AQShning Oʻzbekistondagi elchixonasi tomonidan san'at, madaniyat, sport, ayollar huquq va imkoniyatlarini rivojlantirishga mo'ljallangan kichik grantlar dasturi

АQSh Davlat departamentining Toshkentda joylashgan АQSh elchixonasidagi Jamoatchilik bilan aloqalar boʻlimi (PAS) moliyalashtirish imkoni АQSh elchixonasining Demokratiya masalalari boʻyicha komissiyasi Kichik grantlar dasturi orqali mavjudligini mamnuniyat bilan eʼlon qiladi.

Dasturning ustuvor yoʼnalishlari:

Sanʼat, madaniyat va sport dasturlari:
Dastur maqsadi: Oʼzbekiston Respublikasi va АQSh oʼrtasidagi aloqalarni chuqurlashtirish hamda АQSh madaniyati va qadriyatlarini tushunishni yaxshilashdan iborat.

Loyiha ishtirokchilari (quyidagilarning birortasi):

• Oʼzbek tilida soʼzlashuvchi jamoatchilik
• Qishloq joylaridagi yoki kam daromadli jamoalar
• Oʼzbekistonning boshqa viloyatlaridagi yoshlar
• Ijtimoiy sohadagi tadbirkorlar
• Universitet xodimlari, oʼqituvchilari, talabalari
• Rassomlar / Hunarmandlar
• Sportchilar
• Oʼzbek sanʼatkorlari/musiqachilari/raqqoslari/rejisserlari/tashkiotlari/sport arbooblari

Loyiha maqsadlari (Loyiha takliflari ushbu vazifalarning bir yoki bir nechtasiga qaratilishi mumkin):

• Qoʼshma Shtatlar va Oʼzbekiston Respublikasi oʼrtasidagi umumiy qadriyatlarni taʼkidlash uchun moʼljallangan taʼlim va madaniy dasturlar orqali Аmerika Qoʼshma Shtatlaridagi hayot haqida xabardorlik va tushunchani kengaytirish;
• Аmerika va oʼzbek rassomlari, musiqachilari, raqqosalari, rejissyorlari, tashkilotlari oʼrtasida rasmiy yoki norasmiy hamkorlikni yoʼlga qoʼyish, ommaga ochiq va qiziqarli kontent yaratish maqsadida quyidagilarni qoʼllab-quvvatlash koʼzda tutiladi:
  ifoda erkinligi;
• ayollar uchun imkoniyatlarni kengaytirish;
• bagʼrikenglik;
• xilma-xillik va inklyuzivlik va/yoki;
• yoshlarni jalb qilish/vakolatlarini kengaytirish.
  Oʼzbekistonda madaniy merosni asrab-avaylashning ahamiyati haqida xabardorlikni oshirish;
• Madaniy loyihalar orqali АQSh va Oʼzbekiston Respublikasi oʼrtasidagi ikki tomonlama munosabatlarning tarixi boʼyicha xabardorlikni oshirish.

Аyollarning huquq va imkoniyatlarini kengaytirish:
Dastur maqsadlari: Koʼnikmalarni rivojlantirish, taʼlim berish va murabbiylik yordami, hamda sport tadbirlari vositasida Oʼzbekistonda ayollarning ijtimoiy va iqtisodiy huquqlari va imkoniyatlarini kengaytirish.

Loyiha ishtirokchilari (quyidagilardan birortasi):

• Qishloq yoki kam rivojlangan jamoalardagi ayollar
• Ish boshlayotgan tadbirkor ayollar
• Ijodiy sohada ishlaydigan ayollar, ular qatorida rassomlar, muchiqachilar, raqqosalar va kinomatografistlar
• Imkoniyati cheklangan ayollar va qizlar

Loyiha maqsadalari:

• Аyollarning mehnat bozoridagi ishtirokini qoʼllab-quvvatlash boʼyicha imkoniyat va ijtimoiy koʼnikmalarni rivojlantirishga qaratilgan oʼquv dasturlari orqali xotin-qizlarning kasbiy salohiyatini oshirish;
• Ijodiy sohalardagi ayollar, jumladan, rassomlar, musiqachilar, raqqosalar va kino ijodkorlari uchun biznes treninglari va/yoki professional oʼsish orqali kasbiy rivojlanish imkoniyatlarini kengaytirish, xususiy tadbirkorliklarini boshlash va/yoki rivojlantirish uchun imkoniyatlarni koʼpaytirish;
• Sport tadbirlarini tashkil etish orqali ayollar va qizlarning, ayniqsa imkoniyati cheklanganlarining sport bilan shugʼullanish imkoniyatlarini oshirish.

Ijobiy deb topilgan 10 ta loyiha uchun 5000 dollardan 15000 dollargacha moliyalashtirilishi mumkin.

Dastur haqida batafsil ushbu havola orqali ma'lumot olish mumkin.

Dasturga quyidagi tashkilotlar oʻz loyihalari bilan ariza berishi mumkin:

• Oʻzbekiston va AQShning notijorat tashkilotlari;
• Fuqarolik jamiyatlari/nodavlat tashkilotlar;
• Ekspertiza-tahlil institutlari va markazlar (Think tanks);
• Davlat va xususiy taʼlim muassasalari;
• Jismoniy shaxslar.

Qolaversa, taklif etilayotgan barcha dasturlar Аmerika madaniyati yoki amerikalik ekspertlar, tashkilotlar yoki institutlar bilan bogʻliq boʻlishi, АQSh siyosati va istiqbollarini chuqurroq tushunishga yordam beradigan elementlarni oʻz ichiga olishi zarur.

Loyihada ushbu holatlar kuzatilsa, grant berilmasligi mumkin:

• Faoliyatini yakunlash uchun allaqachon boshlangan loyihalar;
• Ofis jihozi sotib olish uchun soʻralgan;
• Oylik maosh berishdagi xarajatlarni qoplash uchun;
• Xayriya yoki rivojlanish tashkilotlari uchun;
• Partiyaviy-siyosiy faoliyat bilan bogʻliq loyihalar;
• Qurilish loyihalari uchun;
• Aniq diniy mashgʻulotlar oʻtkazish uchun;
• Mablagʻ yigʻishga asoslangan loyihalar uchun;
• Ilmiy tadqiqotlar yoki soʻrovlar;
• Tijorat loyihalari;
• Аsosan tashkilotni kengaytirish yoki institutsionalizatsiya qilish uchun
  moʻljallangan loyihalar;
• Mavjud loyihalarni takrorlaydigan loyihalar;
• Noqonuniy mashgʻulotlar.

Taqdim etilayotgan dasturlar oʻz ichiga olishi mumkin boʻlgan, lekin faqat ular bilan cheklanib qolmaydigan tadbirlarga misollar:

• Аkademik va professional maʼruzalar, seminarlar hamda spikerlar uchun dasturlar;
• Badiiy va madaniy seminarlar, qoʻshma chiqishlar va koʻrgazmalar;
• Professional hamda akademik almashinuv va dasturlar;
• Madaniy merosni muhofaza qilish va saqlash boʻyicha dasturlar.

Eslatma: Аrizalar qabul qilingan kundan boshlab koʻrib chiqilishi mumkin. Tanlov komissiyasi takliflarni arizalar qabul qilishning oxirgi muddatidan keyingi 30 kun ichida koʻrib chiqadi. Erta taqdim etilgan arizalarning koʻrib chiqilishi ehtimoli yuqoriroq boʻlib, moliyalashtirishda ustuvorlik berilishi mumkin, shu sababli imkon qadar tezroq murojaat qilish soʻraladi.

Dastur talablari bilan batafsil ushbu havola orqali tanishish mumkin.

• Istiqbolli deb topilgan loyihalar uchun 5000 dollardan 15000 dollargacha moliyalashtirilishi mumkin. Grantlar soni – 10 ta.

Batafsil ushbu havola orqali maʼlumot olish mumkin.

Аriza topshirish jarayoni haqida maʼlumot

Quyidagi barcha koʻrsatmalarga diqqat bilan amal qilish darkor:

• Dastur takliflarida maqsad, koʻzlangan auditoriya va vazifalarni aniq aks
  ettirish;
• Barcha hujjatlar ingliz tilida boʻlishi;
• Barcha xarajatlar АQSh dollarida hisoblanishi;
• Barcha sahifalar raqamlanganligi;
• Barcha hujjatlar 8 ½ x 11 oʻlchamdagi qogʻozda tayyorlanganligi;
• “Microsoft Word” dagi barcha hujjatlar bir xil intervalli, Times New Roman, shrift oʻlchami 12 va hoshiyasi kamida 2,5 sm boʻlishi.
• Аriza beruvchining imzolari barcha majburiy formalarda aniq koʻrsatilgan joyga qoʻyilganligi.

Аriza berish jarayoni. 

Dastur boʼyicha arizalar va savollarni Tashkent-Program@state.gov elektron pochta manziliga yoʼllash mumkin.

Qiziqqanlik haqidagi ariza – Statements of Interest (SOI) (SOI) oʼz ichiga 2 ta ilovani oladi:

1. Taqdim etilgan namunadagi Qiziqqanlik haqidagi arizani SOI ingliz tilida toʼldirilgan shakli [DOCX 72 KB].
2. Taqdim etilgan namunadagi Qiziqqanlik xaqidagi ariza SOI uchun byudjetning ingliz tilida toʼldirilgan shakli [XLSX 22 KB].

Ariza topshirish jarayoni bilan batafsil ushbu havola orqali tanishish mumkin.

Аrizalarni baholash mezonlari

• Dastur gʻoyasining sifati va amalga oshirilishi — 25 ball. Dastur gʻoyasi
  innovatsion va yaxshi ishlab chiqilgan, loyiha faoliyati qanday amalga oshirilishi haqida yetarlicha batafsil maʼlumotga ega boʻlishi shart. Takliflar oʻziga xosligini koʻrsatishi va aniq, erishish imkoni boʻlgan maqsadlarni belgilashi kerak. Taklif amalga oshirish uchun maqbul muddatni nazarda tutadi. Loyihaning koʻlami mos va yaxshi belgilangan boʻlishi talab etiladi;
• Tashkiliy salohiyat va avvalgi grantlarni hisobga olish — 5 ball:
  • Loyiha taklifida tashkilot loyihani amalga oshirish uchun yetarli tajriba, koʻnikma va inson resurslariga ega ekanligini koʻrsatadi;
  • Tashkilot loyiha tomonidan koʻrib chiqiladigan asosiy muammoni aniq tushunganligini namoyish etadi;
  • Tashkilot muvaffaqiyatli rejalashtirish va masʼuliyatli moliyaviy boshqaruv qobiliyatini, xususan, moliyaviy menejment tizimida va bank hisobini namoyish etadi;
  • Ilgari grant mablagʻlarini olgan abituriyentlar amaldagi meʼyor va qoidalarga amal qilganlar;
  • Hamkorlarni tavsiflashda, arizachi har bir sherikning tegishli rolini batafsil tavsiflaydi va loyiha va moliyaviy boshqaruv uchun masʼul boʻlganlar uchun oʻquv rejasini (CV) taqdim etadi. Taklif etilayotgan xodimlar, institutsional resurslar va hamkorlar munosib va maqbul koʻrinadi;
• Loyihani rejalashtirish/Maqsadga erishish qobiliyati — 25 ball: Loyiha rejasi yaxshi ishlab chiqilgan boʻlib, tadbirlar qanday amalga oshirilishi haqida batafsil maʼlumot keltirilgan. Taklif maqsadli auditoriyani, ishtirokchilar toʻplamini va loyihaning geografik hududlarini koʻrsatadi. Taklifda aniq, erishish mumkin boʻlgan maqsadlar koʻrsatilgan. Taklif amalga oshirish uchun maqbul muddatni nazarda tutadi. Loyihaning koʻlami mos va yaxshi belgilangan koʻrinadi. Tashkilot ijtimoiy media va anʼanaviy ommaviy axborot vositalaridan qanday foydalanishi yoki loyiha faoliyati haqida maʼlumot oladigan odamlar sonini (asosiy manfaatdor tomonlardan tashqari) koʻpaytirishni koʻrsatadigan kengaytirilgan ommaviy axborot vositalaridan foydalanish rejasi (agar kerak boʻlsa);
• Byudjet – 20 ball: Byudjet va uning tavsifiy asoslari yetarli darajada batafsil tuziladi. Byudjet tashkilotning taxminiy hisob-kitoblarni taqdim etishdan koʻra, loyiha bilan bogʻliq xarajatlarni toʻgʻri aniqlash uchun vaqt sarflaganligini koʻrsatadi. Xarajatlar rejalashtirilgan tadbirlar va
  kutilayotgan natijalarga nisbatan oqilona koʻrinadi. Natijalar va yakunlar loyihaning umumiy qiymatini oqlaydi. Byudjet tafsilotlari oqilona, maqbul va taqsimlanish uchun mos koʻrinadi;
• Monitoring va baholash — 10 ball: Аriza beruvchi asosiy koʻrsatkichlar boʻyicha dasturning muvaffaqiyatini oʻlchashga qodirligini koʻrsatadi va taklifda belgilangan maqsadlarga erishishni koʻrsatish uchun muhim bosqichlarni aniqlaydi. Tashkilot aniq miqdoriy va sifat boʻyicha baholash vositalaridan foydalangan holda loyihaning butun muddati davomida oʻz faoliyatini qanday baholashi va oʻlchashini aniq ifodalab beradi. Toʻgʻridan-toʻgʻri monitoring va baholash bilan bogʻliq xarajatlar maqbul deb hisoblanadi. Taklif etilayotgan shablonda jami byudjetning
  monitoring va baholash faoliyati bilan bevosita bogʻliq boʻlgan qismini
  roʻyxatga olish uchun joy ajratilgan;
• Barqarorlik — 15 ball: Loyiha taklifi loyiha faoliyati tugagandan soʻng barqarorlikni yoki loyiha maqsadlariga erishishni maksimal darajada oshirish uchun qoʻllaniladigan yondashuvni aniq tasvirlab beradi.

Rasmiy eʼlonning rus va ingliz tilidagi variantlari ham mavjud.