Yaponiyaning Matsumae xalqaro tashkiloti tomonidan istalgan sohadagi tadqiqotchilar uchun amaliyot dasturi. Oylik stipendiya — $1,450
-
01/04/2023 Qabul boshlanishi
-
Toʻliq Moliyalash turi
-
Yaponiya Davlat
-
30/06/2023 20:00 Oxirgi muddat
Umumiy maʻlumotlar
Yaponiyaning nufuzli Matsumae xalqaro tashkiloti doktorantura bosqichini tamomlagan va hozirgi kunda tabiiy fanlar, muhandislik, tibbiyot yoki boshqa yoʻnalishlarda tadqiqot olib borayotganlar uchun xalqaro almashinuv dasturini eʼlon qiladi.
Matsumae Xalqaro Jamgʻarmasining (MIF) maqsadi — irqi, jinsi, dini yoki mafkurasidan qatʼi nazar, yuqori akademik qobiliyatga ega boʻlgan chet ellik tadqiqotchilarga Yaponiyada ilmiy faoliyat olib borish imkoniyatini berish va Yaponiyaning ilmiy rivojlanishga hissa qoʻshish, shuningdek, xalqaro doʻstlik aloqalarini mustahkamlash.
Nomzodlar shu vaqt oraligʻidagi 3 yoki 6 oylik tadqiqot dasturiga ariza topshirib ishtirok etishlari mumkin.
Qabul soni: 15 ta
Qabul tugashining oxirgi sanasi: 2023-yil 30-iyun (Yaponiya vaqti bilan).
Dastur haqida ushbu havola orqali batafsil maʼlumotga ega boʻlish mumkin.
Maqbullik shartlari
- Yaponiya fuqarosi boʻlmagan barcha tadqiqotchilar ariza yuborishlari mumkin;
- Nomzodlar ariza topshirish vaqtida doktorantura bosqichini tamomlagan, yoshi 45 yoki undan kichik boʻlishi;
- Ingliz yoki yapon tilida erkin soʻzlashish qobiliyatiga ega boʻlishlari kerak;
- Ariza yuborish vaqtiga qadar oʻzlari tadqiqot olib borishni istagan universitet yoki tadqiqot markazi tomonidan qabul qilinganlik haqida xat olishlari kerak;
- Tadqiqotlar, asosan, tabiiy fanlar, muhandislik va tibbiyot yoʻnalishlarida olib borilganligi sababli qabul jarayonida shu soha vakillariga ustunlik beriladi;
- Nomzodlar oldin Yaponiyaga tadqiqot olib borish maqsadida tashrif buyurmagan boʻlishlari;
- Dastur tugagandan soʻng oʻz davlatlariga qaytib oʻrganganlarini boʻlishishlari kerak.
Qabul qilinish shartlari bilan batafsil ushbu havola orqali tanishib chiqish mumkin.
Foydali tomonlari
- Tadqiqot xarajatlarini qoplash uchun oyiga 220,000 JPY (~1,450 dollar), Yaponiyaga yetib kelgach joylashib olish va yashash xarajatlari uchun 120,000 JPY (~793 dollar) beriladi;
- Borish-kelish aviachiptasi, sayohat va tibbiy sugʻurta xarajatlari dastur tomonidan toʻliq qoplanadi;
- Matsumae xalqaro tashkiloti tadqiqotchilarni Yaponiya madaniyati bilan yaqindan tanishi uchun oʻquv sayohat dasturlariga taklif qiladi.
Eslatma: Dastur tadqiqotchining viza xarajatlarini, oilasi boʻlsa ularning Yaponiyaga kelish xarajatlarini moliyalashtirmaydi.
Qoʻshimcha maʻlumotlar
Qoʻshimcha savollar boʻyicha ushbu havola orqali bogʻlanish mumkin.