“Ozon qatlami va hayot” mavzusida xalqaro ilmiy maqolalar tanlovi. Har bir nominatsiya gʻolibiga noutbuk sovgʻa qilinadi
  • 03/02/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 01.08.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili, Rus tili
  • Yosh chegarasi
    18 yoshdan

Doʻstlar bilan ulashing

Umumiy maʻlumotlar

Davlat ekologiya qoʻmitasi, BMT Taraqqiyot dasturi va Global ekologik jamgʻarmasining “Oʻzbekistonda global isish salohiyati past va ozonni yemirish qobiliyati boʻlmagan energiya samarador texnologiyalarini joriy etish orqali GXFUni butunlay isteʼmoldan chiqarish” qoʻshma loyihasi doirasida “Ozon qatlami va hayot” (“The Ozone Layer and Life on Earth”) deb nomlangan ozon qatlamini muhofaza qilishga bagʻishlangan xalqaro ilmiy maqolalar tanlovi eʼlon qilindi. Tanlovga 2022-yil 1-martdan 2022-yil 31-iyulga qadar ushbu mavzuda ilmiy ish olib borgan yoki olib bormoqchi boʻlgan bakalavr, magistr va doktorantlardan veb-platformalarda yoki ilmiy nashrlarda chop etilgan ilmiy maqolalari qabul qilinadi. 

Tanlovning maqsadi:

  • Ozon qatlami haqida aholining xabardorligini oshirish;
  • Ozon qatlamining barcha tirik organizmlar (oʻsimlik va hayvonot dunyosi) hayotidagi ahamiyati va ozon qatlamining yemirilishi oqibatlarini koʻrsatish;
  • Ozon qatlamini himoya qilishda ayollarning rolini oshirish;
  • Ozon qatlamini muhofaza qilishda ekologik xabardorlikni va masʼuliyatni oshirish.

Tanlov ikki nominatsiya boʻyicha boʻlib oʻtadi:

  • Markaziy Osiyo muammolari boʻyicha eng yaxshi maqola;
  • Eng yaxshi xalqaro ilmiy maqola;
  • G'oliblarning har biriga noutbuk sovg'a qilinadi.

Maqolalar 2022-yil 1-avgustga qadar yuborilishi kerak.

Tanlov haqida ushbu havola orqali batafsil bilib olish mumkin.

Maqbullik shartlari

  • Tanlovda butun dunyo boʻylab akkreditatsiyadan oʻtgan taʼlim muassasalarining bakalavr, magistratura va doktorantura talabalari oʻz ilmiy ishlari bilan qatnashishlari mumkin;
  • Ilmiy ishlar ozon qatlamini himoya qilish, sovitish va havoni konditsionerlash sohasi doirasida boʻlishi kerak;
  • Ilmiy ishlar ingliz yoki rus tilida qabul qilinadi.

Foydali tomonlari

Tanlovda gʻoliblar ikki xil yoʻnalish boʻyicha baholanadi:

  1. Markaziy Osiyo (CA) boʻyicha eng yaxshi ilmiy maqola

Maqolada Markaziy Osiyoda ozon qatlamining yemirilishi oqibatlariga oid masalalar koʻtarilib, ozon qatlamining yemirilishining oldini olish va yumshatish boʻyicha amaliy tavsiyalar, jumladan, bu borada ayollar va qizlarning roli haqida yozilishi maqsadga muvofiq;

    2. Eng yaxshi xalqaro ilmiy maqola:

Maqolada ozon qatlamining yemirilishining jahondagi oqibatlariga oid masalalar koʻtarilib, ozon qatlamining yemirilishini yumshatish va oldini olish boʻyicha amaliy tavsiyalar, jumladan, bu borada ayollar va qizlarning roli haqida yozilishi maqsadga muvofiq;

Nominatsiya gʻoliblarini taqdirlash:

  • Har bir nominatsiya boʻyicha ikkitadan gʻolib (bir erkak va bir ayol) taqdirlanadi;
  • Har bir nominatsiya gʻoliblariga noutbuk bilan sovg'a qilinadi.

Hujjat topshirish

  1. Dastlab, qatnashish uchun ariza shaklini toʻldirish;

Maqolaga qoʻyilgan talablar:

  • Maqola adabiyotlar roʻyxatini hisobga olmaganda 8000 soʻzgacha boʻlishi kerak;
  • Maqola ingliz yoki rus (agar maqola ingliz tilida yozilgan boʻlsa, referat rus tilida va aksincha boʻlishi kerak);
  • 2021-yil 1-yanvardan 2022-yil 31-iyulgacha boʻlgan muddatda veb-platformalarda yoki ilmiy nashrlarda eʼlon qilinishi kerak va havola maqolaning elektron versiyasi bilan birga tashkilotchilarga yuborilishi kerak;
  • Ilovalar va ilmiy maqolalarning elektron versiyalari, shu jumladan veb-platformalarda chop etilgan maqolaga havola yoki skanerlangan nusxasi 2022-yil 1-avgustga qadar ozone.o3.uz@gmail.com elektron manziliga yuboriladi.

Ilmiy maqolalarini baholashda quyidagi mezonlarga asoslaniladi:

  • Maqolaning aholi uchun qanchalik foydali ekanligi, yaʼni u qanday muammoni ochib bergani va ijobiy taʼsiri — 20 ball
  • Maqola hozirgi nazariyalarni qoʻllab quvvatlashi/oʻzgartirishi yoki yangi konsepsiya/nazariyani ishlab chiqishga yordam bera olishi — 10 ball
  • Maqolada ozon qatlamini himoya qilishda gender tenglikka alohida eʼtibor berilganligi — 10 ball

Maqola ilmiy maqolalar uchun umumiy qabul qilingan qoidalar asosida yozilgan boʻlishi ham juda muhim:

  • Foydalanilgan adabiyotlar roʻyxatini hisobga olmaganda 8000 soʻzgacha boʻlishi kerak
  • Maqolasi veb-platformalarda yoki ilmiy nashrlarda chop etilishi (etilgan boʻlishi) kerak;
  • Ilmiy manbalardan iqtibos keltirishganligi — 10 ball;
  • Usulga qatʼiy amal qilinganligi va berilgan maʼlumotlar nima uchun topilmalarni qoʻllab-quvvatlashini aniq tushuntirilgani — 10 ball;
  • Maqola materiallari tegishli sohada ilgari olib borilgan tadqiqotlar bilan qanchalik bogʻlanganni — 10 ball;
  • Maqolaning ichki ruhiyati hikoya tarzida yozilgan, tushunarli, gaplar bir-biriga mantiqan bogʻlangan boʻlishi kerak.
     Sarlavha va mazmunning muvofiqligi – 10 ball;
  • Koʻrsatilgan masalaning tahlili  — 10 ball.

Ilmiy ishlar qanday kategoriyalarga qarab baholanishi haqida batafsil ushbu havola orqali bilib olish mumkin.

Qoʻshimcha maʻlumotlar

Oʻzbekiston
“Ozon qatlami va hayot” mavzusida xalqaro ilmiy maqolalar tanlovi. Har bir nominatsiya gʻolibiga noutbuk sovgʻa qilinadi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar