ICESCO hamkorligida tashkil etilgan A-HUB Oʻzbekiston startaplar tanlovi. Gʻoliblar Marokashda boʻlib oʻtadigan final bosqichida qatnashadi
  • 01/06/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 15.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili, O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Taʼlim, fan va madaniyat masalalari boʻyicha xalqaro islom tashkiloti (ISESCO) hamda Oʻzbekiston hamkorligida xalqaro startap loyihalar uchun A-HUB akselerator dasturi eʼlon qilindi.

Taʼlim, fan va madaniyat masalalari boʻyicha xalqaro islom tashkilotining asosiy maqsadi — oʻzaro tajriba va bilim almashish orqali kelajak liderlarini shakllantirish. Shuningdek, texnologiyalar orqali insonlar hayotini ijobiy tomonga oʻzgartiruvchi innovatsion startaplarni qoʻllab-quvvatlash. Dastur 2025-yil oxirigacha 150 dan ortiq IT kompaniyalarga asos solish reja qilgan.

A-Hub akselerator dasturi oʻz faoliyatini quyidagi 7 ta davlatda amalga oshiradi:

  • Oʻzbekiston
  • Qozogʻiston
  • Ozarbayjon
  • Tojikiston
  • Qirgʻiziston
  • Pokiston
  • Marokash

Dasturning Oʻzbekistondagi hamkori Sava Consult hisoblanadi va u ishlab chiqarishni joriy etish, biznes jarayonlarini optimallashtirish va avtomatlashtirish loyihalari boʻyicha ish olib boradi.

A-HUB Oʻzbekiston quyidagi sohalarda startap loyihalarni qabul qiladi:

Fintech & eCommerce — bunda bozorlar va elektron tijoratga oid loyihalar qabul qilinadi;

Food & Agri Tech — bunda fermerlar va oziq-ovqat ishlab chiqaruvchilari uchun va umumiy ovqatlanish sohalari boʻyicha yechim beruvchi startaplar qabul qilinadi;

EdTech & Digital Media — bunda taʼlim loyihalari, onlayn taʼlim platformalari, ommaviy axborot vositalariga oid loyihalar qabul qilinadi;

Cleantech — bunda chiqindilar va isteʼmol qilib boʻlingan mahsulotlarni qayta ishlash boʻyicha loyihalar qabul qilinadi;

Space Tech — yer atmosferasidan tashqarida - fazoda ishlatiladigan texnologiyalar, kosmik sayohat va shunga aloqador loyihalar qabul qilinadi;

Tourism — turizm sohasiga oid startaplar, sayohatchilarni kutib olish va kuzatib qoʻyish, turar-joy topishda yordam berish va ularning boʻsh vaqtlarini maroqli oʻtkazishga qaratilgan loyihalar qabul qilinadi;

HealthTech — bunda insonlarning yashash va salomatlik darajasini yaxshilashga qaratilgan loyihalar qabul qilinadi;

Entertainment & Game industry — bunda oʻyinlar va koʻngilochar oʻyinlarning onlayn shakllariga aloqador loyihalar qabul qilinadi.

Tanlovda eng yaxshi deb topilgan 3 ta loyiha ishtirokchilari Marokashda bo‘lib o‘tadigan final bosqichida xalqaro investorlarga oʻz loyihalarini taqdim etib investitsiya jalb qilish imkoniyatiga ega boʻlishadi.

Dasturga qabul 2022-yil 15-iyulga qadar davom etadi.

Maqbullik shartlari

  • Tanlovda Oʻzbekiston fuqarolari 8 xil yoʻnalishda oʻz startap loyihalari bilan qatnashishlar mumkin;
  • Nomzodlardan, asosan, insonlar hayot tarzini innovatsion texnologiyalar orqali yaxshilashga qaratilgan loyihalarni taqdim etishlari soʻraladi.

Dasturda qatnashish shartlari bilan ushbu havola orqali batafsil tanishib chiqish mumkin.

Foydali tomonlari

  • Ishtirokchilar dasturda qatnashish orqali startaplarni oʻsishida muhim ahamiyatga ega boʻlgan marketing, jamoa bilan ishlash, mahsulotni boshqarish (product management) sohalari haqida kerakli bilimlarni olishadi;
  • Eng yaxshi deb topilgan 3 ta loyiha ishtirokchilari A-Hub dasturining Marokashda boʻlib oʻtadigan final bosqichida qatnashib mukofot jamgʻarmasini qoʻlga kiritish imkoniyatiga ega boʻlishadi;
  • Shuningdek, tanlov gʻoliblari xalqaro tajriba olish, investorlarni jalb qilish va ICESCO global hamkorlar tarmogʻiga kirish imkoniyatiga ega boʻlishadi.

Ishtirokchilar uchun treninglar tashkil qilinadi va 6 ta modul asosida darslar boʻlib oʻtadi:

1-modul. Gʻoya yoki modelni ishlab chiqish

2-modul. Bozor va mijozlarni oʻrganish

3-modul. Jamoa

4-modul. Pitch va investitsiyalar

5-modul. Biznes modeli va loyihaning umumiy xarajatlari

6-modul. Startaplar uchun marketing

Loyiha ishtirokchilariga beriladigan imtiyozlar haqida ushbu havola orqali batafsil maʼlumotga ega boʻlish mumkin.

Hujjat topshirish

Dasturga ariza topshirish uchun quyidagi shartlarni bajarish soʻraladi:

Ushbu havola pastida soʻralgan maʼlumotlar toʻliq va aniq qilib toʻldirilishi kerak:

  1. Ism;
  2. Telefon raqam, telegram akkaunt manzili yoki elektron pochta;
  3. Loyiha haqida maʼlumot. Loyiha haqida maʼlumotga quyidagi savollarga ketma-ket aniqlikda javob berish soʻraladi:
  • Startap loyiha qanday muammoni hal qilishi;
  • Ushbu muammoga qanday usul bilan yechim topilishi;
  • Loyihaning potensial mijozlar soni (aniq keltirilishi maqsadga muvofiq);
  • Jamoa haqida maʼlumot (bir kishi boʻlsa ham hisobga olinadi);
  • Loyiha haqida prezentatsiya (agar bor boʻlsa).

Barcha maʼlumotlar toʻliq boʻlganidan soʻng HOORAY! tugmasini bosish orqali soʻrovnoma qoldirish mumkin.

Qoʻshimcha maʻlumotlar

Qoʻshimcha maʼlumot uchun:

Batafsil ma'lumotlarni ushbu havola orqali olish mumkin.

Oʻzbekiston
ICESCO hamkorligida tashkil etilgan A-HUB Oʻzbekiston startaplar tanlovi. Gʻoliblar Marokashda boʻlib oʻtadigan final bosqichida qatnashadi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar