Germaniyada 21-bor oʻtkazilayotgan 2 oylik xalqaro jurnalistlar dasturi

Germaniya tomonidan xalqaro jurnalistlar uchun 21-bor oʻtkazilayotgan Grafinya Donxof Marion nomidagi ikki oylik stipendiya dasturi.

Dastur yosh va iqtidorli jurnalistlarga Germaniya siyosati, iqtisodiyoti, madaniyati va ijtimoiy hayoti haqida oʻz tushunchalarini shakllantirish imkoniyatini beradi. Shuningdek, xorijiy tahririyatda ishlab tajribasini orttirish va nemis jurnalistikasi standartlari, tamoyillari bilan tanishish uchun ajoyib imkoniyatga ega boʻlishadi.

Dastur davomida jurnalistlar Germaniya tahririyatlarida muharrir sifatida ishlash bilan birgalikda, Germaniyadagi voqealarni yorituvchi chet el muxbiri sifatida ham ishlay olishadi.

Dastur haqida ushbu havola orqali batafsil maʼlumotga ega boʻlish mumkin.

• Dasturga 20 yoshdan 35 yoshgacha boʻlgan Rossiya, Ukraina, Armaniston, Ozarbayjon, Gruziya, Oʻzbekiston va MDH davlatlari fuqarolari ariza yuborishlari mumkin;
• Dasturda jurnalistlar, blogerlar, hujjatli film ijodkorlari, gazeta, jurnal, teleradiokompaniya, internet nashrlari tahririyatlari xodimlari va frilanserlar  qatnashishlari mumkin;
• Nemis/ingliz tilini bilishni tasdiqlovchi hujjat, sertifikatlar, til kurslarini tamomlaganligi haqida maʼlumot soʻraladi;
• Dastur tugaganidan soʻng ishtirokchilar amaliyot haqida kamida uch sahifali hisobot, shuningdek, nashr etilgan ishlarini nusxalarini topshirishlari kerak.

Ishtirok etish shartlari bilan batafsil ushbu havola orqali tanishib chiqish mumkin.

• Ishtirokchilarga dastur tomonidan €3,800 miqdorida bir martalik stipendiya beriladi;
• Ushbu toʻlov oʻz ichiga sayohat qilish, turar-joy, oziq-ovqat; tibbiy sugʻurta va viza xarajatlarini oladi.

Dastur imtiyozlari haqida ushbu havola orqali batafsil maʼlumotga ega boʻlish mumkin.

Soʻralgan hujjatlar roʻyxati:

• Rezyume.
  Rezyumeda nomzodning pasport fotosurati va tugʻilgan sanasi, telefon raqami, pochta indeksi koʻrsatilgan pochta manzili va elektron pochta manzili boʻlishi kerak;
• Motivatsion xat.
  Xatda dasturda qatnashish sabablari toʻliq bayon etilishi kerak;
• Tavsiyanoma.
  Tavsiyanoma jurnalist ishlayotgan tashkilotning muharriri yoki boʻlim mudiri tomonidan berilishi mumkin. Frilanser jurnalistlar esa asosiy ish beruvchisidan olishlari mumkin. Eng asosiysi tavsiyanomada jurnalistning amaliyot dasturida qatnashishiga eʼtiroz bildirilmagan boʻlishi kerak;
• Oldin nashr etilgan ijodiy ishlaridan eng kamida uchta namuna.
  Ijodiy ishlarni nemis tiliga tarjima qilish ixtiyoriy. Ijodiy ishlarda nomzod ishlayotgan nashriyotning logotipi va nashr etilgan sanasi koʻrsatilishi kerak. Radio va telekoʻrsatuvlarning transkriptlari tahririyat muhri bilan tasdiqlangan boʻlishi kerak. Hujjatli film ijodkorlari esa film yoki video loyihalariga havola berishlari soʻraladi;
• Nemis/ingliz tilini bilishni tasdiqlovchi hujjat.
  Sertifikatlar, til kurslarini tamomlaganligi haqida maʼlumot soʻraladi;
• Dasturni oʻtashni rejalashtirgan joyiga nomzod oʻzining boshqalardan ustun taraflarini koʻrsatib berishi lozim.

Hujjatlarni yuborish: Barcha hujjatlar toʻliq tamomlaganidan soʻng doenhoff@ijp.org elektron pochta manziliga 2022-yil 25-iyun (shu kuni ham) yuborilishi kerak.

Eslatma: 

• Toʻliq boʻlmagan hujjatlar qabul qilinmaydi;
• Audio va video materiallar ham qabul qilinmaydi. 

Nomzodlarning arizalari 2022-yil 7-iyulgacha hakamlar hayʼati tomonidan koʻrib chiqiladi.

Hujjat topshirish shartlari bilan ushbu havola orqali batafsil tanishib chiqish mumkin.

Qoʻshimcha maʼlumotlar uchun:

• Koordinator: Anna Andrievskaya andrievskaya@ijp.org
• Dastur menejeri: Miodrag Soric, soric@ijp.or
• Batafsil ushbu havola orqali bilib olish mumkin