Yaponiyada magistratura va doktorantura bosqichida tahsil olish uchun Honjo International Scholarship Foundation stipendiyasi

Yaponiyadagi Honjo International Scholarship Foundation tomonidan tashkillashtirilgan stipendiya Yaponiyada magistratura va doktorantura bosqichida oʻqish uchun moʻljallangan. Stipendiyaga barcha millat vakillari hujjat topshirishi mumkin.

Yaponiya universitetlaridan biriga hujjat topshirgan va universitetga qabul qilingan nomzodlar Yaponiyaga kelmay turib ham ariza topshirishlari mumkin.

Stipendiya miqdori oʻquv yiliga qarab farq qiladi. Nomzodlar jamgʻarmaning bir qator talablariga javob berishlari zarur.

Stipendiya uchun 2 mavsumda ariza topshirish mumkin. Jamgʻarma bahorgi semestrda 5 kishi va kuzgi semestrda 5 kishi uchun stipendiya ajratadi.

Yaponiya stipendiyasiga ariza topshirish uchun nomzod quyidagi talablarning barchasiga javob berishi shart:

• Yaponiya fuqarosi boʻlmasligi kerak;
• Bahorgi semestrdan oʻqiydigan nomzodlar 2024-yil aprel oyigacha yoki shu yili aprel oyida boshlanadigan biror bir yapon universitetiga hujjat topshirgan boʻlishi lozim. Hali Yaponiyadagi biror bir universitetga hujjat topshirmagan va hujjatga toshirish jarayonida ishlaganlar ham roʻyxatdan oʻtishlari mumkin;
• Yaponiyada 2024-yil bahorgi semestrdan boshlab oʻqishni rejalashtirayotganlar 2023-yilning 1-sentyabridan 31-oktyabrigacha hujjat topshirishlari mumkin;
• Yaponiyaga kelmay onlayn oʻquvchilar uchun stipendiya ajratilmaydi;
• Kasbiy-malakaviy sohaga yoʻnaltirilgan oʻqishda oʻqiyotgan talabalar stipendiya uchun ariza topshira olmaydi. Ammo, nomzod tadqiqot rejasini taqdim etgan taqdirda stipendiya uchun ariza berish imkoniyatini qoʻlga kiritadi;
• Nomzodning Yaponiyada oʻqish muddati 12 oydan kam boʻlmasligi lozim;
• Stipendiya uchun ariza topshirayotgan doktorantura talabalari 35 va magistratura talabalari esa 30 yoshdan kichik boʻlmasligi kerak (Istisnolar mavjud emas);
• Nomzod kelajakdagi karyerasini oʻz davlatida davom ettirish istagida boʻlishi zarur;
• Ishtirokchilar xalqaro doʻstona munosabatlar va aloqalar tushunchasiga ega boʻlishi va yangi aʼzo sifatida keyinchalik ushbu stipendiya maʼmuriyati tomonidan uyushtirilgan uchrashuv va tadbirlarda qatnashishi lozim;
• Nomzod yapon tilida hech boʻlmagandan soʻzlasha olishi kerak. Intervyu yapon tilida boʻlib oʻtadi. (Istisnolar mavjud emas).

Dastur talablari haqida ushbu havola orqali ma'lumot olish mumkin.

Stipendiyaning imtiyozlari quyidagicha:

• Stipendiyani qoʻlga kiritganlarga 2024-yil aprel oyidan boshlab stipendiya taqdim etiladi. Stipendiya miqdori oʻqish yiliga bogʻliq holda oʻzgaradi:

-1 yoki 2 yil tahsil oluvchilar uchun oyiga 210,000 iyena ($1442);

-3 yil tahsil oluvchilar uchun oyiga 190,000 iyena ($1307);

-4 yoki 5 yil tahsil oluvchilar uchun oyiga 160,000 iyena ($1100);

Maʼlumot uchun: Iyena Yaponiya pul birligi.

• Stipendiatlarga jamgʻarma qoidalariga tayangan holda xalqaro konferensiyalarda ishtirok etish va yoʻl xarajatlari qoplab beriladi.

Stipendiyaning foydali tomonlari haqida ushbu havola orqali batafsil bilib olish mumkin.

Stipendiya uchun 2 mavsumda ariza topshirish mumkin:

-Bahorgi semestr: 1-sentyabrdan 31-oktyabrgacha;

-Kuzgi semestr: 1-apreldan 30-aprelgacha;

Ushbu stipendiya jamgʻarmasi uchun ariza topshirish jarayoni quyidagicha:

1. Stipendiya talablariga javob bera olish yoki olmaslik tekshiriladi.
2. Onlayn ariza topshiriladi va kerakli hujjatlar yuklanadi.
3. Ariza topshirilgandan keyin ariza raqami avtomatik belgilab beriladi va nomzod arizaning pdf shaklini yuklab olishi kerak boʻladi. Chunki natijalar eʼlon qilinganda ariza shakli kerak boʻlishi mumkin.

Stipendiyaga ariza topshirish uchun kerakli hujjatlar roʻyxati bilan ushbu havola orqali tanishish mumkin.

Honjo International Scholarship Foundation stipendiyasiga ushbu havola orqali ariza topshirish mumkin.

Stipendiya uchun nomzodlarni tanlash uch bosqichda boʻlib oʻtadi:

1. Hujjatlarni koʻrib chiqish.
2. Intervyu oʻtkazish (Tokioda yoki video qoʻngʻiroq orqali oʻtkaziladi).
3. Natijalarni eʼlon qilish.

Stipendiya haqida batafsil ushbu havola orqali stipendiya rasmiy saytidan maʼlumot olish mumkin.

Qoʻshimcha savollarga ushbu havola orqali javob olish mumkin.

Stipendiya haqida soʻralgan savollar va ularning javoblari bilan ushbu havola orqali tanishish mumkin.

E-mail: info@hisf.or.jp