Dunyoning 6-raqamli Princeton universitetida bakalavr bosqichida oʻqish uchun Princetonʼs Financial Aid Program grant dasturi

AQShning Princeton universiteti barcha talabalarni ushbu universitetning bakalavr bosqichida o'qishga ruhlantirish va moliyaviy jihatdan yordam berish maqsadida Princeton’s Financial Aid Program dasturini tashkil etgan. 
2024-yil iyun oyi holatiga THE reytingi bo’yicha Princeton universiteti dunyoda universitetlari reytingida 6-o’rinni egallamoqda. 
Ushbu dastur talabalarni moliyaviy qo'llab-quvvatlaydigan AQShdagi eng katta dasturlardan biri. Dasturda shu universitetning bakalavr bosqichidagi akademik jihatdan faol, qolaversa, oilaviy sharoiti o'rta darajada bo'lgan talabalar qatnashishi mumkin. 
Dastur nizomiga ko'ra, talabalarning kontrakt to'lovi, yashash xarajatlarini qoplash uchun moliyaviy yordam beriladi.

Dasturga har yili quyidagi muddatlargacha ariza topshirish mumkin: 

• Early deadline (erta qabul): 1-noyabr;
• Regular deadline (odatiy qabul): 1-fevral.

Dasturda ishtirok etish uchun nomzodlar quyidagi talablarga javob berishi lozim:

• Nomzodlar Princeton universitetining bakalavr bosqichiga qabul qilingan boʻlishi kerak. Qabul shartlari haqida ushbu havola orqali maʼlumot olishingiz mumkin;
• Akademik jihatdan yuqori koʻrsatkichga ega boʻlishi lozim;
• Ingliz tilini yaxshi bilishi shart;
• Moliyaviy ahvoli oʻrta darajada boʻlishi kerak.

Dasturga qabul qilingan talabalar quyidagi imtiyozlarga ega bo'ladi:

• Nomzodning oilaviy sharoitidan kelib chiqib dastur nizomi bo'yicha to'liq kontrakt summasigacha miqdorda moliyaviy yordam olishlari mumkin
• Moliyaviy yordamning o'rtacha miqdori $56,500 ni tashkil qiladi;
• Moliyaviy ahvolga qarab ish bilan ta’minlanish imkoniyati mavjud. 

Dasturda qatnashish uchun nomzodlar avval universitetga ariza topshirishadi. Kerakli hujjatlar:

• Coalition Application yoki Common Applicationda toʻldirilgan ariza shakli;
• Ushbu havolada berilgan mavzularda insho;
• Graded Written paper, yaʼni soʻnggi 3 yil davomida koʻrsatgan akademik natijalari va yutuqlari haqida 2 sahifadan iborat maʼlumotnoma;
• Maktab yoki kollej/litseyda olgan baholari va uning tarjimasi;
• Maktabdan maʼlumotnoma;
• 2 ta oʻqituvchidan tavsiyanoma;
• Til bilish darajasini tasdiqlovchi sertifikat (IELTS/TOEFL/PTE). Agar nomzodning 1-tili ingliz tili boʻlsa yoki ingliz tilida soʻzlashuvchi davlatlarda 3 yildan koʻp yashagan boʻlsa, til sertifikati talab etilmaydi.

Talablar va kerakli hujjatlar haqida batafsil ushbu havola orqali bilib olishingiz mumkin.

Dastur haqida eng koʻp beriladigan savollar va ularning javobi bilan ushbu havola orqali tanishib chiqishingiz mumkin.

Qoʻshimcha savol va murojaatlar uchun ushbu havolaga kiring.