Berlin va Potsdamdagi universitetlardan birida bakalavriat va magistratura bosqichini toʻliq moliyalashtirilgan holda oʻqish uchun BW Berlin Scholarship dasturi

Salohiyatli va iqtidorli talabalar uchun bakalavriat va magistratura bosqichini Berlin va Potsdamdagi universitetlardan birida oʻqish imkoniyatini beruvchi SBW Berlin Scholarship dasturi taqdim qilinadi. Dastur davomiyligi 30 kundan 48 oygacha davom etadi. Dastur uchun jami 20 nafar nomzod saralab olinadi.

Ushbu dastur moliyaviy jihatdan nochor oilalardan chiqqan va Germaniyada oʻqish davomida olgan koʻnikmalarni ayniqsa oʻz mamlakatlarida uzoq muddatli notijorat loyihalarni rivojlantirish uchun foydalanadigan chet ellik yoshlarni qoʻllab-quvvatlaydi.

SBW Berlin Scholarship stipendiyasini qoʻlga kiritgan talablar oʻqishlarining boshidanoq oʻzlarining ijtimoiy notijorat loyihalarini boshlaydilar, ishlab chiqadilar va amalga oshiradilar, shuningdek, oʻz mamlakatlariga qaytganlaridan keyin yashash sharoitlarini yaxshilash uchun loyihalarini qoʻllashlari kerak boʻladi.

Dastur qabul qilingan talabalarga oyiga stipendiya berish bilan bir qatorda kontrakt toʻlovi hamda boshqa xarajatlarni qoplaydi.

Dastur haqida batafsil ushbu havola orqali maʼlumot olish mumkin.

• Nomzod 18-30 yosh oraligʻida boʻlishi;
• Notijorat sohada professional yoki koʻngilli ish tajribasiga ega boʻlishi;
• Oʻqishni tugatgandan keyin oʻz mamlakatida kamida 18 oy ishlay olishi;
• Germaniya doimiy yashovchi oila aʼzolari boʻlmasligi;
• Nomzod ariza berishdan oldin Germaniyada 18 oydan ortiq yashamagan boʻlishi;
• Germaniya baholash tizimi boʻyicha eng kamida GPA 2.0 ga ega boʻlishi;
• Bakalavr bosqichida oʻqish uchun nomzod oʻzi oʻqiyotgan oliygohning maksimal 3-semestrida boʻlishi, magistratura bosqichiga kirish uchun esa bakalavrni tugatayotgan yoki tugatgan, magistratura uchun ariza topshirgan nomzodlar topshira olishadi.

Dasturga, shuningdek, quyida keltirilganlar ariza topshirishlari mumkin:

• Oʻz mamlakatlari rivojlanish yordamiga alohida ehtiyoj sezadigan xorijiy fuqarolar;
• Uysiz xorijliklar;
• Tan olingan qochqinlar;
• Germaniyada yashash uchun ruxsatnomasiga ega boʻlgan;
• Yevropa Ittifoqining uzoq muddatli yashash ruxsatnomasiga ega boʻlganlar;
• Dasturda oʻqishni boshlashdan oldin Germaniyada oʻqish bilan bogʻliq faoliyatda ishlagan Yevropa Ittifoqi va Yevropa iqtisodiy hududi (EEA) mamlakatlaridan kelgan talabalar;
• Harakat erkinligi toʻgʻrisidagi qonun (Freizügigkeitsgesetz EU) tomonidan belgilangan doimiy yashash huquqiga ega Yevropa Ittifoqi/ Yevropa iqtisodiy hududi davlatlaridan kelgan talabalar.

Maqbullik shartlari haqida ushbu havola orqali batafsil maʼlumot olish mumkin.

• Turar-joy bilan taʼminlanadi;
• Yashash xarajatlari uchun €480 oylik stipendiya beriladi (bu loyiha reytingiga qarab oʻzgarishi mumkin);
• Kontrakt toʻlovidan ozod qilinadi;
• Borib-kelish xarajatlari ham qoplanishi mumkin (Yevropadan tashqaridagi davlatlardan kelganlar uchun maksimal €1000).

• Grantga ariza berishda nomzod faoliyat olib borgan notijorat tashkilot (masalan, volontyorlik jamоasi/tashkilоti kabi) tavsiyanoma shaklida ariza beruvchining faoliyatini tasdiqlovchi hujjat talab qilinadi;
• Nodavlat notijorat tashkiloti yoki ijtimoiy muassasa arizachi nomidan xatni PDF shaklida application@sbw.berlin manziliga yuboradi.
• Xatni diqqat bilan koʻrib chiqqandan soʻng, maʼqul deb topilgan nomzodlarga grant uchun onlayn ariza shakliga havola beriladi.

Hujjat topshirishda quyidagilar soʻraladi:

• Ariza shakli;
• Loyiha rejasi (2dan 5 betgacha);
• Uy xoʻjaligining sof daromadi haqida maʼlumot;
• Universitet, maktab yoki kollejdagi baholarning oʻrtacha koʻrsatkichi;
• Oʻrta maktab diplomi yoki universitet sertifikatining nusxasi.

Agar mavjud boʻlsa, quyidagi hujjatlarning nusxalarini ham kiritish soʻraladi:

• Universitetga kirish uchun talablar;
• Oʻqimoqchi boʻlgan Berlin yoki Potsdamdagi universitetga qabul qilinganlik;
• Oʻquv mashgʻulotlari olib boriladigan til uchun xalqaro tan olingan til sertifikati;
• Oldin qatnashgan ish, trening, amaliyot boʻyicha olingan sertifikat va maʼlumotnomalar;
• Universitetda olingan barcha sertifikat va erishgan yutuqlari.

Nomzodlardan quyidagi majburiy boʻlmagan qoʻshimcha hujjatlarni taqdim qilishlari tavsiya qilinadi:

• Professorlar, maktab oʻqituvchilari, ish beruvchilardan bir yoki ikkita tavsiyanoma.
• Uy xoʻjaligining sof daromadi toʻgʻrisidagi maʼlumot;
• Barcha hujjatlar ingliz yoki nemis tilida boʻlishi kerak.

Muhim: Ariza shakli faqat SBW Berlinning onlayn ariza portalida mavjud. Birinchi navbatda tavsiyanoma yoki motivatsion xat talab qilinishini unutmaslik lozim. Faqatgina ushbu hujjatlar sinchiklab oʻrganib chiqilgandan soʻng eng yaxshi nomzodlarga onlayn ariza portaliga kirish huquqi beriladi.

• Tel: +49 30 66 70 36 36;
• Email: info@sbw.berlin;
• Saralash bosqichi ikki bosqichda boʻlib oʻtadi. Birinchi bosqichda nomzodlarning tarjimai holi, motivatsion xati va baholari koʻrib chiqiladi. Ikkinchi bosqichda barcha hujjatlar toʻplanganidan soʻng munosib deb topilgan har bir nomzod bilan suhbat oʻtkaziladi;
• Nomzodlar shuningdek, taklif etilayotgan loyihaning ijtimoiy ahamiyati, ishning alohida bosqichlari, har qanday xarajatlar va sarflangan vaqt, loyihani moliyalashtirish gʻoyalari tavsifini oʻz ichiga olgan loyiha tavsifini taqdim etishlari kerak;
• Takroran soʻraladigan savolarga javob bu yerda.