UNICEF tashabbusidagi kosmonavtika sohasiga qiziquvchi qizlar uchun UniSat STEM dasturi
O‘zbekiston O‘zbekiston
27 Noy, 2022 · Muddat tugagan

UNICEF tashabbusidagi kosmonavtika sohasiga qiziquvchi qizlar uchun UniSat STEM dasturi

Kurslar Bepul ishtirok

Tavsif

UNICEF, Tech4Impact NNT va Innovatsion rivojlanish vazirligi tomonidan fazo ilmiga qiziquvchi Oʻzbekiston qizlari uchun UniSat STEM dasturi tashkil etildi.

Ushbu dasturda 15 yoshdan 24 yoshgacha boʻlgan muhandislik, matematika, IT va fazo ilmi sohalariga qiziquvchi bacha qizlar ishtirok etishlari mumkin. 

UniSat missiyasi — qizlarda jamoada ishlash, omma oldida chiqishlar qilish, vaqtni samarali boshqarish, ijtimoiy moslashuvni oshirish bo‘yicha bilimlar va ko‘nikmalarni rivojlantirish. Bu ilm-fan, kosmik texnologiyalar, STEM-ta’limni ommalashtirish va keng jamoatchilik e’tiborini O‘zbekistonning ilg‘or yoshlari orasida texnologik sohalarda gender masalasiga jalb qilish dasturi.

Ishtirokchi qizlar dasturiy va apparat taʼminotini ishlab chiqish sohasidagi yetakchi mutaxassislardan CubeSat formatidagi haqiqiy nanoyoʻldoshni yigʻish va uni stratosferaga uchirishni oʻrganishadi, kosmik texnikani 3D-modellashtirish, kommunikatsiyalarni boshqarishning dasturiy bloklarini loyihalashtirish boʻyicha bilimlarga va Linux ostiga dasturlashtirish asoslariga ega boʻlishadi.

Dasturning faoliyati haqida batafsil ushbu havola yoki nizom orqali maʼlumot olish mumkin.

Kimlar uchun mo'ljallangan

Dasturda ishtirok etish uchun nomzodlar quyidagi talablarga javob berishi lozim:

  • Oʻzbekistonning istalgan hududidan 15 yoshdan 24 yoshgacha boʻlgan qizlar qatnashishi mumkin;
  • Maxsus maʼlumot va koʻnikmalar talab qilinmaydi.

Talablar haqida batafsil ushbu havola orqali maʼlumot olish mumkin.

Imtiyozlar va qulayliklar

Dasturga qabul qilingan nomzodlar quyidagi imtiyozlarga ega boʻladi:

  • Dasturga qabul qilingan qizlar 4 oylik onlayn va oflayn seminarlar, amaliy mashgʻulotlar davomida, taniqli olimalar, kosmonavtlar, matematiklar, muhandislar bilan uchrashadilar;
  • 20 nafar eng yaxshi ishtirokchi qizlar Toshkentda InnoLab laboratoriyasida CubeSat’ni yig‘ish bo‘yicha stajirovkadan o‘tadi;
  • Har biri 10 nafar ishtirokchi qizdan iborat 2 ta ekipaj 2023-yil bahorida o‘zlari yasagan CubeSat’ni stratosferaga uchirish bo‘yicha musobaqalarda qatnashadi;
  • Dastur davomida qizlar quyidagi bilimlarga ega boʻladilar:
    • Jamoani shakllantirish va vaqtni rejalashtirish;
    • Yoʻldoshning dastlabki dizayniga va 3D modellashtirishga kirish;
    • Dasturiy taʼminot integratsiyasi va uskunalarni yigʻish;
    • UniSat nanoyoʻldoshini loyihalashtirish va ishlab chiqishga muhandislik yondashuvi;
    • UNISAT tomonidan qoʻllanadigan Yevropa kosmik sanoat standarti (ECSS);
    • Maʼlumotlar tahlili va boshqa koʻplab qiziqarli fanlar

Dasturning manfaatli tomonlari haqida batafsil ushbu havola orqali maʼlumot olish mumkin.

Topshirish jarayoni

Dasturda qatnashish uchun qizlar ushbu havola orqali roʻyxatdan oʻtishlari kerak.

Muhim tafsilotlar

  • Imkoniyat turi

    Kurslar

  • Moliyalashtirish

    Bepul ishtirok

  • Dastur tili

    Ingliz tili, Rus tili, O'zbek tili

  • Yosh chegarasi

    Min: 15, Max: 24

  • Jins

    Ayol

O‘zbekiston UNICEF tashabbusidagi kosmonavtika sohasiga qiziquvchi qizlar uchun UniSat STEM dasturi
27 Noy, 2022
Muddat tugagan
GrantGo
© GrantGO 2026. Barcha huquqlar himoyalangan.