Bakalavr talabalari uchun xalqaro JACAFA stipendiyasi
-
17/03/2024 Qabul boshlanishi
-
Stipendiya Moliyalash turi
-
Yaponiya Davlat
-
20.04.2024 Oxirgi muddat
Umumiy maʻlumotlar
JACAFA Foundation (Japan Central Asia Friends and Associates Foundation) tomonidan Tojikiston, Oʻzbekiston, Qozogʻiston va Ozarbayjon davlatlarida taʼlim olayotgan talabalarni moddiy qoʻllab-quvvatlash maqsadida JACAFA Scholarship Program dasturini tashkil etgan.
Dasturda bakalavr bosqichining huquqshunоslik, ijtimoiy fanlar, matematika, kompyuter muhandisligi , IT muhandisligi, mahalliy qishloq xoʻjaligi rivojlanishi (Local Agriculture Development) yoʻnalishlari boʻyicha kunduzgi taʼlimda (full-time) tahsil olayotgan 2-kurs talabalari ishtirok etishi mumkin.
Dastur 2024-yil oktyabr oyidan boshlanadi va 2 yil davom etadi. Ishtirokchilar ushbu vaqt davomida oyiga $110 miqdorida stipendiya bilan taʼminlanadilar. JACAFA dasturi yakunlangandan soʻng esa koʻplab boshqa imtiyozlarga ham ega boʻladilar.
Maqbullik shartlari
Nomzodga qoʻyilgan talablar:
- Dasturda 19 yоshdan 23 yoshgacha boʻlgan Qirgʻiziston, Oʻzbekiston, Tojikiston, Qozogʻiston yoki Ozarbayjon davlati fuqarolari ishtirok etishi mumkin. Fuqarolik pasporti talab etiladi;
- Yuqori akademik koʻrsatkichga ega boʻlishi kerak. Oʻrtacha baholar (GPA) 4.0 ballik tizimda 3.0 balldan yuqori boʻlishi lozim. Ushbu koʻrsatkich dastur davomida ham saqlanishi kerak;
- Ingliz tilini mukammal bilishi kerak. TOEFL, IELTS, TOEIC sertifikatlari talab etiladi yoki darslarni ingliz tilida tugatgan boʻlishi kerak;
- Nomzod bakalavr bosqichining huquqshunоslik, ijtimoiy fanlar, matematika, kompyuter muhandisligi , IT muhandisligi, mahalliy qishloq xoʻjaligi rivojlanishi (Local Agriculture Development) yoʻnalishlari boʻyicha kunduzgi taʼlimda (full-time) tahsil olayotgan boʻlishi kerak;
- Dasturining boshlanish vaqtida, oʻqishni bitirishiga aniq ikki oʻquv yili qolgan boʻlishi kerak, masalan. agar nomzodning oʻquv dasturi bitiruvgacha toʻrt oʻquv yili boʻlsa, stipendiya olishni boshlagan paytda uchinchi oʻquv yilini boshlashi kerak. Hozirda 2-kurs talabalari ariza topshirishlari mumkin.
Nomzoddan kutiladigan sifatlar:
- Akademik yutuqlari bilan bir qatorda, nomzodlar mukammal xulq-atvor, ochiq xarakter, ijobiy shaxsiy sifatlar va yaxshi muloqot qobiliyatlariga (ogʻzaki va yozma) ega boʻlishlari kerak;
- Nomzod oʻqishni tugatgandan soʻng oʻz karyerasiga oid qatʼiy va aniq kelajak tasavvuriga ega boʻlishi kerak;
- Oʻqishni tamomlagandan soʻng JACAFA bitiruvchilari hamjamiyatiga qoʻshilishi va JACAFAning barcha tadbirlariga faol hissa qoʻshishi kutiladi va talab qilinadi. Bu Yillik Bosh Assambleya, konferensiyalar va forumlarda ishtirok etish, shuningdek, ularni tashkil etishda yordam berishni oʻz ichiga oladi.
Foydali tomonlari
Dastur manfaatli jihatlari quyidagicha:
- Dasturga qabul qilingan ishtirokchilar 2 yil davomida har oy $110 miqdorida stipendiya bilan taʼminlanadi;
- Stipendiya oʻquv faoliyatini muvaffaqiyatli yakunlash uchun (masalan, darsliklarni sotib olish yoki maxsus kurslar yoki seminarlarda qatnashish uchun toʻlovlar) ishlatiladi;
- Har yili Markaziy Osiyo mamlakatlarida oʻtkaziladigan JACAFA bitiruvchilari tadbirlarida ishtirok etish imkoniyatiga ega boʻladi;
- JACAFA bitiruvchisi sifatida JACAFA Yaponiyaga tashrif buyurish dasturi (Japan Visit Program) tanloviga ariza topshirish imkoniyati mavjud. Bunda saralangan nomzodlar Yaponiyaga sayohat qilish uchun toʻliq grantga ega boʻlishlari mumkin.
Qoʻshimcha maʻlumotlar
Qoʻshimcha maʼlumotlar uchun: foundationjacafa@gmail.com yоki ushbu telegram kanaldan javоb оlish mumkin.
Yakuniy natijalar 2024-yil iyul оyida e'lоn qilinadi.