orqali Oʻzbekiston boʻylab axborot va kommunikatsiya texnologiyalari (AKT), tekstil, turizm va yashil iqtisodiyot kabi toʻrtta asosiy yoʻnalishda xususiy sektor sarmoyalarini ragʻbatlantirish uchun munosib takliflarni shakllantirish va ularni amalga oshirishga koʻmaklashish maqsadida ushbu yillik dasturni eʼlon qiladi. Dastur ayollar va yoshlar tadbirkorligi hamda ehtiyojmand aholi vakillari uchun imkoniyatlarni kengaytirishga qaratilgan. Ushbu yillik Dasturning maqsadi dastur talablariga javob beradigan kichik va oʻrta tadbirkorlik subyektlari, biznes maslahat xizmatlarini koʻrsatuvchilari, biznes ekotizimi tashkilotlari va nodavlat notijorat tashkilotlaridan (NNT) USAIDning Biznesni qoʻllab-quvvatlash loyihasi doirasida amalga oshirish uchun arizalarini qabul qilishdan iborat.

Tanlovda kichik va oʻrta tadbirkorlik subyektlari, biznes maslahat xizmatlari koʻrsatuvchilar, hamda nodavlat-notijorat Tashkilotlar (Uyushmalar, birlashma, palatalar va h.k) ishtirok etishlari mumkin. Grant miqdori 25,000-100,000 dollarni tashkil etadi. Dasturga qabul jarayoni 2024-yil 5-martdan 31-maygacha davom etadi.

Dastur haqida ushbu havola orqali batafsil ma'lumot olish mumkin. 

Dasturda qatnashish uchun quyidagi talablar mavjud:

• Tanlovda kichik va oʻrta tadbirkorlik subyektlari, biznes maslahat xizmatlari koʻrsatuvchilar, hamda nodavlat notijorat tashkilotlar (Uyushmalar, birlashma, palatalar va h.k) ishtirok etishlari mumkin;
• Har bir grant loyihasining amalga oshirilish muddati oʻn ikki (12) oydan oʻtmasligi kerak. BSP qatʼiy belgilangan miqdor (QBM) shartnomalari imzolanishini kutadi, lekin agar loyiha faoliyatiga mos deb topilsa, boshqa turdagi shartnomalarni ham koʻrib chiqadi;
• Nomzodlar xususiy tadbirkorlik, tadbirkorlik subyekti yoki uyushmasi yoxud nodavlat-notijorat tashkilot sifatida qonuniy roʻyxatdan oʻtgan boʻlishlari kerak;
• Dasturga ariza topshiruvchilar Oʻzbekiston iqtisodiyotining yuqorida koʻrsatilgan tarmoqlari va quyi-tarmoqlari/oʻzaro sohalar kesishuvidagi mavzular doirasida faoliyat yuritishi lozim;
• Ishtirokchilar halollik, kamsitmaslik va siyosiy mustaqillik nufuziga ega boʻlishi zarur;
• Nomzodlar mustahkam moliyaviy va maʼmuriy tartib-qoidalarga ega boʻlishi va tashkilotni yanada rivojlantirish uchun xohish-irodaga ega boʻlishi kerak;
• Qatnashchilar hech boʻlmaganda 24 oy davomida faoliyat yuritayotgan boʻlishi va ariza shakliga joriy roʻyxatdan oʻtganlik guvohnomasi nusxasini ilova qilishi talab etiladi.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali tomonlari mavjud:

• Tanlangan rivojlanish loyihasini qoʻllab-quvvatlash uchun USAIDning BSP ajratadigan qoʻshma moliyalash miqdori kamida 25,000 AQSh dollaridan 100,000 AQSh dollarigacha boʻladi;
• Qatnashchilar oʻzlarining loyihalarini amalga oshirish, tajriba orttirish hamda moliyaviy koʻmak olish imkonini qoʻlga kiritishadi;
• USAIDning BSP dasturi doirasida Palladium, birinchi navbatda, axborot, kommunikatsiyalar va texnologiyalar (AKT), shuningdek, toʻqimachilik, turizm va yashil iqtisodiyot sohalarida yaratilayotgan imkoniyatlardan foydalanishda yondashuvlarni chuqurlashtirish va rivojlantirishga, xususan, xususiy sektor oʻsishiga toʻsqinlik qiluvchi muammolarni yumshatish orqali ayollar va yoshlar tadbirkorligiga va ehtiyojmand guruhlarga ustuvor ahamiyat berishga harakat qiladi;
• Loyiha maqsadli tarmoqlarda faoliyat yurituvchi kichik va oʻrta korxonalarni, biznes maslahat xizmatlari koʻrsatuvchilarni, biznes ekotizimi institutlarini va nodavlat notijorat tashkilotlarni gender tenglik, atrof-muhit va iqlim oʻzgarishini yumshatish, xususiy sektorni jalb qilish va elektron tijorat kabi keng qamrovli ekotizimlarni takomillashtirish va mintaqalashtirish uchun hududlararo taʼminot zanjirlari va biznes hamkorlik imkoniyatlarini oshirishni qoʻllab-quvvatlaydi;
• Loyihaning asosiy koʻrsatkichlari 650 ta korxonani (600 ta kichik va oʻrta korxonalarni) qoʻllab-quvvatlash, savdo hajmini 150% ga oshirish va 8500 ta ish oʻrni yaratish hamda xususiy-davlat muloqoti (XDM) va texnik yordamida 12 ta qonun, qarorlar va dasturlarni takomillashtirish orqali biznes uchun qulay muhitni mustahkamlashdan iborat;
• Loyiha Oʻzbekiston sanoatining raqobatbardoshligini oshirish orqali ayollar, yoshlar va chekka qishloq hududlarida inklyuziv oʻsish imkoniyatlari va ish oʻrinlarini yaratishni maqsad qiladi. Korxona darajasida takomillashtirishdan tashqari transformatsion taʼsirga ega loyiha amalga oshira oladigan tashkilotlarga ustuvorlik beriladi.

Dastur foydali jihatlari haqida ushbu havola orqali batafsil maʼlumot olish mumkin.

Dasturga ariza topshirish jarayoni quyidagicha:

1-bosqich: Loyiha konsepsiyasi. Ariza beruvchilar A ilovasiga muvofiq koʻpi bilan 3 betlik loyiha konsepsiyasini (oʻzbek, rus yoki ingliz tillarida) va B ilovaga muvofiq dastlabki byudjet smetasini taqdim etishlari shart.

Loyiha konsepsiyasini topshirish talablari quyidagicha:

• Belgilangan muddatda qabul qilingan barcha loyiha konsepsiyalari ushbu APSda keltirilgan koʻrsatmalar talablariga hamda dasturga muvofiqligi koʻrib chiqiladi;
• Barcha loyiha konsepsiyalari ushbu APSda taqdim etilgan shakllardan foydalanishi kerak;
• Toʻliq boʻlmagan loyiha konsepsiyalari koʻrib chiqilmaydi;
• Faqat uzbsp-grants@thepalladiumgroup.com orqali yuborilgan arizalar qabul qilinadi, koʻrib chiqiladi va baholanadi.

BSP texnik xodimlari barcha qiziqqan talabgorlar uchun loyiha konsepsiyalarini ishlab chiqish va talabgorlarning savollariga javob berish boʻyicha batafsil maʼlumot berish uchun onlayn uchrashuvni tashkil qiladi. Uchrashuv Telegram platformasi orqali (Toshkent vaqti bilan) 28-mart, 2024 soat 10.00da oʻtkaziladi. Onlayn uchrashuvga sozlanish uchun quyidagi havoladan foydalanish mumkin: Telegram: Contact @BSPuzb;

2-bosqich: Grant arizasi. Loyiha konsepsiyasi tasdiqlangan tashkilotlarga xabar yuboriladi va ulardan toʻliq grant arizasini taqdim etishlari soʻraladi. Faqat shundan soʻng arizachilar grant ariza shakli, byudjet andozasi, ish rejasi andozasi, monitoring va baholash (MB) andozasidan foydalanish huquqiga ega boʻladilar. BSP jamoasi qisqa roʻyxatga kirgan arizachilarga dastlabki maslahatlashuvni rejalashtirib, toʻliq arizani birga ishlab chiqish uchun batafsil koʻrsatmalar beradi.

Grant jarayoni ikki bosqichda davom etadi:

• 1-bosqich: Ariza beruvchilar tomonidan loyiha konsepsiyasini taqdim etish;
• 2-bosqich: Saralab olingan arizachilar tomonidan toʻliq loyiha arizasini topshirish.

Loyiha konsepsiyalarini qabul qilish uch bosqichda amalga oshiriladi va ularni topshirish muddatlari quyidagicha:

1-bosqich: 2024-yil 5-mart – 2024-yil 10-aprel;

2-bosqich: 2024-yil 1-oktyabr – 2024-yil 31-oktyabr;

3-bosqich: 2025-yil 1-may – 2025-yil 31-may.

Eslatma! BSP grantlarini qoʻlga kiritishda bozor mexanizmlariga taʼsir koʻrsata oladigan va ularni oʻzgartira oladigan keng qamrovli takliflar ustunlikka ega boʻladi. Dasturga qabul jarayoni 2024-yil 5-martdan 31-maygacha davom etadi.

Tanlovga loyihalarni ushbu havola orqali joʻnatish mumkin.

Tanlov haqida berilgan ingliz, rus va o'zbek tillaridagi batafsil ma'lumotni ushbu havola orqali topish mumkin. 

Nodavlat notirorat tashkilotlariga grantlar va moliyaviy qo‘llab-quvvatlashlar va AQShlik bo‘lmagan nodavlat notijorat tashkilotlari uchun standart majburiy va tegishli qoidalar bo‘yicha boshqariladi, bunda ushbu havoladagi global tarmog‘idan foydalanish mumkin.