“Search for common ground” va mahalliy
Telegram kanalimizga aʼzo boʻling

Muhim tafsilotlar

  • Dastur tili
    Rus tili, O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

"Search for common ground" nodavlat notijorat tashkiloti va “Istiqlol avlodi” nodavlat notijorat tashkiloti Jizzax shahrida, Namangan va Samarqand viloyatlarida istiqomat qilayotgan urush zonalaridan repatriatsiya qilingan fuqarolarni reabilitatsiya qilish va reintegratsiya qilish bo‘yicha tadbirlarni amalga oshirish uchun grantlar ajratish uchun tanlov e’lon qiladi. Tanlov shu yo'nalishda faoliyat olib boruvchi mahalliy NNT (yuridik shaxslar) o'rtasida amalga oshiriladi. 

Mazkur loyiha Yevropa Ittifoqining moliyaviy ko'magida "Search for common ground"  va "Istiqlol avlodi" NNT tomonidan amalga oshirilayotgan "Markaziy Osiyo mamlakatlarida ijtimoiy birdamlikni mustahkamlash" loyihasi doirasida amalga oshirilmoqda. Grantlar tanlov asosida beriladi. Grantlar berish qurolli mojarolar hududlardan qaytganlarni huquqiy, psixologik va ijtimoiy reabilitatsiya va reintegratsiyasi uchun zarur moddiy ta'minlashga qaratiladi.    

Grant-loyhalar quyidagi doirada amalga oshirilishi so'raladi:

  • Repatriantlarga psixologik, huquqiy va moddiy yordam ko'rsatish va psixologik jarohatni davolashda yordam berishga qaratilgan sessiyalar;
  • Repatriantlar uchun qulay muhit yaratish va rag'batlantirishga qaratilgan tadbirlar;
  • Repatriantlarning ijtimoiy va iqtisodiy reintegratsiyasiga qaratilgan tadbirlar;
  • Qaytganlarni o'qitish va ish bilan ta'minlashga qaratilgan tadbirlar.
    Repatriantlarga, ayniqsa, bolalarga ta'lim olish imkoniyatini berishga qaratilgan tadbirlar.

Loyihaning manfaatli tomonlari, qo'shimcha talablar va kerakli ilovalar bilan bu yerda batafsil tanishish mumkin. 

Maqbullik shartlari

  • Ariza beruvchilar Jizzax, Namangan va Samarqand viloyatlarida joylashgan mahalliy NNT (yuridik shaxs) boʻlishi kerak;
  • Ariza beruvchilar zo'ravonlik qurbonlari va qiyin vaziyatga tushib qolgan odamlar bilan ishlash tajribasiga ega bo'lishi kerak;
  • Nomzodlar rus va/yoki o‘zbek tillarida to‘liq hujjatlar to‘plamini taqdim etishlari kerak.

Maqbullik shartlari bilan batafsil bu yerda tanishish mumkin.

Foydali tomonlari

  • Ushbu tadbir doirasida 2 ta grant ajratiladi, har bir mini-grantning maksimal miqdori 2000 yevroni tashkil qiladi. Ariza beruvchilar bir nechta ariza topshirishlari mumkin, lekin ular 1 ta dan ortiq grant ololmaydilar.

Izoh: Jami byudjetning 90% miqdoridagi to'lovlarning birinchi shartnoma imzolangandan va boshlang'ich hisobot tasdiqlanganidan keyin amalga oshiriladi. Jami byudjetning 10% miqdoridagi ikkinchi toʻlov transhi hisobotning yakuniy tahriri tasdiqlangan va tasdiqlangandan keyin amalga oshiriladi.

Hujjat topshirish

Nomzodlar 2022-yil 7-fevraldan kechiktirmay emp.kyrgyzstan@sfcg.org  va djizzak2013@gmail.com elektron manzillariga ariza hujjatlari to‘plamini yuborishlari kerak. Kechikkan arizalar ko'rib chiqilmaydi!

Quyidagi hujjatlar ilova qilinishi lozim:

  • Yuridik shaxsni ro'yxatdan o'tganligini tasdiqlovchi ro'yxatga olish hujjatining nusxasi, shuningdek tashkilot ustavi;
  • Ariza beruvchilar va taklif qilingan faoliyat haqida ma'lumot bilan ariza shakli (Ariza shakli shabloni 2-ilovada keltirilgan);
  • Ish tartibi (Ish jadvali shabloni 2-ilovada keltirilgan); 
  • Rejalashtirilgan xarajatlarni batafsil tavsiflovchi byudjet jadvali. (Byudjet jadvalining shabloni 2-ilovada keltirilgan. Taklif etilayotgan byudjet grant oluvchi tashkilotlarning ijara va kommunal xizmatlar kabi operatsion xarajatlarini qoplay olmaydi. Taklif etilayotgan byudjet taklif etilayotgan tadbirlarni amalga oshirish bilan cheklanishi kerak).

Hujjatlarga qo'yilgan talablar batafsil bu yerda yozilgan.

Qoʻshimcha maʻlumotlar

Arizalar quyidagi mezonlar asosida baholanadi:

  • Ariza beruvchilar tomonidan taklif etilayotgan tadbirlar repatriantlarning reabilitatsiyasi va reintegratsiyasiga qaratilgan bo‘lishi kerak;
  • Ariza beruvchilar tomonidan taklif etilayotgan tadbirlar repatriantlarning reabilitatsiya va reintegratsiyaga bo‘lgan ehtiyojlari va dolzarb muammolarini qondirishga qaratilgan bo‘lishi kerak. Repatriantlarni moddiy qo‘llab-quvvatlash bo‘yicha rejalashtirilgan xarajatlar naqd pulda berilishi mumkin emas va grant umumiy miqdorining 50 foizidan oshmasligi kerak;
  • Ariza beruvchilar tomonidan taklif etilgan tadbirlar barqaror bo'lishi va uzoq muddatli ta'sirga ega bo'lishi kerak;
  • Ariza beruvchilar tomonidan taklif etilayotgan tadbirlar ushbu tadbirlarni rejalashtirish va/yoki amalga oshirish bosqichlarida tarmoqlararo hamkorlikni rag‘batlantirishi kerak.

Qo'chimcha ma'lumotlar uchun:

Oʻzbekiston
“Search for common ground” va mahalliy "Istiqlol avlodi" NNT tomonidan Jizzax, Namangan va Samarqand viloyatlarida yashovchi fuqarolar va qurolli mojarolar hududlardan qaytganlarni reabilitatsiya va reintegratsiya qilish bo'yicha NNTlar o'rtasida grantlar

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar