Berlin va Potsdamdagi universitetlardan birida bakalavr va magistratura bosqichida o‘qish imkoniyatini beruvchi SBW Berlin Scholarship dasturi
-
20/03/2024 Qabul boshlanishi
-
Toʻliq Moliyalash turi
-
Germaniya Davlat
-
Doimiy Oxirgi muddat
Umumiy maʻlumotlar
Bakalavr va magistratura bosqichida Berlin va Potsdamdagi universitetlardan birida o‘qish imkoniyatini beruvchi salohiyatli va iqtidorli talabalar uchun SBW Berlin stipendiyasi taqdim qilinadi. SBW Berlin stipendiyasi moliyaviy jihatdan nochor oilalardan chiqqan va Germaniyada o‘qish davomida olgan ko‘nikmalarni ayniqsa o‘z mamlakatlarida uzoq muddatli notijorat loyihalarni rivojlantirish uchun foydalanadigan chet eldan kelgan yoshlarni qo‘llab-quvvatlaydi.
SBW Berlin stipendiyasini qo‘lga kiritgan talablar o‘qishlarining boshidanoq o‘zlarining ijtimoiy notijorat loyihalarini boshlaydilar, ishlab chiqadilar va amalga oshiradilar va o‘z mamlaktlariga qaytganlaridan keyin yashash sharoitlarini yaxshilash uchun loyihalarini qo‘llashlari kerak bo‘ladi.
Dastur qabul qilingan talabalarga oyiga stipendiya berish bilan bir qatorda kontrakt to‘lovi hamda boshqa xarajatlarni qoplaydi.
Maqbullik shartlari
- Nomzod 18-30 yosh oralig‘ida bo‘lishi;
- Notijorat sohada professional yoki ko‘ngilli ish tajribasiga ega bo‘lishi;
- O‘qishni tugatgandan keyin o‘z mamlakatida kamida 18 oy ishlay olishi;
- Germaniya doimiy yashovchi oila a’zolari bo‘lmasligi;
- Nomzod ariza berishdan oldin Germaniyada 18 oydan ortiq yashamagan bo‘lishi;
- Germaniya baholash tizimi bo‘yicha eng kamida GPA 2 ga teng bo‘lishi;
- Bakalavr bosqichida o‘qish uchun nomzod o‘zi o‘qiyotgan oliygohning maksimum 3-semestrida bo'lishi, magistratura bosqichiga kirish uchun esa bakalavrni tugatayotgan yoki tugatgan, magistratura uchun ariza topshirgan nomzodlar topshira olishadi.
Dasturga, shuningdek, quyida keltirilganlar ariza topshira olishlari mumkin:
- O‘z mamlakatlari rivojlanish yordamiga alohida ehtiyoj sezadigan xorijiy fuqarolar;
- Uysiz xorijliklar;
- Tan olingan qochqinlar;
- Germaniyada yashash uchun ruxsatnomasiga ega bo‘lgan;
- Yevropa Ittifoqining uzoq muddatli yashash ruxsatnomasiga ega bo‘lganlar;
- Dasturda o‘qishni boshlashdan oldin Germaniyada o‘qish bilan bog‘liq faoliyatda ishlagan Yevropa Ittifoqi va Yevropa iqtisodiy hududi (EEA) mamlakatlaridan kelgan talabalar;
- Harakat erkinligi to‘g‘risidagi qonun (Freizügigkeitsgesetz EU) tomonidan belgilangan doimiy yashash huquqiga ega Yevropa Ittifoqi/ Yevropa iqtisodiy hududi davlatlaridan kelgan talabalar.
Bu haqida ushbu havola orqali batafsil ma'lumot olish mumkin.
Foydali tomonlari
Qabul qilingan talabalar quyidagi imtiyozlarga ega bo‘lishadi:
- Turar-joy bilan ta’minlanadi;
- Yashash xarajatlari uchun oylik stipendiya (birinchi semestrda €480, keyingi semestrlarda maksimal €550 gacha olish mumkin, bu loyiha reytingiga bog‘liq bo‘ladi);
- Kontrakt to‘lovidan ozod qilinadi;
- Borib-kelish xarajatlari ham qoplanishi mumkin.
Qoʻshimcha maʻlumotlar
Saralash bosqichi ikki bosqichda bo‘lib o‘tadi. Birinchi bosqichda nomzodlarning tarjimai holi, motivatsion xati va baholari ko‘rib chiqiladi. Ikkinchi bosqichda barcha hujjatlar to‘planganidan so‘ng munosib deb topilgan har bir nomzod bilan suhbat o‘tkaziladi.
Nomzodlar shuningdek, taklif etilayotgan loyihaning ijtimoiy ahamiyati, ishning alohida bosqichlari, har qanday xarajatlar va sarflangan vaqt, loyihani moliyalashtirish g‘oyalari tavsifini o‘z ichiga olgan loyiha tavsifini taqdim etishlari kerak.
Eng kо'р sо'raladigan savоllarga javоblar (FAQs) bilan ushbu havоla оrqali tanshishib chiqish mumkin.
Qo‘shimcha ma’lumotlar uchun: https://sbw.berlin/en/contact/