“Oʻzbekiston milliy innovatsion tizimini modernizatsiya qilish” loyihasi doirasida “Ilmiy tadqiqot va tijoratlashtirish sifatini oshirish” grant tanlovi

Oʻzbekiston Respublikasi Innovatsion rivojlanish vazirligi “Ilmiy tadqiqot sifatini oshirish” dasturi boʻyicha ilmiy tadqiqot grantlari uchun 2-turga eʼlon berishini maʼlum qiladi. Ilmiy tadqiqot sifatini oshirish dasturi tadqiqotchilar tomonidan taqdim etiladigan tadqiqot loyihalarini moliyalashtirish uchun yoʻnaltirilgan “Ilmiy tadqiqot sifatini oshirish dasturi” mahalliy va xalqaro tadqiqotchilarning (jumladan, chet eldagi oʻzbek olimlarining) qoʻshma tadqiqot takliflarini, yosh tadqiqotchilarning mamlakatni kelajakdagi tadqiqot salohiyatini yanada boyitishga qaratilgan takliflarini maqullaydi.

Tanlov ikki asosiy mezonlar boʻyicha amalga oshiriladi: ilmiy yutuqlar nuqtayi nazaridan beriladigan takliflar va  ijtimoiy yoki iqtisodiy ahamiyatga ega boʻlgan hamda ayrim ijtimoiy muammolarni hal qilishga xizmat qiladigan takliflar kiradi. Ilmiy tadqiqot sifatini oshirish dasturi doirasida taqdim etilgan loyihalarni moliyalashtirish uchun tanlovni nufuzli olimlardan hamda venchur moliyalashtirish, tadbirkorlik va siyosat, ilm-fan, texnologiya va innovatsiya sohalaridagi tajribali mutaxassislardan tashkil topgan Xalqaro ekspertlar kengashi amalga oshiradi.

Tanlov qayta tiklanuvchi energiya (renewable energy), energiya samaradorligini oshirish (energy efficiency), past uglerodli texnologiyalar (low-carbon technologies), biotexnologiyalar (biotechnologies), tibbiyot va sogʻliqni saqlash (medicine and healthcare), qishloq xoʻjaligi va oziq-ovqat (agriculture and food), sunʼiy intellekt (artificial intelligence), AKT (ICT) va boshqa ilmiy va texnologik rivojlanishga qaratilgan loyihalarni jalb qilish uchun amalga oshirilishi kutilmoqda.

Dastur bilan ushbu havola orqali batafsil tanishib chiqish mumkin.

Dastur uchun nomzodlar quyidagi talablarga javob berishlari kerak:

Ilmiy tadqiqot sifatini oshirish dasturi ikki turdagi grantlarni taqdim etadi: (yosh olimlar uchun ajratiladigan grantlar (Junior research grant) hamda katta ilmiy xodimlar uchun ajratiladigan grantlar (Senior research grant ). 

Junior research hamda Senior research grant nomzodlariga qo‘yilgan talablar:

• Nomzodlar O‘zbekiston Respublikasida ilmiy tadqiqot akkreditatsiyasiga ega bo‘lgan tashkilotda ishlashi (universitet yoki ilmiy-tadqiqot instituti);
• Loyihani amalga oshiradigan loyiha guruhiga ega bo‘lishi kerak.

Loyiha guruhiga qo‘yiladigan talablar:

• Loyiha a’zolari 5 kishidan ortiq bo‘lmasligi;
• Loyiha a’zolarining loyihani amalga oshirishda ishtirok etishi ularning ish vaqtining kamida 50 foizini tashkil qilishi kerak;
• Loyiha a’zolari o‘z sohalaridagi tadqiqotlarda mukammal darajada ishlay olishlari kerak;
• Loyihani amalga oshirishning maksimal muddati grant shartnomasi imzolangan kundan boshlab 24 oydan oshmasligi kerak.

Loyiha a’zolari tarkibi quyidagilardan iborat bo‘lishi kerak:

• Bosh tadqiqotchi (Principal Investigator) (guruhning majburiy a’zosi) - tadqiqot loyihasi uchun to‘liq javobgarlikni o‘z zimmasiga olgan, tadqiqotchilarni yollash, o‘qitish va nazorat qilish, shuningdek, umumiy tadqiqot boshqaruvi, hisobot berishni bajaradigan shaxs. Loyiha bosh tadqiqotchisining PhD darajasi grant uchun dastlabki ariza topshirish muddatidan kamida 5 yil oldin olingan bo‘lishi kerak;
• Bosh tadqiqotchi o‘rinbosari (Co-Principal Investigator) (majburiy guruh a’zosi)-bosh tadqiqotchi yo‘qligida tadqiqot loyihasi uchun to‘liq mas’uliyatni o‘z zimmasiga oladigan shaxs. Bosh tadqiqotchi o‘rinbosarining  birinchi PhD darajasi grant uchun dastlabki ariza topshirish muddatidan kamida 5 yil oldin olingan bo'lishi kerak;
• Ijro etuvchi institut menejeri (CEM) tadqiqot guruhlari/loyihalarini boshqarish tajribasiga ega bo‘lgan va kamida 2 yil davomida institut xodimi bo‘lib ishlayotgan bo‘lishi  kerak;
• Marketing strategiyasini, tijoratlashtirish biznes modelini shakllantirish va sotish va/yoki investitsiyalarga erishishni ta‘minlashi mumkin bo‘lgan kamida 3 yillik biznes tajribasiga ega bo‘lgan tijoratlashtirish bo‘yicha mutaxassis (agar loyiha tijoratlashtirish potensialiga ega bo‘lsa);
• Kamida 2 yillik ilmiy ish tajribasiga ega boʻlgan fan nomzodi yoki PhD darajasiga ega boʻlgan katta ilmiy/yosh olimlar;
• Texnologiyani ishlab chiqish (TD) (amaliy tadqiqotlar olib borilgan bo‘lsa)  jarayonini tashkil etish bilan shug‘ullanadigan, kamida 3 yil ish tajribasiga ega bo‘lgan mutaxassis;
• Tadqiqotchi (R) - ushbu mavzu bo‘yicha tadqiqot loyihasida ishtirok etadigan ishchi, talaba, bakalavr yoki magistratura talabasi.

Dasturning maqbullik shartlari bilan ushbu havola orqali batafsil tanishish mumkin.

Dastur ishtirokchilari quyidagi imtiyozlarga  ega bo‘ladilar:

• Yosh olimlar uchun ajratiladigan grantlar -$200,000;
• Katta ilmiy xodimlar uchun ajratiladigan grantlar -$600,000;
• Mahalliy va chet elga borib-kelish va viza xarajatlari, konferensiyaga ro‘yxatdan o‘tish  to‘lovlari va xarajatlarini o‘z ichiga olishi mumkin;
• Loyihani amalga oshirish natijasida olingan intellektual mulk obyektlarini himoya qilish bilan bog‘liq xarajatlarni va tadqiqot natijalarini nashr etish xarajatlarini qoplaydi.

Dastur imtiyozlari bilan ushbu havola orqali batafsil tanishib chiqish mumkin.

Dasturga ushbu havola orqali ariza topshiriladi.

Dasturga ariza topshirish bo‘yicha ushbu havola orqali batafsil tanishib chiqish mumkin.

Qo‘shimcha ma’lumotlar:

• Tel: +99897 170 67 84; 
• Email:https://munis@mininnovation.uz.