Bakalavr bosqichini Markaziy Osiyodagi Amerika Universitetida toʻliq grant asosida oʻqish uchun U.S.-CAEF Enterprise Student Fellowship Program dasturi

AQSh-Markaziy Osiyo Taʼlim Jamgʻarmasi (US-CAEF) Enterprise Student Fellowship Program dasturi Qozogʻiston, Qirgʻiziston, Tojikiston va Oʻzbekiston fuqarosi boʻlgan moliyaviy ehtiyojmand akademik malakali talabalarga beriladi.

2007-yilda tashkil etilgan US-CAEF Enterprise Student Fellowship Program dasturi AQSh Davlat Departamenti tomonidan moliyalashtiriladigan, US-CAEF Direktorlar Kengashi (dastur asoschilari) tomonidan boshqariladigan va Xalqaro taʼlim boʻyicha Amerika Konsulligi tomonidan boshqariladigan akademik stipendiya dasturidir.

Ushbu grant dasturi Bishkekdagi Markaziy Osiyo Amerika Universitetining (AUCA — American University of Central Asia) bakalavriatiga qabul qilingan talabalarni moliyaviy qoʻllab quvvatlaydi.

Grant quyidagi yoʻnalishlarga ajratiladi:

• Biznes boshqaruvi;
• Iqtisod;
• Amaliy matematika va informatika;
• Dasturiy injiniring.

Grant Dasturiga Oʻzbekiston, Tojikiston, Qozogʻiston, Qirgʻiziston fuqarolari ariza topshirishi mumkin. Nomzodlar ingliz tilini yaxshi bilishi talab etiladi.

Grant gʻoliblarining oʻqish kontrakt toʻlovi, turarjoy, safar va yashash xarajatlari toʻliq qoplab beriladi.

Dasturga ariza topshirishning oxirgi muddati — 2025-yil, 22-yanvar.

Dastur haqida batafsil maʼlumotni ushbu havola orqali oʻqish mumkin.

• Dasturda Oʻzbekiston, Qirgʻiziston,Tojikiston, Qozogʻistonda doimiy yashaydigan fuqarolar qatnashishi mumkin;
• Yozma va ogʻzaki ingliz tilini yaxshi bilish kerak;
• AUCA da biznes boshqaruvi, iqtisod, amaliy matematika va informatika yoki dasturiy injiniring boʻyicha bakalavriat darajasini oʻqishga qiziqishi kerak;
• Biznes, iqtisod, amaliy matematika va informatika yoki dasturiy injiniring sohalarida akademik mukammallik va professional qobiliyat, yetakchilik salohiyatini namoyish etishi kerak;
• Moliyaviy ehtiyojmand boʻlish lozim;
• Oʻz yurtining iqtisodiy oʻsishiga hissa qoʻshish uchun dasturni tugatgandan soʻng Vataniga qaytishi kerak.

Quyidagi toifadan biriga mansublar dasturda qatnasha olmaydi:

• AQSh fuqarolari, Qoʻshma Shtatlarda doimiy rezidentlar yoki 4 ishtirokchi davlatdan tashqari boshqa mamlakatlarning fuqarolari va doimiy rezidentlari;
• AQSh fuqarolarining turmush oʻrtoqlari va Qoʻshma Shtatlarda doimiy yashovchilar yoki 4 ishtirokchi davlatdan tashqari boshqa mamlakatlar fuqarolarining turmush oʻrtoqlari;
• Hozirda 4 ishtirokchi davlatdan tashqarida istiqomat qiluvchi yoki ishlayotganlar, FLEX dasturi ishtirokchilari bundan mustasno;
• Amerika Konsulligi xodimlari, ularning turmush oʻrtogʻi, farzandi, ukasi, nabirasi yoki xodim bilan mustahkam aloqada boʻlgan shaxslar.

• Oʻqish kontrakt toʻlovi toʻliq qoplanadi;
• Turarjoy, safar va yashash xarajatlari qoplab beriladi;
• Maxsus akademik maslahat va repetitorlikdan foydalanish imkoniyati;
• Karyerani boshlash uchun stajirovka imkoniyatlari;
• Professional va shaxsiy rivojlanish, networking imkoniyatlari.

• Ushbu grantni qoʻlga kiritish uchun avvalo, AUCA universitetiga alohida hujjat toрshirib qabul qilingan boʻlish kerak. AUCA universitetiga kirish talablari bilan batafsil ushbu havola orqali tanishib chiqish mumkin.
• Grant dasturiga hujjat toрshirish uchun ushbu havola orqali shaxsiy рrofil yaratib, onlayn ariza shaklini toʻldirish lozim. Bunda shaxsiy maʼlumotlar, rasm va рasрort nusxasini yuklash, shuningdek, ishlaydigan email yozish kerak.
• Onlayn ariza shakli toʻldirib boʻlingandan soʻng, dasturga hujjat toрshirish uchun koʻrsatmalar va kerakli hujjatlar roʻyxatini oʻz ichiga olgan tasdiqlovchi email yuboriladi. Email 20 daqiqa ichida yuboriladi, agar 20 daqiqada xabar kelmasa, “sрam” jildini tekshirib koʻrish kerak.
• Emailda yuborilgan hujjat toрshirish qoʻllanmasini eʼtibor bilan oʻqib chiqib dasturga hujjat toрshirish tavsiya etiladi.

Dasturga ariza toрshirish haqida ushbu havola orqali tanishib chiqish mumkin.

Dastur haqida berilgan eng koʻр savollarga javoblarni (FAQs) ushbu havola orqali oʻqish mumkin.

Arizalarni koʻrib chiqish jarayoni 3 bosqichdan iborat:

• 1-bosqich: ariza topshirish muddati tugagandan soʻng boshlanadi. Qabul qilish komissiyasidagi mutaxassislar barcha arizalarni sinchkovlik bilan koʻrib chiqadilar. Yarim finalchilar moliyaviy ehtiyojmandlik, akademik yutuqlarga qarab saralanadi;
• 2-bosqich: yarim finalchilar Amerika Konsulligi xodimlari va tashqi baholovchilar tomonidan oʻtkaziladigan suhbatdan oʻtadilar;
• 3-bosqich: Amerika Konsulligining Vashingtondagi ofisida yakuniy tanlov qoʻmitasi tomonidan oʻtkaziladi. Finalistlar boʻyicha yakuniy qarorlar AQSh Davlat departamenti va US-CAEF Direktorlar Kengashi tomonidan qabul qilinadi. Finalchilar, odatda iyun oyining oʻrtalarida rasman eʼlon qilinadi.

Dasturga oid qoʻshimcha savol va takliflarni quyidagi elektron manzilga yuborish mumkin: uscaef.uz@americancouncils.org