Yaponiyada bakalavr bosqichini toʻliq moliyalashtirilgan holda oʻqish uchun MEXT Scholarship granti

Yaponiya Taʼlim, madaniyat, sport, fan va texnologiyalar vazirligi (MEXT) xalqaro talabalar uchun bakalavr bosqichini Yaponiyaning nufuzli universitetlarida toʻliq moliyalashtirilgan holda oʻqish imkonini beruvchi MEXT Scholarship grantini taqdim etadi. Ushbu bosqich uchun oʻquv muddati yapon tilida 1 yillik tayyorgarlik kursini hisobga olgan holda 5 yilni tashkil qiladi. Agar nomzod yapon tilini yaxshi bilsa yoki ingliz tilida oʻqitiladigan universitet bakalavriat bosqichiga kirsa tayyorlov kursi oʻtilmaydi. Grant gʻoliblari oʻqishni 2027-yil boshlaydi.

Nomzod saralash birinchi bosqichida Yaponiya elchixonasiga taqdim etilgan hujjatlari, yozma imtihon va suhbatlashish yakunlari bo‘yicha tanlov asosida saralash o‘tkazadi. Yozma imtihon testlardan tashkil topgan bo‘lib quyidagi kursatilgan fanlar asosida ihtisos yo‘nalishiga asoslangan xolda qabul qilinadi. Yapon tilidan bilim darajasi kamida boshlangich bo‘lishi kerak. Yapon tili sinovidan 0 olgan talabalar keyingi bosqichga o‘tmagan hisoblanadilar. Yapon tili test sinovi kelajakdagi ihtisosislikka asoslangan holda inobatga olinadi, shunga qaramasdan nomzod Yapon tili va madaniyatini o‘rganishga qiziqish ko‘rsatish va tayyor bo‘lish kerak.

Dasturdan asosiy maqsad iqtidorli yoshlarni mamlakatga jalb qilish, ularni ragʻbatlantirish va Yaponiya taʼlim tizimining xalqaro miqyosda ahamiyatini oshirish.

Grant quyidagi yoʻnalishlarga taqdim etiladi:

1. Social Sciences and Humanities (Ijtimoiy-gumanitar fanlar) quyidagi yoʻnalishlardan iborat:

• Social Sciences and Humanities (A):
  • Law (Huquq);
  • Politics (Siyosat);
  • Pedagogy (pedagogika);
  • Sociology (Jamiyatshunoslik);
  • Literature (Adabiyot);
  • History (Tarix);
  • Japanese language (Yapon tili);
  • Boshqalar yaʼni Iqtisodiyot, Biznes boshqaruvi va Social Sciences and Humanities — B kurslaridagi “Boshqalar”dan tashqari nomzodlar oʻziga mos universitet topishda qiynalishi mumkin.
• Social Sciences and Humanities (B):
  • Economics (Iqtisodiyot);
  • Business Administration (Biznes boshqaruvi);
  • Boshqalar (Buxgalteriya, Moliyaviy iqtisodiyot va hk).

2. Natural Sciences (Tabiiy fanlar) quyidagi yoʻnalishlardan iborat:

• Natural Sciences (A):
  • Science (Ilm-fan): 1. Mathematics. 2. Physics. 3. Chemistry.
  • Electric and Electronic Studies: 4. Elektronika. 5. Elektrotexnika. 6. Axborot muhandisligi.
  • Mechanical Studies: 7. Mechanical Engineering 8. Naval Architecture.
  • Civil Engineering and Architecture: 9. Civil Engineering 10. Architecture
    11. Environmental Engineering.
  • Chemical Studies: 12. Applied Chemistry 13. Chemical Engineering
    14. Industrial Chemistry 15. Textile Engineering.
  • Boshqa sohalar: 16. Metallurgical Engineering 17. Mining Engineering 18. Maritime Engineering 19. Biotechnology
• Natural Sciences (B):
  • Agricultural Studies (1. Agriculture 2. Agricultural Chemistry 3. Agricultural Engineering 4. Animal Science 5. Veterinary Medicine 6. Forestry 7. Food Science 8. Fisheries);
  • Hygienic Studies (9. Pharmacy 10. Hygienics 11. Nursing);
  • Science (12. Biology);
• Natural Sciences (C):
  • Medicine;
  • Dentistry.

Grant gʻoliblari qaysi oliy taʼlim muassasasida oʻqishi MEXT dasturining masʼul shaxslari tomonidan belgilanadi.

Dastur haqida batafsil maʼlumotni ushbu havola orqali olish mumkin.

• Dasturga qiziqqan va Yaponiya bilan diplomatik munosabatlarga ega boʻlgan davlat fuqaroligiga ega barcha xalqaro talabalar qatnashishi mumkin. (Oʻzbekiston fuqarolari topshira oladi);
• Nomzod 12 yillik umumiy oʻrta taʼlimni tamomlagan boʻlishi shart;
• Nomzod 2002-yil 2-aprel yoki shu sanadan keyin tugʻilgan boʻlishi va Yaponiya universitetiga qabul qilinish vaqtida 18 yoshga toʻlgan boʻlishi lozim;
• Yapon tilidan bilim darajasi kamida boshlangich bo‘lishi kerak. Yapon tili sinovidan 0 olgan talabalar keyingi bosqichga o‘tmagan hisoblanadilar;
• Nomzodning salomatligi Yaponiyaga oʻqishga ketish va u yerda taʼlim olish uchun yetarli darajada boʻlishi kerak (Hujjat topshirish jarayonida salomatlik darajasini koʻrsatuvchi hujjatlar talab etiladi);
• Yaponiyaga talabalik vizasi (Student Visa) olish imkoniyatiga ega boʻlish kerak (Yaponiyaga boshqa turdagi vizalari bor shaxslar talabalik vizasini olishlari va Yaponiyaga shu viza bilan qaytadan kirishlari kerak boʻladi).

Yuqoridagilar nomzodlarga qoʻyilgan umumiy talablardir. Ushbu havola orqali nomzodlarga qoʻyilgan boshqa talablar bilan tanishib chiqish lozim.

Eslatma: Yaponiyadagi universitetlaridan birida oʻqiyotgan va talabalik vizasiga ega nomzodlar ushbu dasturga topshira olmaydi!

• Kirish imtihonlari, oʻqishga kirish va universitetda oʻqish uchun toʻlovlardan ozod qilinadi;
• Oylik stipendiya beriladi;
• Yaponiya borish va grant dasturi yakunida oʻz yurtiga qaytish uchun aviachipta bilan taʼminlanadi.

Nomzod Elchixonaga quyida koʻrsatilgan hujjatlarning 2 ta toʻplamini 2026-yil 25-may soat 17:00 gacha taqdim etishi lozim. Hujjatlar qaytarib berilmaydi. Hujjatlar asl va koʻchirma nusxada boʻlishi lozim.

Talab qilinadigan hujjatlar (ingliz yoki yapon tilida):

• Soʻrovnoma-ariza (Application form) — 1 ta asl va 1 ta koʻchirma nusxa;
• Toʻgʻridan toʻgri joylashish hujjati (Placement Preference Form) — bu hujjatni faqatgina universitetga toʻgʻridan toʻgʻri qabul qilinayotgan talabalar topshirishi kerak; Anketani topshirishdan oldin, ariza beruvchilar Yaponiya diplomatik missiyasidan qaysi bakalavriat kurslari toʻgʻridan-toʻgʻri qabul qilinishiga ruxsat berishini aniqlashlari kerak.
• Maktabdagi taʼlim yillarining natijalari koʻchirmasi — maktab/litsey/oliy oʻquv yurti tomonidan rasmiy muhr bilan tasdiqlangan boʻlishi lozim.
• Attestat nusxasi yoki litsey diplomi(oxirgi oʻqish joyidan ilovasi bilan) - Maktab/litsey/oliy oʻquv yurti tomonidan rasmiy muhr bilan tasdiqlangan. Attestat yoki diplomni olmagan talabalar uchun oʻqish joyidan maʼlumotnoma. Attestat faqat koʻchirilgan nusxada boʻlishi lozim, va ushbu koʻchirmasi rasmiy muhr bilan maktab, litsey, institut tomonidan tasdiqlangan boʻlishi zarur.
• Nomzod bitirgan OʻYu dan tavsiyanoma (maktabdan-sinf rahbaridan, litseydan-litsey direktoridan);
• Tibbiy guvohnoma — 2026 y. belgilangan namunadagi blank, ingliz tilida toʻldirilib, doctor imzosi va shifoxonaning (poliklinika) muhri boʻlishi shart. Har qanday shifoxona (poliklinika) yoki xususiy tibbiyot markaziga murojaat qilishingiz mumkin.
• OTMda oʻqiyotganlik haqida maʼlumotnoma (1 ta asl va 1 ta koʻchirma nusxasi). Bu hujjatni faqatgina OTMda tahsil olayotganlar topshiradi;
• Kirish imtihonlarini topshirib, universitetga qabul qilinganlik haqidagi maʼlumotnoma (1 ta asl va 1 ta koʻchirma nusxasi). Bu hujjatni faqatgina biror universitetga kirish uchun kirish imtihonini topshirib, qabul qilingan, biroq hali oʻqishni boshlamagan talabalar topshiradi;
• Til bilish sertifikatlari (agar boʻlsa):
  • IELTS;
  • TOEFL;
  • JLPT va boshqalar.

Muhim: Asl va koʻchirma nusxalar alohida toʻplam koʻrinishida, stepler qilmasdan topshirilishi shart. Talab etilgan barcha hujjatlarning yuqori oʻng burchagiga ① dan ⑨ gacha raqamlab chiqish lozim.

Dastur uchun qabul quyidagi bosqichlardan iborat:

1-bosqichda talab qilingan hujjatlarni 2026-yil 23-may soat 17:00 dan kechiktirmasdan topshirish kerak. Birinchi bosqichning yakuniy natijalari 2026-yil 11-iyunda eʼlon qilinadi va natijalar haqida maʼlumotni toʻgʻridan toʻgʻri elchixonaga qoʻngʻiroq qilib bilib olish mumkin.

2-bosqichga oʻtganlardan 2026-yil 21-iyun kunlari yozma imtihon olinadi.

Imtihon olinadigan fanlar yoʻnalishga qarab farqlanadi:

Gumanitar-ijtimoiy fanlar-A yoʻnalishi uchun:

• Yapon tili (A), Ingliz tili (A), Мatematika (A);

Gumanitar-ijtimoiy fanlar-B yoʻnalishi uchun:

• Yapon tili (A), Ingliz tili (A), Мatematika (A)

Tabiiy fanlar-A yoʻnalishi uchun:

• Yapon tili (B), Ingliz tili (B), Мatematika (B), Kimyo, Fizika;

Tabiiy Fanlar-В-C yoʻnalishi uchun:

• Yapon tili (B), Ingliz tili (B), Мatematika (B), Kimyo; Biologiya.

Agar birinchi tanlov Gumanitar-ijtimoiy Fanlar (Social Sciences and Humanities–A guruh va B-guruhlar qatoridan tanlangan boʻlsa, keyingi ikkinchi va uchinchi tanlov ham shu ixtisosdan tanlab olingan boʻlish kerak. Tabiiy Fanlarni tanlagan nomzod birinchi tanlovni A-guruhdan qilgan boʻlsa, keyingi ikkinchi va uchinchi tanlovni ham A-guruhdan qilish lozim, agar tanlov B-guruhdan qilingan boʻlsa, keyingi ikkinchi va uchinchi tanlovni ham B-guruhdan qilish lozim. C-guruhni tanlagan talabalar, shu yoʻnalishdagi fanlar kamligini inobatga olgan holda ikkinchi tanlovni B va C guruhdan tanlashi lozim, uchinchi tanlov esa B guruhdagi fanlardan tanlash lozim.

3-bosqichda saralangan nomzodlar bilan Oʻzbekistonda iyul oyida suhbat oʻtkaziladi. Suhbat oʻtkaziladigan aniq sana va joy keyinchalik eʼlon qilinadi.

4-bosqich 2027-yil yanvar-fevral oylarida oʻtkaziladi va MEXT tomonidan natijalarga qarab saralanadi. Grantni yutgan nomzodlardan universitetning kirish imtihonini topshirishi soʻralishi mumkin.

Avvalgi yillardagi imtihonlarda tushgan savollar bilan ushbu havola orqali maʼlumot olish mumkin.

Grantning asosiy shartlari va hujjat topshirish qoidalari bilan ushbu havola orqali toʻliq tanishib chiqish va kerakli hujjatlarni ushbu havola orqali yuklab olish mumkin.

Muhim! Birinchi va ikkinchi saralash bosqichlaridan (yozma imtihon va suhbat) muvaffaqiyatli oʻtish universitetga qabul qilinishga kafolat bermaydi, yakuniy qaror Yaponiya Taʼlim, madaniyat, sport, fan va texnologiyalar vazirligi tomonidan qabul qilinadi.

DASTUR REJASI

• 23-aprel 2026 — Dasturning eʼlon qilinishi;
• 25-may 2026 — Hujjatlarni qabul qilish yakunlanishi;
• 10-iyun Anketalar tanlovi natijalarining eʼlon qilinishi (nomzodlar oʻzlari telefon qilishadi);
• 21-iyun — Yozma imtihon (Imtihon oʻtkaziladigan vaqt va joy keyinroq maʼlum qilinadi) (oʻzgarishlar boʻlishi mumkin)
• Iyun oxiri — Yozma imtihon natijalari maʼlum qilinishi;
• Iyul oyi boshi — Suhbatdan oʻtish;
• 2026-yil yanvar-fevral — Tanlovning yakuniy natijalari maʼlum qilinishi;
• 2026-yil aprel — Yaponiyaga yetib kelinishi.
• Oʻquv dasturlari, soʻrovnomalarni toʻldirish va boshqalar bilan bogʻliq savollar boʻlsa, (78) 120-8076/60/61/62 telefon raqami orqali elchixonaning Madaniyat va jamoatchilik bilan aloqalar boʻlimiga murojaat qilish mumkin. Ish vaqti: 09:00 dan 13:00 gacha va 14:00 dan 17:30 gacha;
• Tel: (+99878) 120-80-60/61/62/63;
• Faks: (+99878) 120-80-77;
• Kurslar roʻyxati bilan batafsil ushbu havola orqali tanishib chiqish mumkin;
• Yaponiyaning Oʻzbekiston Respublikasidagi elchixonasi: 100047, Oʻzbekiston, Toshkent, Sodiq Azimov koʻchasi, 1-tor koʻcha, 28-uy.