Garvardda 9 oy tadqiqot qilish imkonini beruvchi Radcliffe Institute Fellowship Program dasturi. G'oliblarga $78,000 stipendiya beriladi!
-
05/05/2024 Qabul boshlanishi
-
Toʻliq Moliyalash turi
-
AQSh Davlat
-
13/09/2024 08:59 Oxirgi muddat
Umumiy maʻlumotlar
Harvard Radclife Institute gumanist va ijtimoiy fanlar olimlari, ijodkorlar, injenerlar, matematiklar hamda amaliyotchilar uchun toʻliq moliyalashtiriladigan Radcliffe Fellowship Program dasturini taqdim etadi.
Dasturga iloji boricha turli xil soha, karyera bosqichlarida boʻlgan irqi va kelib chiqishi, davlati, jinsi va turli dunyo qarashga ega 50 nafar nomzod saralab olishga harakat qilinadi.
Ishtirokchilarga 9 oylik amaliyot mobaynida 78,000 AQSH dollar stipendiya hamda loyiha ustida ishlash uchun 5,000 AQSH dollar pul ajratiladi. Qolaversa, nomzodlarga oilalari bilan kelib joylashish uchun turarjoy xarajatlari ham qoplanadi. Dastur 9 oy yaʼni 2025-yil sentyabr oyidan 2026-yil may oyigacha davom etadi.
Nomzodlar yakka tartibda yoki bitta loyiha ustida ishlayotgan 2 kishidan iborat jamoa koʻrinishida ariza topshirishlari mumkin.
Ariza topshirish jarayoni gumanitar va ijtimoiy fanlar, ijodiy sanʼat kategoriyalari uchun 2024-yilning 12-sentyabrigacha va ilm-fan, muhandislik va matematika kategoriyalari uchun esa 2024-yilning 3-oktyabrigacha davom etadi.
Dastur haqida ushbu havola orqali batafsil maʼlumot olish mumkin.
Maqbullik shartlari
Dasturga quyidagi soha vakillari hujjat topshirishlari mumkin:
- Gumanist va ijtimoiy fanlar olimlari;
- Ijodkorlar (jurnalist va badiiy boʻlmagan yozuvchilar);
- Olimlar, injenerlar va matematiklar;
- Amaliyotchilar.
Gumanist va ijtimoiy fanlar olimlari uchun qoʻyiladigan talablar:
- Doktorlik yoki tegishli sohasi boʻyicha ilmiy darajani dasturda ishtirok etishidan kamida ikki yil oldin olgan boʻlishi kerak. (2025-2026-oʻquv yilida qatnashish uchun 2023-yil dekabrda darajani olgan boʻlishi lozim);
- Kamida 1 ta monografiyasi hamda 2 ta maqolasi maqolalar qatʼiy tekshiriladigan jurnallar yoki tekshiriladigan maqolalar kolleksiyasida chop etilgan boʻlishi lozim.
Ijodkorlar (jurnalist va badiiy boʻlmagan yozuvchilar) uchun qoʻyiladigan talablar:
- Ishtirokchilar doktorlik yoki magistrlik darajasiga ega boʻlishlari talab qilinmaydi;
- Quyidagi sohaning har bir ijodkorlari uchun alohida talablar mavjud.
Film va video: Nomzodlar ushbu yoʻnalish boʻyicha muhim yutuqlarga erishgan mustaqil ishlarga ega boʻlishlari kerak. Ularning asarlari odatda galereyalar, muzeylar, kino yoki video festivallarda namoyish etilgan yoki televizorda efirga uzatilgan boʻlishi kerak.
Tasviriy sanʼat: Ushbu fan boʻyicha ariza topshiruvchilar professional rassom sifatida kamida besh yillik ish tajribasi, shu jumladan maxsus saralab olingan guruh shoularida va kamida ikkita professional shaxsiy koʻrgazmada ishtirok etganliklarini isbotlash orqali dasturda qatnashishlari mumkin.
Badiiy va fantastik asarlar yozish: Ushbu yoʻnalish nomzodlari quyidagilardan biriga ega boʻlishlari kerak:
a) bir yoki bir nechta kitoblari nashr etilgan boʻlishi kerak;
b) kitob hajmidagi qoʻlyozmani nashr etish boʻyicha shartnoma boʻlishi lozim;
c) kamida uchta ishlari (gazetadagi maqolalardan uzunroq) nashr etilgan boʻlishi lozim.
Sheʼriyat: Ushbu yoʻnalish boʻyicha abituriyentlar soʻnggi besh yil ichida kamida 20 ta sheʼr nashr etgan yoki sheʼriy kitob chop ettirgan boʻlishi va qoʻlyozma toʻldirish jarayonida boʻlishi kerak.
Jurnalistika: Ushbu fan boʻyicha nomzodlardan kamida besh yil jurnalist sifatida professional ishlagan boʻlishi talab qilinadi.
Dramaturgiya: Ushbu yoʻnalishda qatnashish uchun nomzodlar oʻzlarining mustaqil ishlariga ega boʻlishlari kerak. Bunga, odatda, ijodkor tashkillashtirgan sahna asarlar va shu kabi asarlar kiradi.
Musiqa: Nomzodlar musiqa yoʻnalishi boʻyicha PhD yoki magistrlik darajasiga ega boʻlishlari ustunlikni beradi, lekin bu majburiy emas. Eng muhimi, nomzodlik qiluvchi professional ijodkor sifatida erishgan yutuqlarini isbotlab berishi kerak. Avvalgi ishlarining qayd etilgan materiallari ham taqdim etilishi kerak.
Olimlar, injenerlar va matematiklar uchun qoʻyiladigan talablar:
- Doktorlik boʻyicha ilmiy darajani dasturda ishtirok etishidan kamida ikki yil oldin olgan boʻlishi kerak. (2025-26-oʻquv yilida qatnashish uchun 2023-yil dekabrda darajani olgan boʻlishi lozim);
- Kamida 5 ta maqolasi maqolalar qatʼiy tekshiriladigan jurnallarda chop etilgan boʻlishi lozim. Koʻpchilik olim, injener va matematiklar koʻplab maqolalar chop ettirishadi;
- Faqatgina kuchli mustaqil tadqiqot va yozish mahoratiga ega nomzodlar qatnashishlari talab qilinadi.
Eslatma! Dasturga hujjat topshirish davrida doktorantura yoki magistratura bosqichida oʻqiyotganlar hamda dasturda avval qatnashganlar ishtirok eta olmaydilar. Ishtirokchilar ingliz tilini dasturda qatnashish darajasida bilish lozim.
Maqbullik shartlari bilan ushbu havola orqali toʻliq tanishish mumkin.
Foydali tomonlari
Gʻolib nomzodlar quyidagi imkoniyatlarga ega boʻladilar:
- 2025-2026- oʻquv yili uchun $78,000 miqdordagi stipendiya ajratiladi;
- Nomzodlar dastur davomida amalga oshirayotgan loyihalarining sarf-xarajatlari uchun $5,000 pul taqdim etiladi;
- Koʻchish, turarjoy uchun alohida mablagʻ ajratiladi. Ushbu mablagʻ miqdori quyidagicha:
- Uylanmagan, turmushga chiqmagan nomzodlar yoki farzandi yoʻq oilalarga — yiliga $5,220;
- Bir bolali oilalarga -yiliga $6,580;
- Ikki yoki undan koʻp bolali oilalarga — yiliga $7,940.
- Bundan tashqari nomzodning voyaga yemagan farzandlariga enaga yollash va boshqa xarajatlar uchun ham bola yoshiga qarab alohida pul mablagʻi ajratiladi;
- Alohida tanlab olingan nomzodlarga tibbiy sugʻurta uchun ham pul beriladi.
Eslatma! Nomzod bolasini oʻzi bilan olib kelishi uchun bola ushbu yilning 30-iyuniga qadar 18 yoshga kirmagan boʻlishi lozim.
- Byerly Halldan ofis yoki studiya uchun joy;
- Radcliffe Yardda va Garvardda doimiy tashrif buyuruvchi sifatida uchrashuvlarda ishtirok etish va Garvard universitetiga kirish huquqi;
- Kutubxonalar, uy-joylar va sport inshootlaridan foydalanish huquqi va boshqalar.
Dasturning afzalliklari bilan batafsil ushbu havola orqali tanishib chiqish mumkin.
Qoʻshimcha maʻlumotlar
Muhim sanalar:
- Gumanitar va ijtimoiy fanlar, ijodiy sanʼat kategoriyalari uchun hujjat topshirish muddati: 2024-yil 13-sentyabrgacha (08:59);
- Ilm-fan, muhandislik va matematika kategoriyalari uchun hujjat topshirish muddati: 2024-yil 4-oktabrgacha (08:59);
- Natijalar 2025-yil mart oyida eʼlon qilinadi.
Nomzodlar kim tomonidan tanlanadi?
Topshirilgan har bir ariza 2 bosqichli jarayonda koʻrib chiqiladi. Birinchi navbatda tegishli soha mutaxassislari, soʻngra yuqori darajadagi yutuq va potensialga ega boʻlgan turli toifadagi nomzodlarni tanlab olishga masʼul boʻlgan koʻp tarmoqli qoʻmita tomonidan koʻrib chiqiladi.
Baholash mezonlari:
Arizalar taklif qilingan loyihaning sifati va ahamiyati, talabgorning intellektual va ijodiy salohiyati boʻyicha baholanadi, buni yutuqlar yoki gʻayrioddiy vaʼdalar orqali koʻrsatib berish mumkin. Dastur har tomonlama, xususan geografik, etnik, irqiy, va sohadagi mutaxassislik darajasi, fikrlash jihatidan turli xil boʻlgan nomzodlarni tanlashga harakat qiladi. Arizalar talabaning tadqiqot bayonoti, nashr yozuvlari va tavsiyanomalarning kuchiga qarab baholanadi.
Dastur haqida quyidagi ijtimoiy tarmoqlardan ham qoʻshimcha maʼlumotlar olish mumkin: