Axborot texnologiyalari sohasiga qiziquvchi yoshlar uchun 200 millionlik mukofot jamgʻarmasiga ega Urban Tech Uzbekistan xakatoni

URBAN TECH UZBEKISTAN — ochiq maʼlumotlardan foydalangan holda texnologik yechimlarni ishlab chiqish boʻyicha har yili oʻtkaziladigan xakaton tanlovidir. Ushbu musobaqaning maqsadi ijtimoiy-iqtisodiy muammolarga raqamli texnologiyalar orqali yechim topishdir. Dasturning vazifasi davlat va jamiyat vakillari, shuningdek, xakaton ishtirokchilarining tegishli gʻoyalarini rivojlantirishdir. Xakaton orqali davlat va jamiyat hayotida mavjud muammolarini AKT soha orqali topilgan yechimlarni joriy etish maqsad qilingan.  

Dasturda barcha hududlardan 18 yoshdan 40 yoshgacha boʻlgan yoshlar, yangi innovatsion yechimlarni taklif qilishga tayyor boʻlgan har qanday kasb va yoʻnalishdagi mutaxassislar ishtirok etishlari mumkin. Xakatonning jamoa aʼzolari soni 4 kishidan iborat boʻlishi kerak va ishtirokchilar 4 yoʻnalish boʻyicha qatnashishlari mumkin. Dastur doirasida jami 200 million soʻm mukofot puli ajratiladi.

Dastur ikki bosqichda tashkillashtirilgan. Birinchi bosqich roʻyxatdan oʻtish jarayoni boʻlib, 10-iyuldan 10-avgustga qadar davom etadi. 16 — 18 avgust kunlari dasturning ikkinchi bosqichi olib borilib, unda jamoalar tashkilotchilar tomonidan qoʻyilgan keyslarni bajaradi.

Dastur haqida ushbu havola orqali batafsil maʼlumot olish mumkin. 

Dasturda ishtirok etish uchun quyidagi talablar mavjud:

• Dasturda barcha hududlardan 18 yoshdan 40 yoshgacha boʻlgan yoshlar qatnashishlari mumkin;
• Xakatonga yangi innovatsion yechimlarni taklif qilishga tayyor boʻlgan har qanday kasb va yoʻnalishdagi mutaxassislar ariza topshirishlari mumkin;
• Dasturda jamoa boʻlib qatnashish talab etiladi va har bir jamoa aʼzolari soni 4 kishidan iborat boʻlishi kerak;
• Xakatonda oʻz oldiga ulkan maqsadlar qoʻygan, muammolarning yechimiga innovatsion yondashuvchi yoshlar oʻz iqtidorini namoyon etishlari kerak boʻladi. 

Nomzodlar dasturning quyidagi yoʻnalishlardan birida qatnashishlari mumkin:

• AI in Social Life — Ijtimoiy hayotda SI (Sunʼiy intellekt)- Axborot kommunikatsiya texnologiyalari yordamida ijtimoiy faollik va ijtimoiy texnologiyalarni rivojlantirish bilan bogʻliq yechimlar ishlab chiqish;
• AI in Education — Fan va taʼlimda SI-Koʻp turdagi axborot- ommunikatsiya texnologiyalarining integratsiyasi orqali fan va taʼlimda boshqaruv tizimlarini ishlab chiqish;
• AI in Industry — Sanoat va ishlab chiqarishda SI-Sanoat va ishlab chiqarishda avtomatik boshqaruv tizimlari, robototizatsiya va SI asoslari; 
• AI in Healthcare — Tibbiyot va sogʻlikda SI- Tibbiyot va sogʻliqni saqlash tizimini AKT yordamida rivojlantirish, tibbiyot muassasalari faoliyati samaradorligini oshirish va sunʼiy intellekt yordamida tashxis qoʻyish va boshqalar.

Dastur talablari haqida ushbu havola orqali batafsil maʼlumot olish mumkin. 

Dasturning quyidagi foydali tomonlari mavjud:

• Dastur doirasida jami 200 million soʻm mukofot puli ajratiladi. Shundan yoʻnalishlar boʻyicha gʻolib jamoalarning har biriga 50 million soʻmdan mablagʻ ajratiladi;
• Ishtirokchilar dastur doirasida yangi doʻstlar orttirish hamda mahoratlarini oshirish imkoniga ega boʻlishadi;
• Dastur qatnashchilari yangi loyihada qatnashish orqali CVlarini boyitishlari mumkin boʻladi. 

Xakaton quyidagi bosqichlarda boʻlib oʻtadi:

• 1 — bosqich- 10-iyuldan 10-avgustga qadar roʻyxatdan oʻtish. Tanlovda 18 yoshdan 40 yoshgacha boʻlgan yoshlar;
• 2 — bosqich- 16 — 18 avgust kunlari. Jamoalar tashkilotchilar tomonidan qoʻyilgan keyslarni 72 soat ichida bajaradi.

Dastur jarayoni quyidagi ketma-ketlikda boʻlib oʻtadi:

• Roʻyxatdan oʻtish;
• Jamoa shakllantirish;
• Keys tanlash;
• Yechim topish. 

Muhim sanalar:

• 10-iyul-10-avgust- Roʻyxatdan oʻtish;
• 16-avgust-Shakllangan jamoalar keyslardan birini tanlashadi va ular boʻyicha toʻliq maʼlumotlar olishadi;
• 17-avgust-Jamoalar oʻz yechimlarini mutaxassislarga taqdim etishadi va fikr-mulohazalar olishadi;
• 18-avgust-Jamoalar tomonidan yakuniy taqdimot boʻlib oʻtadi, unda tanlov natijalari va gʻoliblar eʼlon qilinadi. 

Eslatma! Xakaton INNO Texnoparkda boʻlib oʻtadi. 

Dasturga ushbu havola orqali roʻyxatdan oʻtish mumkin. 

Xakaton nizomi bilan ushbu havola orqali tanishish mumkin. 

Maʼlumot uchun:

Tel: +998 99 899 39 96;

E-mail: info@innotechnopark.com

Dastur haqida qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-telegram;

-facebook;

-instagram;

-you tube;

-web;

-linkedIn.