Yosh manbashunos olimlar va tadqiqotchi magistrlar oʻrtasida boʻlib oʻtadigan “Uchinchi Renessans – yoshlar nigohida” tanlovi
  • 20/06/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 01.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    O'zbek tili
  • Yosh chegarasi
    35 yoshgacha

Doʻstlar bilan ulashing

Umumiy maʻlumotlar

Oliy va oʻrta maxsus taʼlim vazirligi tomonidan oliy taʼlim va ilmiy tadqiqot muassasalarida ilmiy-izlanish olib borayotgan yosh manbashunos olimlar tadqiqotchi va magistrlar oʻrtasida “Uchinchi Renessans – yoshlar nigohida” tanlovini eʼlon qiladi.

Ushbu tanlov Oʻzbekiston Respublikasi Prezidentining 2021-yil 26-martdagi va 16-iyundagi qarorlariga muvofiq oliy taʼlim va tadqiqot muassasalarida ilmiy-izlanish olib borayotgan yosh manbashunos olimlar, tadqiqotchi va magistrlarni qoʻllab-quvvatlash hamda ularning ilmiy izlanishlari, tadqiqot natijalarini amaliyotga tatbiq etishga qaratilgan. Tanlov Yoshlar ishlari agentligi, Xalq taʼlimi vazirligi, Innovatsion rivojlanish vazirligi, Oliy va oʻrta maxsus taʼlim vazirligi, Oʻzbekistondagi islom sivilizatsiyasi markazi hamda Fanlar akademiyasi tomonidan tashkillashtirilgan.

Tanlovning OTM bosqichi gʻoliblari diplom va 1-oʻrin 10 million soʻm, 2-oʻrin 7 million soʻm, 3-oʻrin 4 million soʻm pul bilan taqdirlanadi va 1-oʻrin keyingi bosqichga yoʻl oladi. Respublika bosqichida esa 1-oʻrin 30 million soʻm, 2-oʻrin 20 million soʻm va 3-oʻrin 10 million soʻm pul yutuqlarini qoʻlga kiritadi.

Maqbullik shartlari

Tanlovda qatnashish uchun quyidagi talablar mavjud:

  • Tanlovda 35 yoshgacha boʻlgan yoshlar ishtirok eta oladi;
  • Yakka yoki jamoa holida qatnashish mumkin;
  • Har bir nomzod yoki nomzodlik qilayotgan jamoa faqat bitta nominatsiya boʻyicha ishtirok etishi mumkin.

Tanlovga taqdim etilayotgan loyihaga qoʻyiladigan talablar quyidagilardan iborat:

  • Yoʻnalish boʻyicha koʻrsatilgan talabga yechim boʻla olishi hamda amalga oshirish mexanizmi aniq koʻrsatilishi lozim;
  • Mavzuning mazmun-mohiyati toʻliq ochib berilishi kerak;
  • Muammo yechimga qaratilgan boʻlishi kerak;
  • Hayotga tatbiq etish, anʼanaviy va innovatsion yondashuv darajasi mavjud boʻlishi lozim;
  • Mavzu yuzasidan takliflar, usullar va amalga oshirish mexanizmlari zarur.

Tanlov quyidagi nominatsiyalarda boʻlib oʻtadi:

  • Besh muhim tashabbusni keng joriy etish va unga yoshlar qamrovini oshirish;
  • Yoshlar oʻrtasida IT texnologiyalar va xorijiy tillarni oʻzlashtirishning zamonaviy mexanizmlarini ishlab chiqish;
  • Taʼlimning barcha bosqichlarida yoshlarning sifatli taʼlim olishini taʼminlash, hududlarda inklyuziv taʼlimni rivojlantirish boʻyicha innovatsion yondashuv usullari;
  • Yoshlarni ilm-fan va innovatsiyalarga qiziqtirishning noanʼanaviy usullari;
  • Yoshlar, jumladan voyaga yetmaganlar oʻrtasida jinoyatchilik va huquqbuzarliklar profilaktikasini amalga oshirish boʻyicha taʼsirchan mexanizmlarni ishlab chiqish.

Eslatma! Har bir nominatsiya uchun joʻnatiladigan taqdimotlar boʻyicha talablarni ushbu havola orqali bilib olish mumkin.

Tanlov haqida ushbu havola orqali batafsil maʼlumot olish mumkin.

Foydali tomonlari

Tanlov birinchi bosqich gʻoliblari quyidagicha taqdirlanadi:

Tanlovning OTM bosqichi gʻoliblariga diplomlar taqdim etiladi;

  • 1-oʻringa 10 million soʻm pul mukofoti;
  • 2-oʻringa 7 million soʻm pul mukofoti;
  • 3-oʻringa 4 million soʻm pul mukofoti.

1-oʻrin keyingi bosqichga yoʻl oladi. Shuningdek, 2- va 3-oʻrin sovrindorlarining ilmiy rahbari hamda tegishli kafedra jamoasiga rektorning tashakkurnomasi beriladi.

Tanlov birinchi bosqich gʻoliblari quyidagicha taqdirlanadi:

  • 1-oʻringa 30 million soʻm pul mukofoti;
  • 2-oʻringa 20 million soʻm pul mukofoti;
  • 3-oʻringa 10 million soʻm pul mukofoti;
  • Tegishli diplomlar va statuetkalar.

Tanlovning sovrindorlarni mukofotlash tartibi bilan ushbu havola orqali batafsil tanishish mumkin.

Eslatma! Tanlovda qatnashish bilan bogʻliq xarajatlar tanlov ishtirokchisi tomonidan mustaqil ravishda qoplanadi.

Hujjat topshirish

Hujjatlarni joriy yil 1-iyulga qadar oliygohingizdagi Yoshlar masalalari va ma'naviy-ma'rifiy ishlar bo'yicha mutasaddilarga topshirishingiz mumkin.

Tanlov ikki bosqichda bo'lib o'tadi:

-Boshlang'ich (birinchi) bosqich-oliy ta'lim va ilmiy tadqiqot muassasasida o'tkaziladi;

-Respublika (yakuniy) bosqichi- Yoshlar ishlari agentligida o'tkaziladi.

Har bir nominatsiyadagi loyiha yuz ballik mezon bo'yicha baholanadi.

Tanlovni baholash bosqichlari haqida ushbu havola orqali to'liq ma'lumot olish mumkin.

Qoʻshimcha maʻlumotlar

Dastur nizomi bilan ushbu havola orqali tanishish mumkin.

Tanlovning oʻtgan yilgi gʻoliblari haqida ushbu havola orqali maʼlumot olish mumkin.

Dastur haqidagi maʼlumotlarni telegram sahifasidan ham topish mumkin.

Oʻzbekiston
Yosh manbashunos olimlar va tadqiqotchi magistrlar oʻrtasida boʻlib oʻtadigan “Uchinchi Renessans – yoshlar nigohida” tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar